الثلاثاء , أكتوبر 27 2020
الرئيسية / قصص غريبة / قصة بعنوان … ليالي اكادير الجزء الرابع و الاخير

قصة بعنوان … ليالي اكادير الجزء الرابع و الاخير

 

أاااااه و خا نتسناها قوليا نتا شنو كادير فحياتك …… عندي المحال فكازا …. مزيان المحال كادير دهب نقرة الحوايج شنو …… لا كانصنع فيه النواوي داكشي ديال إيرااان …… كاندوي معك بصاح ….. وكاندير فيه تبقالت …… بففففففففففف علاش كاضحكي واااالو وااااالو ….. ناضت كاتجمع المواعن و قالت بواحد صوت منخفيض زعما ماسمعتهاش و همزة طحتي فيه أمي رقية هد المرة …… جمعات المواعن وجابت الكتوب ديالها عندي لصالون قلت ليها علاش ملي قلت ليك عندي تبقالت كاضحكي قالت ليا و نجيك صراحة صراحة ….. رقية ديما كاتعاود لينا على المغامرات ديالها مع الرجال و على ليل و على القصاير ديالها وولكن عمرها قالت لينا نعسات مع شي مول الحانوت ولا شي بناي ولا شي مول زريعة داكشي علاش ضحكت …….. أاااااه رقية كاتعاود ليكوم مزيان نتي عمرك مشيتي معاها ……. لا لا كانقصر تا أنا ولكن ماعنديش المستوى ديال القصير ديال رقية و تا دراسة مامساعدانيش و داكشي ما معاه واااالو مامعاه تاشي ربح غا يخرج الواحد على مستقبالو و إندم و إلى مادفعتكش ليه الضرورة ماعندك مادير بيه ….. أااااااه ولكن قلتي ليا كاتقصري بحالاش و كيفاش و نتي كاتقراي واشمن الضرورة دعاتك لدوك القصير ….. حيت تا أنا بشر لحم ودام و كانحس و نا دابا يالله عامين هادي فلافاك و فعمري عشرين عام باقا عندي واحد ربع سنين مزال ديال القرايا يعني ربعة وعشرين يالله غانساليها و عاد نشوف واش نخدم ولا لا و عاد نشوف ديك ساعة فريس الأحلام واش كاين ولا لا و خا باقين مزال غا ولاد القحاب فهد الوقت ….. أاااااااه صافي هذا هو الدافع لي كايخليك تقصري ؟؟ لا طبعاً علاه دابا نتا هد البارطمة لي كاتشوف فيها فنضارك غانسكنو فيها بالمنحة ديال الدولة المادة تا هي دافع باش نمصو ونعطيو لور باش إشيط،الصرف …… ههههههههه تمصي وتعطيي لور والقدام زعما لا …… لا لا ماتخممش بقا عزبة وبنت دارنا و غايدخل عليا ولد القحبة لي غايتزوجني وكايفرنس و غايخرج الدام و غايضحك ويفرح بيه ويدي سروال لمو تفرح بيه تا هي …….. ما عندي مانسالك عرفة أش كاديري ……. أه عرفة قوليا نتا مزوج ؟؟ لا مزال علاش ؟؟ غاسولتك شوف رقية والله تا تجيو مع بعضيتكم ……. كاتهضري من نيتك ….. لا لا غاضحكت معاك أصلاً باينة فيك ولد داركوم وتا فحالتما تزوجتي بيها وخا ماتكوونش ولد داركوم غايخرح راجلها من الحبس نتا لول غايدوز عليك و يرجع تاني ……. عفاك ضاراني هد الرجال البارح كانطلع باليزا هنا فالدروج و تعكلت تجرها ليا عطاتني صدااااع …… ها حنا فتاقواديييت وبصاح نيت مغريبي إدي و إيجيب معاك فالهضرة واحد فيكوم غايمشي ضحية يا تحويه يا يحويك ……. درت راسي ماسمعتهاش وراه كاندوي معك وخا وخا وخا ……. وقفت ونعسات هي على ضهرها صدرها صراحة حسن من ديال رقيية رجليه رطبين بقا سنان الحليب عينيها فيهوم الحوااااااا ……. كانجر ليها فرجلها و صدرها كايمشي و كايجي أاااااااااوف ما بقيتش قد نصبر ……… أااااااااااااي كاتهرني و صافي صافي نتا باغي تنصلها جر نوقف جريتها فيديها بجوج باش توقف وقفات تا وقفات وهي دفعني طحت على ضهري شعلات غا بوحدها عضاتني بنت القحبة فعنقي و نزلات إديها جبداتو بدات كاتمص قلت ليها واش بصاح نتي باقا عزبة قالت ليا أاااااااه و علاه غانكدب عليك سالينا لبست حوااااايجي قالت ليا هدشي مغاتقولوش ل رقية هدشي لي واقع بيناتنا توااااعدني وعدتها باش مانقولوش ليها قلت ليها هادي تعطلات واقيلة غانمشي،فحالي
قالت ليا نتا تعرف وراه بصاح نيت تعطلات دخلت البيت هزيت صاكي و خرجت قلت ليها وطهلاي فرااااسك ….. قالت ليا بلاتي بلاتي عندك M SN قلت ليها شنا هو مسن قالت ليا واحد الموقع كايهضرو فيه فالانطرنيط قلت ليها لا وما عنديش أصلاً سيبير …… وإلى بغيت نسول عليك فاش غانسول عليك نتلاقاو فساعة خرى حسن من هادي مشاعلاه يالله لايعاونك وصلت حدا الباب ونا نتفكر نصيحة ديال كلثوم ديال فوقتما نبات مع شي قحبة قبل مانخرج الباب الدار نقلب بزاضامي و جيوبي وراقي واش هما هدوك بديت كانقلب لقيت لاكارط عاوتاني تنصلات من بلاصتها فالبزضام واااااااااك وااااااااااك أسيدي ربيي أش هد العذاب بنت القحبة ديال رقية هي لي غاتكون دارتها تاني …… فين دات لاكارط،ديالي؟؟ واش غاتكون كاديرو بيها ؟؟؟ واشمن غراض عندها بيها ؟؟؟؟ غوتات فاتحة.موحماد مالك …. مالك أموحماد علاش كاتهضر شنو مشا ليك ؟؟؟ و مشات ليا لاكارط ديالي شكون هزها ليا فبزضامي واشووف مع من بيت غاتكون غا رقية …… غاتكون غا خايفاك تمشي وهزتها تسناها دابا تجي معندك علاش تخاف على لاكارط ديالك ….. جلس جلس و كالمي برد برد أموحماد ….. واتي أشمن برد ولا زبي طريقكوم طريق كحلة نهار على خوه كانزيد نتأكد بلي زهري مكوز أش بيني وبين شي أكادير كن غامشيت لمحالي و هنيت كري ….. و صافي ماتقولش هكداك أموحماد والله تا رقية أنا ضامناها ليك ما عندك مناش تخاف ….. وزهر راه ماشي غانتا لي مكوز عندك راه كاع زهرنا مكوز لكن شنو غانديرو أموحماد الوقت بغا هكدا ….. نتي مالك أنا كانشكي عليك ونتي كاتشكي عليا أش مشا ليك ….. ههههههه مشا ليا كلشي أموحماد مشات ليا الراحة مشا ليا شبابي مشات طفولتي مشا مستقبلي لا عيشة زينة لا واليدين لا خوت لا طفولة لا زواج لا تقلوة غا عايشين بزز وصافي كيفما كان الحل نتا كاتبقى راجل وما معييبك وااالو من غير جيبك …… و مابقيتش أنا راجل معكم تقضاو ليا كانطلع فحفرة كانطيح فوحدة خرى أجي بعدا نتي كاتقولي لا واليدين لا راجل لا خت لا مستقبل ….. و شكون هما هدوك لي قلتي لرقية البارح ما عييتيش معهم بخير و قودوها نهار العيد …… هاديك أموحماد مي وراجلها …… علاش باك فين هو ؟؟،با خلاني طناش رعام طلع المدينة مابقاش بان ليه الأثار …. هي مات لا ما مامييتش إكون خرج لبراااا لا ماخرجش كايقولو خدام فشي فران فسلا عاطيها للشراب و الحشيش و كاع المنهيات ماقدش على لمسؤلية نفسو مييتة كرهنا فالرجال و مايجي منهوم …… و مك مابانش باك وتزوجات أه وتزوجات بصاحبو روح بالروح بدلات ولد القحبة بولد القحبة أكثر منو بقات كاتخل ليه رجليها و كاتفرخ تالاحو ربعة د البراهش ودابا كايقلبو على لي يخدم ليهم عليهم راجلها ما حملنيش لا أنا لا خويا …… كايصحابك دابا نتا هد العيشة عجبني واش كاين شي،بنت غاتبغي تفرق مع واليدها وتكري فأكادير و تهز القلوة وتبقى بينها وبين دارهوم تلت شهور بحال زوفري طبعا مكايناش أموحماد الحياة ماشي عادلة القحبة يماها ……. باقي كاتعاود ليا فاتحة وكاتشكي تا كانسمعو السوارت كايتقرقبو فالباب لاباس ها رقية جات ولكن للأسف ما كانتش رقية داك نهار هو لي غاندوز فيه أقواد لحضة فحياتي من بعد لحضات السوداء ديال الطفولة والمعانات ديالها أنا غا سمعت تقرقيب ضربتها بسلتا البيت باش ماتلقانيش رقية مع فاتحة حيت قالت ليا بليل ماضسرها ما ضسرك ….. ولكن مع دخلت البيت دفعت الباب ضربتها فاتحة بتغويتة مووووووحماد
مووووحماد …. . خرجت ضربت على تلاتة د الشباب خاسرين فوجهوهوم … وجهوهوم باينين ماضاربين لا لتام لا واااالو مافهمت تا قلوة داك نهار غانكل فيه أقواااااد سلخة كليتها فحياتي …….. فاتحة تلاحت مورا ضهري حاجة واحدة لي كاتقول موحماد ماتخلاش عليا موحماد ماتخلينيش موحماد غايتكرفسو عليا ………. بغيت غانستوعب شي قلوة غانفهم شي حاجة واااااالو غاتكون رقية مولات الفاعلة ولكن مانضنش واش غاتكون هي ……. جبد وااااحد فيهم ملاسة قاليا دوز نتا لهد جهة ملي الملاسة فالهضرة مابقا عندي ماندير ……. كاندوز هكدا كاتبقى فاتحة لصقة فيا كاندوز هكدا كاتبقى لصقة …، حاجة واحدة لي كاتقول ليهوم فاتحة طارق دير بوجه المعرفة طارق مك مغاتبغيش هدشي لي كادير طارق سير بدل ساعة بخرى …… وجه المعرفة ولا زبي الواليدة كايساحبها كاريا لدريات كايقرااااو ساعة كاريا القحاب تعقلي أش دوزتي عليا أبنت القحبة ملي يالله جيتي شحال ضربت معك ديال تمارة باش طيحي واااااالو ودابا دخلي واحد فواسط النهار تال قاع دارنا ها نتي دابا بين إدي ……. طارق هذا خويا جابني البارح من البلاد و غايرجع اليوما ……. ما جيتش على هذا ولا علييييك نسيتك …… دراري ديرو خدمتكوم …… دويت معاه قلت ليه خويا طارق هضر معايا هضرت رجال ماتأدينيش و ماتأديوش درية خودو شنو بغيتو مزال ماكملتهاش تا عطاني واحد من صحابو ببلانشا فركبتي لعقتها فيها ديال بصاح طحت لارض طاحت عليا فاتحة ترونات ديال بصاح جرها واحد فشعرها وطارق دخل البيت رقية كايقرقب فيه فالماريوات واحد أخر رييب الكوزينة أنا غا فاتحة مانتخلاش عليها و مانخليهومش إتكرفصو عليها ولاو تطلب الأمر عمري ……. جرها داك ولد القحبة فشعرها وتم غادي بيها لبيتها و قفت بزز و تبعتو عطاني كروشية فعيني زرقها ليا خشا ليا جوج كروشيات فنيفي رعغني ولز القحبة دام مابغاش إتقطع كانقوليها غا خرجي نتي و إلى لقيتي كيفاش تخرجي خرجي حلات الباب د البيت تخرج عطاها طارق ركلة فكرشها رجعها عندي البيت قال لصاحبنا بالي بهد خونا يالله نقودو غاتدخل الواليدة دابا غا تصيفط القلاوي كامل قاليه خونا ونا مانحويش …….. وسربي بالي بداك زمل أش غاتحوي كرعوني ف ربعين ألف ريال لي باقا عندي فجيبي …… ولكن ماهمتنيش ديك لحضة المهم هو فاتحة كانو معولين إحويوها ما حواوهاش كلشي غايرجع وكلشي غايفوت ولكن شرفها هي إلى مشا غا تبقى لعنة ديالو تابعها حياتها كاملة …… بقينا مجبدين فلارض وهما خرجو و ضربو بالباب مشيت لصالون تكسلت على كرشي ركبتي مشات نيفي كايسيل بالدام عيني ضاريني ضهري لعقتها فيه بكل ماتحويه الكلمة من معنى ….. فاتحة تا هي هكداك ضربها داك ولد القحبة فكرشها ما بقاتش قادا تنوض نتفوها فشعرها شرگو عليها حوايجها ……. ما بغاتش تسكت من البكاء بقات كاتحبو على يديها ورجليها تا وصلت عندي لصالون …
على مايبدو لي أن فاتحة لعقتها فكرشها ملي مابقاتش قادا توقف على رجليها …… بقات كاتحبو بحال شي دري صغير كايتعلم إتمشى تا وصلات لعندي أنا تكسلت على ضهر ركبتي مابقيتش قاد نحركها لعقتها فيها ديال بصاح بلانشا باش،ضربني داك ولد القحبة بلانشا كبيرة وصحيحة إمتى قوتها بالحار ديال الضربة زدت وقفت بيها وتبعتو البيت باش مايغتصبش فاتحة ….. حاولات معايا فاتحة نوض نغسل وجهي ما قديتش تجبدات حدايا تا هي خلاونا ولاد القحاب مجبدين بحال ضحايا ديال شي معركة الدار كلها قلبوها …. ناضت فاتحة جابت واحد صطيلة فيها الماء وفوطة كادوز ليا على وجهي كاتوصل ليا لجهة عيني كاتعطيني صداع قلت ليها عيني مشات ياك حيت حاس بلي مقادش مزال نحلها …. فاتحة كاتبرد فيا و كاتهدني لا لا مافيها وااالو عادي عيني تنفخات خارجة فيا بنص مترو ولكن مابغاتش تقولها ليا …… ولكن ماهمتنيش عيني ولا ضهري كثر من رجلي حيت صافي مابقا عندي فين زيد إلى مكانش لي يحركني حاولت نوض واااالو كانرجع لبلاصتي ….. واحد لحضة كانسمعو دقان فالباب …… قلت ليها لايرحم باك ماتحليش مزااااال غايكملونا ولاد القحاب ماتحليش …… قالت ليا لا غانمشي نشوف شكون وندوز زكروم ….. إلى ماعرفتش شكون مغانحلش قالت ليها شكووون …. صوت رقية باين ولكن كيفاش رقية عندها ساروتها وكادق ……. دخلات رقية من وجه فاتحة عرفة بلي واقعة شي حاجة ماشي هي هاديك قالت ليها مالك هداك ماااالو تا هو ….. جات لعندي نيشان موحماد مااااااالك شكون دار فيك هد الحالة ….. موحماد دوي شكون دار فييك هد الحالة ….. بقيت حال عين واحد وشفت فيها قلت ليها علاه أنا عارف كن كنت عارف راه لاباس الله وعلام واش هو جن ولا إنس أااااااااااااح ربي ركبتي ……. فاتحة دوي مالكوم مالك تانتي مشنتفا شكون دار فيكوم هد الحالة …….. طارق ولد الحاجة هجم علينا هو و جوج صحابو دخلو علينا وبالساروت فيديهوم ….. رقية كانت على علم بلي طارق ديما كايقلب فين إدوز لفاتحة وبلي كان واكل عليها جوانط قالت ليها ماتقوليش ليا …… مزال ماكملاتهاش قالت ليها فاتحة لا و لكن موحماد راه لعقها ديال بصاح نتي كاتشوفي غا وجهو راه تضرب تا فركبتو قولي ليا نتي ساروتك فين مشات ….. طاح ليا البزظام جاب الله الفلوس درتهوم فصدري بوحدهوم ……. يعني طارق فين جاب الساروت ديال الدار ……. بزضامي طبعا باينة غايكون طاح ليا غا هنا فالدروج وتصاطح معاه ……. وااااااك واااااك أعباد الله داتي كلها شاعلة فيها العافية وهما مقابلين بيتي كني و فاتحييين عليا تحقيق ….. رقية لاكارط ديالي ماتقوليش ليا درتيها فبزضامك ………. أاااااااه أموحماد كانت فبزضامي ولكن ماتخافش غاترجع …… مشات عاوتاني لاكارط قولي ليا علاش هزيتيها علاش ديتيها …… بغيتك تبقا معايا مزال اليوما خفتك تفيق و تمشي غا كنت عند ولدي ….. بغيتي نبقا معاك ولا نبقى باش تخلا دار بويا ….. مشات رقية لبيتها حلات الماريو ديالها و طلات على حوايجها ودهبها ماداو ليها وااالو ماطرطقوش الماريو حيت طارق ماشي شفار هو وصحابو غا طاحت الساروت فيديه وستغل الفرصة تا أنا وفاتحة مادروش الحساب بلي غايلقاونا مكانوش معولين علينا غا ضربو علينا صدفة حيت قالها لفاتحة ملي غايخرج قاليها مجيتش معول عليك هد المرة ولكن أنا وراك وراك والزمن طويل مهم نتشاوف ساعة خرى و هو يرضخ الباب …….. سولت رقية فاتحة واش داو ليها شي حاجة قالت ليها لا رونو وريبو الكتوبة وخواو بليزتي لقاو غا الحوايج عشرة لاف لي عندي كاين تحت الناموسية
ولكن موحماد راه داو ليه داكشي لي عندو ……. قالت ليا رقية شحال داو ليك أ موحماد قلت ليها داو بزضام …… وااايييه البزضام شحال فيه فيه ربعين ألف ريال مابقاتش فيا …… واشنو بقا فيك ؟؟ بقات فيا تصويرت مي غايلوحوها فشي طاروووو د زبل و هي لي عندي تصويرتي مي كانبوسها ملي نفيق و ملي نبغي نعاس كل نهار فأخر المطاف تلاح فالطارو د الزبل ولا تلاح إعفطو عليها الناس برجليهوم فالزنقة ديك التصويرة بوحدها لي عندي ……. ترجل شوية أموحماد مالك باقي صغير مك أنا نمشي نجيبها ليك تال عندك وتشبعها و أرااا ماتصور فيها مزاااال …….. فين غاتجيبها ليا مييي ماتت كن كانت باقا حي كاع مانعيش فهد العداب نخلي الناس معييدين فديورهوم ونجي تخلى دار بويا فأكادير ……. سمحليا أموحماد كانسحاب مك باقا حي ولا ماعرت قلت ليا مييتة مابقيتش عاقلة …… فلوسك ولاكارط ديالك و تصويرة ديال مك غايرجعو ليك كانواعدك …….. نقزات فاتحة وقالت ليا أاااااه بصاح أموحماد والله كلشي ديالك غايرجع ليك دموع نزلين ليه فعينيها ونا عمري نسا خيرك حياتي كاملة و الله أنا سبب فداكشي لي واقع ليك سمحليا …….. قلت ليها فدماغي أودي غا ملي ماتقبوكش هداك هو الربح وراس المال …… قالت ليها فاتحة رقية خاصنا دابا نشوفو شنو غانديرو ليه راه لاعق فرجليه واش غانخليوه هكدا راه مكايقدرش يوقف ….. رقية بقات غا كاتخمم شنو غادير قالت ليها وخا بقاي هنا هانا راجعا مهم باش نكونو مفاهمين نتي من دابا شكون هو موحماد لا فالسبيطار لا عند البوليس لا مولات الدار خوك من مك و جابك من البلاد باش إحطك هنا فأكادير ومكتاب ليه تخلا داربوه عندنا هنا فالدار ونتا أموحماد مامشاتش ليك ربعين ألف ريال مشات ليك ميات ألف ريال وشي صرف …… طلعات رقية جابت مولات الدار دخلاتها البيوت بيت بيت والكوزينة و بداتك كاتبوحط عليها وكاتجدب و كاتغوت واش الحاجة ….. عمرنا عطلنا عليك فلوسك ……. واش عمر شي حد تشكا بينا عندك ….. واش عمرنا أدينا شي حد فالجيران …… ياك أنا لي كانزاوك فالدريات إطلعو يخملو ليك الدار ….. ونطلعو ليك نشير للسطاح و بابنا ديما كان مفتوح ليك ……. شنو درنا لولدك باش إدير فينا هد الحالة هاهي الدرية مسكينة جابها خوها يحطها تديها فقرايتها صدق راجع بوجهو مخمج …… وكانحمدو الله لقاوه بعدا عندها كن كانت بوحدها ولا كنت أنا بوحدي فين غانكونو واصلين راه غاتولي حريرة …….. مولات الدار بقات غا سكتة مكاتقول وااااااالو …… رقية كاتبلبل ونا رجلي كاتقطع فاتحة شادا ركنة كاتبكي …….. شوفي الله إرحم واليديك الحاجة تلاقينا ولاد الناس نتفارقو ولاد الناس نتلاقاو عند المخزن هو لي غايفارينا ……. و دارك غا تعطيينا شهر ديال المهلة نلقاو فين نهزو حوايجنا الله إفارقنا بلا دنوب ولدك إلى مامربيش راه كاين المخزن فالبلاد هاديك هي مهمتو …….أنا سمعت المخزن وجاتني البولة أويلي أعباد الله أش كاتقول هد بنت القحبة أشمن مخزن المخزن أنا لول غايشدني عندو بصيفتي شكون داخل لديك الدار …… ولكن رقية مطورة بنت القحبة عارفة بلي مولات الدار غادير المستحيل باش ماتوصلش القضية المخزن حيت داك الولد بوحدو لي عندها و ماغاتخلاش عليه بأي وجهٍ كان و تماماً داكشي لي وقع …… صافي يابنتي يارقية دويتي قلتي داكشي لي عندك و نا هذاك الولد راه خرجو ليا البنت حسن منو وفضلهوم دابا باش عايشة راكي كاتشوفيه ما باغي يقراا ما باغي يخدم ما باغي يدير تا حاجة ياكل ويشرب وينعس و يكمي و يسكر ويشد راس الدرب ……. و إلى كان نتي هدشي علاش غاتصيفطيه الحبس أنا هدشي راه نهار كانقطع عليه فلوس الحشيش والكارو كانطيح فيها …….. راه الدار ما خلا فيها مزال تاشي،حاجة صالحة كلشي بااااعو ولكن راه الكبدة بنت الحراااااااام أبنتي وهي تبدا تبكي تا هي أنا راه كن كنت عارفاه غايخرج هكدا كن لحتو غا فالطواليط أنااااااااااااا

ا مزاووووووكة فيك أبنتي أرقية ما حاولي تشوفي شي حل أخر من غير المخزن راه كيفما كان الحل راه معمر عليا وراه داكشي لي قلتي فيه صحيح ولكن راه مانقدرش نشوفو بيت ليلة واحدة فالكوميسرية
ديري بوجه الملحة والطعام لي مشاركين …… و هد الدرية والدري راه باينين ليا ولاد الناس مغايخسروش ليا ……… و الحاجة والله تا حنا تا كانكبرو بيك وكانحترموك و ديرينك فمتابات منا ماشي كاريا لينا و ربي لي علم بينا وعلى قلوبنا ما بغيناش نوصلو معاك لهدشي …….. واش دابا هد الحالة كايديروها الناس هادي راه كاتسما حگرة ……. قالت ليها ها حنا دابا نيت بغينا نديو السيد لصبيطار تا لاكارط،ديالو ماعندناش داها ولدك و صحابو وحنا بنت الحلال داكشي لي كاين غانقولوه ليك ….. أنا حوايجي راه ما وصلوهومش حيت سادا الماريو ولكن الدري راه داو ليه بزضامو فيه لاكارط،و ميات ألف ريال ……. شوفي شنو غاديري معاه وحنا دابا خاصنا غانشوفو رجليه مالها حيت ضربوه فيها ببلانشا …… ماتخمميش أبنتي أرقية لداكشي بزضامو غايرجع ليه الفلوس مانضربوش ليهم مزال الحساب مشاو غايكونو شربهوم داك القاطع لي كاينزلو مع مصارنهوم و حنا داكشي كل الحاجة ما عرفينوش المخزن راه غايرجع لينا حقنا …… صافي أبنتي بزضامو غايرجع ليه و فلوس ضربيهوم على حسابي حاجة واحدة فاش قودتها رقية وهي لي غاتفرشنا الفرشة ديال بصاح وهي لاكارط ديالي كانت فبزضامها وبزضامها لقاه طارق فالدروج ونا بزضامي فيه غالفلوس و تصويرة مي طارق غايرجع البزاضم لمو بجوج ولكن غا ينبه مو وغايقوليها بلي البزضام ديال رقية لقا فيه لاكارط،ديالي و ساروت ضار وبزضامي أنا لقا فيه تصويرت مي وربعين ألف ريال الفلوس مغاتييقوش ولكن لاكارط غاتييقو أش كادير لاكارط ديالي فبزضام رقية ؟؟ مدام أنا خو فاتحة الحاجة قالت الفاتحة سيري يا بنتي لبسي جلابيتك ونزلي للشاريع جيبي الطاكسي نديو خوك للصبيطار هانا غا نطلع نلبس جلابيتي وننزل …… نزلوه قدام باب العمارة ……… فعلا مشات الحاجة لبسات جلابيتها ونزلات عاونوني هي ورقية تا وقفت وعمت عليهوم بجوج تانزلنا لتحت ……. وصلت حدا الباب وطاحت ليا واحد الحاجة فبالي قلت شوف أموحماد كنتي كاتدخل فهد الباب و نتا كاتقطع النفس و كاتسكل باش ماتسمعكش و ماتشوفكش هد السيدة وها نتا دابا خارج منو ونتا معنكها بفضل القحاب تقدر تدخل للدار من باب الواسع و ملي غاتخرج تخرج من الشرجم ولا تنقز السطوحا ولا تكون تاني العكس تدخل من الشارجام ولا السطاح وتخرج من الباب الواسع نتا وزهرك
النهاية

About admin

شوف هاد الموضوع

قصص بعنوان مجانين الدارالبيضاء

  تحت الشتااء لي نازلا خيط من السما ولي كيقولواا جاياا وجايبا معاها الخير هادشي …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *