الخميس , أكتوبر 29 2020
الرئيسية / قصص غريبة / قصة بعنوان … قصتي مع الطبيبة الجزء التاني

قصة بعنوان … قصتي مع الطبيبة الجزء التاني

 

بكالوريا علوم الحياة و الأرض .. واخا عندك شي دبلوم ولا شي حاجة .. وي ومازال كنقرا فـ Oفپپت واش معندكش موشكيل ديال القرابا والخدمة .. على حسب الوقت الخاوي اللي عندك .. مهم بدينا كندويو على التفاصيل وغيرها حتا تافقنا قالت ليا جيب السي في .. واخا .. مشيت للدار سولاتني الواليدة عاودت ليها ومشيت لاصال .. الغد ليه كنت قاري فالصباح امبريميت السي في وديتو ليها .. صافي دابا نعيطو ليك .. زدت فحالي دازت شي يوماين تلفون كيعيط .. السلام .. معاك طبيبة فلان فلانية من صيدالية “سكرتح جوني لأمراض مزمولة” أه مرحبا .. شفت سي في ديالك وراه قبلناك تخدم .. دوز غدا مع 8 صباح وادا عندك شي طبلية جيبها وادا مكانتش نديرو عليها دوموند من بعد .. شكرا .. حبست الضحك من قالت ليا الطابليا واهيا ناري معنديش مع بلانات الأطبة .. مهم مشيت الصباح فقت بكري مع 7:45 وخربجت مع 8:10 وصلت عندها مع 8:20 بدات كتشوف فيا من الأول غا نبداو بالتعطال .. تا مال هاد القلاوي من البدية غانداو بتاقلاويت .. مهم دخلاتني للبيرو ديالها الداخل والبنت كتجفف وداكشي ديال الفرماسيا .. قالت ليا باللي غانبداو أسبوع ولا جوج ديال السطاج على حسب خدمتك وعقليتك .. من بعد غاتبدا التخلص 1500 درهم .. أودي غا قدي ( هادشي فدماغي ) .. صافي بدات كتوريني الأدوية كيفاش مرتبين .. لاكيس مندوز جيهتها يا اما هيا يا ايما هاجر ( اسم البنت اللي معايا ) .. واخا نتي أش سميتك أدكتورة .. فردوس .. واخا أدكتورة .. ليوما غاتشوف كيفاش الخدمة كتمشي وكتعمل .. وادا عندك شي سؤال ولا شي حاجة قولها .. واخا أدكتورة .. للعلم فقط الفايس والأنترنت ضربت عليه لأسباب خاصة يعني حتا فالخدمة مكنجبدش التلفون وهي نيت كانت حاضية غير أفعالي .. بقيت حاضي السيستيم كيداير وكتعلمني أسماء الأدوات الطبية باش الا قالت ليا جيب الحاجة نجيبها .. شوية .
شوية كنشوف فساعة واهيا ناري خاصني نمشي ندوز واحد الاكزام .. مشيت حد من الحومة عرف بللي خدام تما حيت أصلا مكنجمعش مع منوالة وممعروفش بزاف .. قلتها ليها ومشيت .. من بعد جيت قالت ليا صافي غا سير باقي ساعة ونسدو غير سير حتال غدا وأجي فالصباح الا مكنتيش قاري .. صافي مشيت نفس الروتين داز أسبوع وهي تعيط عليا واحد المرة مروان أجي .. غادي نوريك كيفاش تخدم هادي ( قياس الضغط ) مهم بدات كتوريني شوية قالت ليا جرب فيا .. حيدات الفيسطا وكانت قميص خفيف لتحت وبدات كتجمع فالكم حتا ركبتها وبلغلط يدي كيقيس فالبزول وآهيا ناري وجهي ولا حمر .. وهي تشوف فيا جاتها الضحكة .. ﻷول مرة كنشوفها كتبسم .. حروف الزين أخويا بانو ههه .. مهم بدات كتوريني وجبدت أخرى اوطوماطيك .. صافي مشيت تاني وبديت كنتعامل شوية مع الأمراض البرد رواح سخانة وحريق الراس مهم بديت شوية كنتعلم وهي كل مرة كنتعلم منها حاجة .. واحد المرة جات واحد السيدة كتسولها بللي راجلها كيقدف بسرعة وكيعيا ضغيا ههه صراحة مرغت حنيت راسي ونضت فحالي للداخل هههه .. مني سالات الدكتورة جات عندي .. مالك ؟ وللو .. شفتك نضتي .. والو غير مواضيع نسائية حشمت ونضت .. لا لا عادي مرة جاية حيد الحشمة .. واخا … فعلا مرة جاية جات وحدة كتشكي من الحكة فالحلوة ههههه امراض تبي بدات كتوصف ليها و الطبيبة كتسولها وأنا غا كنسمع وراسي فالأرض .. تجارب مقودة صراحة .. حتا كيضرب ليا واحد الستون فراسي .. الطبيبة واش مزوجة ولا لا .. واهيا ناري عمري فكرت فيها .. مهم قلت نلاحظ تصاروفاتها متعرف تعيط ليه ولا شي حاجة .. عيطات ليا مروان جيب الدوا فلان فلاني واخا .. كنقلب عليه شوية كيبان ليا بروطيكس ههه بريزيفاتيف ههههه هاي هآي صافي مزيان هههه .. جبت دوا وتسالا نهاري مشيت لغد ليه جات حلات الفرماسيا و بقيت أنا وديك هاجر .. مكدويش قليل … شفت فيها وأنا تبان ليا كرشها شوية خارجة .. 

الجزء الاخير

About admin

شوف هاد الموضوع

قصة بعنوان المتحول جنسياً

  ﺳﻤﻴﺘﻲ ﻧﻬﺎﻝﻗﺼﺘﻲ ﺑﺪﺃﺕ ﻓﺎﺵ ﻛﻨﺖ ﻛﻨﺖ ﺻﻐﻴﺮﺓﻓﺎﺵ ﺗﺰﺍﺩﻳﺖ ﻋﺎﺋﻠﺘﻲ ﻣﻌﺮﻓﻮﺵ ﺍﺷﻤﻦ ﺟﻨﺲ ﻋﻨﺪﻱ ﻭﺍﺵ …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *