الرئيسية / فن التطياح / كيفاش تتدخل درية جالسة مع صحابتها؟

كيفاش تتدخل درية جالسة مع صحابتها؟

 

ضروري أخي الطياح أنك تحطيتي فهاذ الموقف ديال ‘مني كتبان ليك شي درية بغيتي تدوي معاها و لكن هي برفقة الصديقة ديالها أو مجموعة من الصديقات’ و مكتعرفش تتصرف فديك اللحظة أو كيفاش تلقى شي طريقة لي تخليك أنك تدوي معاها ! و بالتالي فهاذ الدرس غنشوفو 2 طرق غادي يمكنوك من أنك تنفرد بالدرية لجذباتك و اللي بغيتي تعرف عليها .
*قبل مانبداو ندويو على هاد 2 طرق خاصك تعرف أخي النكاح أنه التزلال فالزنقة خاصك تنسى دوك النوطات ديال البراهش بحال : نجي و لا نشد رجلي . هههه ما هذا الخراء ؟!
الا بغيتي تزلل فالزنقة خاصك تبان بعقلك و باغي بصح تعرف على ديك الدرية و أنها بصح جذبات الانتباه ديالك و متبينش ليها أو متخليهاش تحس أنك خارج للزنقة غير باش تزلل عليها نفس الشيء كينطبق على شي مجموعة ديال الدريات !

المهم نرجعو لموضوع ديالنا و نبداو بأول طريقة :
1- طريقة غير مباشرة :

مثلاالطياح شفتي الدرية لجذباتك وسط مجموعة ديال الدريات أو برفقة الصديقة ديالها !
*أول حاجة كطيح ليك فذماغك هي : كيفاش غادي نوقف عليهم ؟! واش نفاجئهم ولا شنو ندير ؟! نصحك أخي النكاح متوقفش ليهم قدامهم غير خوي راسك من هاذ البلان معندو حتا معنى و الا مشيتي حتا درتيه راك كدخل فما يصطلح عليه بالمعاكسة و كيفما سبق و قلت ‘متبينش ليها أو متخليهاش تحس أنك خارج للزنقة غير باش تزلل ، نفس الشيء كينطبق على مجموعة ديال الدريات’ و بالتالي فالحل الأنسب هو أنك تجي من موراهم و تفوتهم بشي 2 خطوات و ضور شوفيهم ، و دوي معاهم بمعنى (دخلهم) [الجزء ديال الدخلة التحت] وبقى مكمل الطريق و نتا داوي معاهم متوقفش . هاذي هي أحسن طريقة !
هانتا درتي أول خطوة بلا متعرض للرفض أو تعطي انطباع أنك خارج غير باش تتزلل !
غتقوليا شنو من بعد ؟!
غنجاوبك : خاصك تحاول تنتج شي دخلة من ذماغك لكتناسب الوضعية لي نتوما كتواجدو فيها و دير فبالك أخي الطياح  أنه كلما كانت الدخلة مضحكة و غير متوقعة غيكون أفضل !
أوك نفترضو أن الدريات غاديين و كضحكو كيفاش غادي تدخلهم ؟! غنقوليك كن عادي بلا متوتر و اللي غيساعدك بزاف هو الابتسامة اللي كتزيد واحد اللمسة ايجابية على الدخلة ديالك !
كل واحد فينا و الدخلة ديالو و كيفاش كيبغيها تكون ، أنا فهاد الحالة غادي نركز على الحالة المزاجية ديالهم و غنقوليهم (ندخلهم) بطريقة عفوية و بابتسامة خفيفة ‘سعداتكم راشقة ليكم و طالع ليكم المورال ضحكوني معاكم’ بنسبة %50 غيكون رد الفعل ديالهم سلبي و نتا غترضو ايجابي مني غادي تضيف شي حاجة بحال ‘غير مع شحال مسمعت الضحيكة ديالي داكشي علاش…الخ’ فهاد اللحظة غيكونو ابتاسمو ليك أو جاوبوك هنا خاصك تكمل المحادثة اللي انطالقات بيناتكم و تخليها تكون مضحكة و استثنائية ، فوسط من المحادثة دير راسك نسيتي أنك مقدمتيش راسك ‘نسيت مقدمتش ليكم راسي أنا النكاح هههه الا قوليهم سميتك ! ملاحظة مهمة : [دوي مع المجموعة كاملة متهمل حتا درية] تعرف عليهم كاملين و عطي غير شوية ديال الاهتمام للدرية لجذباتك و تبادل معاها النظرات !

هنا غتكون كملتي الخطوة الثانية و شديتي الهضرة .
غتقوليا و كيفاش غندير ندوي مع الدرية لجذباتني فالأول ؟!
من بعد متكون عطيتي انطباع زوين و الدريات ارتاحو معاك فالهضرة و كسبتيهوم غادي تنساحب و غادي تقفل المحادثة ب ‘سمحو ليا أنا غادي نكمل الطريق من هنا صراحة كان شرف ليا أني نتعرف عليكم و نتمشى معاكم و مكرهتش نزيد نعرفكم كثر داكشي علاش غادي نطلب من (سمية ديال الدرية لعجباتك) النمرة ديال الطيليفون باش نبقاو أون كونطاك و قول 06 !

و هنا غتكون خذيتي النمرة ديال الدرية لجذباتك بطريقة غير مباشرة !

2-طريقة مباشرة :
هاذ الطريقة ديال الطياحى  المقودين بمعنى آخر أنها كتعتمد على الزعامة و الثقة فالنفس ، خاصك تبان زاعم و ثايق فراسك لأصقى درجة !
هاد المرة نبدلو الوضعية باش نتفاداو التكرار
مثلا أخي النكاح شفتي مجموعة ديال الدريات باركين فجردة أو فشي بلاصة أخرى مثلا شي سناك و الدرية لي لفتات الانتباه ديالك جالسة معاهوم !
مجموعة من التساؤلات كتبدى طيح ليك فبالك : كغندير ندوي مع الدرية لجذباتني ؟! غادي نترفض ؟! شنو ندير باش نتفادى هاد الرفض….الخ مجموعة من التساؤلات لكتخليك تبقى ديما خايف ، و باش تغلب على هاد الخوف خاصك تجرب حيث الا مواجهتيش داك الخوف و مجربتيش غتبقى ديما فبلاصتك و عمرك غادي طور راسك .
كيفما كيقول واحد المثل فرنسي : La Séduction Est Un Art , Est Une Pratique
خاصك التطبيق و التجربة و كيفما كيقول الكوتش ‘باش تعلم خاصك تغلط والا مغلطتيش عمرك تعلم’
و خاصك تعرف كيفما قال الدون راك تقدر تواجه مجموعة من العراقل مني تبغي توقف عليهم حيث غتكون نتا فحالة دفاع و هوما فحالة هجوم بحال شي حارس مرمى كيحاولو يسجلو عليه لكن هو كينقذ المرمى ديالو !
– نرجعو لموضوع ديالنا *كيفما سبق و قلت خاص يكون مستوى الزعامة و الثقة فالنفس ديالك جد متقدم بنسبة %80 على الأقل باش تفرض راسك و تعطيهم انطباع أنك قادر تربحهم و تصدهم كاملين الا حاولو يماركيو عليك
لحد الآن أخي النكاح غتكون عرفتي كيفاش غتكون الأجواء !
و غتقول ليا آه عرفت و أنا مستعد
الآن ما عليك غير تقدم بخطى واثقة و ثابتة و بأفكار ايجابية أن ديك الدرية لجذباتك غادي تدوي معاها على انفراد !
نتا الآن أمام المجموعة افتتح المحادثة (دخلهم) مثلا :

‘السلام ، نتمنى أنكم كدوزو وقيت زوين مع بعضياتكم شفتكم من بعيد و قلت مع راسي علاش لا منجيش نسلم عليهم و نعرفهم ، أنا سميتي علي و نتوما ؟! (غتكون عرفتي الأسماء ديالهم) و قوليهم : عندي ليكم واحد السؤال بغيت نعرف واش (سمية ديال الدرية لجذباتك) الصديقة ديالكم !؟ غيكون الجواب ديالهم بنعم ، قوليهم سمحو ليا بغيت ندوي معاها En Privé !
غيكون رد الفعل ديالها أنها حشمات أو بدات كتبتسم نتا عيط ليها بسميتها و ابتاسم و الصديقات ديالها غيكونو كيقولو ليها سيري أو كدفعوها باش تدوي معاك ويلا حصل العكس تشجع و قربها منك و دوي معاها!
هنا خاصك تعرف كيفاش تاخذ النمرة و باش تاخذها ماشي صعيب خاصك تخليها تحس أنها جذبات الانتباه ديالك من خلال داكشي لغتقول ليها !
*الدخلات لي فهاد الدرس دخلات بساط ، حاول أخي النكاح أنك تعتمد على راسك و تنتج شي حوايج حسن منهم !

About admin

شوف هاد الموضوع

لحوايج لي معمرك تقولهم لشي درية

–– أودي باش نبدا ؟ ألا منين نبدا ؟ ماعرفتش, ولاكين من السمية راكم عارفين …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *