الخميس , أكتوبر 29 2020
الرئيسية / قصص غريبة / قصة بعنوان … قصتي مع الطبيبة الجزء الاول

قصة بعنوان … قصتي مع الطبيبة الجزء الاول

 

مروان 21 سنة قصتي بدات مني كنت كنقرا فالـ Ofppt من ناس ديال من المدرسة لاصال لدار ( الهليكة ديال الماكلة المسلوقة و دانون ومشتقات الحليب ) مرة مرة كنهبط للحومة نجلس بوحدي ولا مع عشران والكيت وبكل روح رياضية بسروال ديال نعاس وديك ساعة وقت الشتا وجاكيط عادي ماشي من داك النوع ديال يتقاد ويتجمل باش يتبوزا فراس الدرب ويبسبس للي جايا و لي غاديا وتابع مؤخرات وعقلية النكح .. الروتين معنديش معاه جات خلتي واحد النهار قالت للواليدة راه الفرماسية جديدة بغات اللي يخدم فيها أنا بنتي وولدي نهار ومطال فالقراية وميجيش معاهم الخدمة حيت وجه التعنطيز عمرو ميطفرو فحياتو .. شوفي مروان الى بغا يخدم ويقرى منها ياخد خبرة قالت ليها الواليدة دابا نقولها ليه أشمن نيفو طالبين بعدا ؟ خالتي جاوباتها باللي طالبين أي نيفو .. الواليدة نسات و دات شي 3 أيام كنت راجع من الكورة واحد الصباح كنت قصرت حدا الملعب الكبير ” مركب طنجة ” كلا صباح نهار الحد الا كان الجو زاز راه كنتريني تما وكنلعب كورة .. مهم جبدنا الموضوع على الدوى وشي لعيبة بالصدفة وهي تقول ليا الواليدة نييت فكرتيني جات عندي خالتك نهار الجمعة الفرماسيا جديدة فالحومة طلبات شي حد يخدم فالفرماسية .. أه و أنا مالي أياما ( هي الواليدة ) .. والحمار مزيانة ليك خدم قريبة ليك وتعلم وتاخد خبرة مع الوقت .. ولكن أياما أنا الدومين لا علاقة بهادشي وزايدون مكنفهم تاوزة فداكشي ديال الدوايات … وغير جرب الله يرضي عليك .. واخا يما دابا ندوز عندها أشمن ساعة كيكونو حالين .. فالعشية مع 4 كيحلو لـ 6 .. صافي واخا .. مشيت دوشت حيت صباح عارفاني كنشد راحة وكنقرا شي كتاب ولا معاهم فدار ولا شي لعبة .. جات ديك 4.30 بالضبط ضربت حطة مابيهاش ومشيت .. لقيت واحد البنت صغيرة .. يمكن صغيرة مني بعاماين … سلام سلام .. ختي واحد السيدة كانت قلتو ليها بللي محتاجين شي حد يخدم معاكم .. أه وفين كاين هاد السيدة .. ساكنة غير هنا مع هاد الطلعة سميتها كدا فلانة .. أه وقول ليها تجي .. أه لا أنا للي بغيت نخدم ماشي هي .. أه واخا وتسنى حتا تجي الدكتورة .. واخا ..
أه واخا وتسنى حتا تجي الدكتورة .. واخا .. دازت شي 10 دقايق وأنا نشوف فيها واش غا تعطل ؟ لا لا غير مشات بطونوبيل دابا وتجي .. أه واخا الا كانت مزال نمشي حتا نجي .. للي بغيتي .. تميت خارج شوية كتوقف مارسيديس بيضا من نوع ىءCلاسس 2008 .. يا حبيبي هههه .. بانت ليا خارجة من طونوبيل والساك ولابسا البلونكاسي .. وسيدة محترمة راكم عارفين الأطبة والصيدلين كيكونو نقيين ههههه .. كلشي مستور من غير شعر زآاز .. صراحة مشفتش فالطاي ديك الساعة .. ضارب غا على الزين و الكلاس .. دايرة نضاضر خفاف وبيضا تقول غا يلاه خرجتيها من الحليب والحنيكات عامرين .. دخلات .. برونسوار وقفت وقلت ليها سلام هههه عربي ههه .. مرحبا أش حب الخاطر .. تكوانسيت فبلاستي شي 10 تواني وأنا نقول ليها .. كنتو طلبتو على شي خدمة يمكن .. أه و النيفو ديال القراية ديالك .. 

يتبع 
الجزء التاني 

About admin

شوف هاد الموضوع

قصة بعنوان المتحول جنسياً

  ﺳﻤﻴﺘﻲ ﻧﻬﺎﻝﻗﺼﺘﻲ ﺑﺪﺃﺕ ﻓﺎﺵ ﻛﻨﺖ ﻛﻨﺖ ﺻﻐﻴﺮﺓﻓﺎﺵ ﺗﺰﺍﺩﻳﺖ ﻋﺎﺋﻠﺘﻲ ﻣﻌﺮﻓﻮﺵ ﺍﺷﻤﻦ ﺟﻨﺲ ﻋﻨﺪﻱ ﻭﺍﺵ …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *