الرئيسية / قصص غريبة / قصة بعنوان …غدر الزمان الجزء الاخير

قصة بعنوان …غدر الزمان الجزء الاخير

 

 مشات تكمل نعاسها وانا هزيت لفلوس وبقيت كانفكر فهاد الدوامة اللي تلاحيت ليها تفكرت الواليدة ديالي وبقيت كانبكي ماكرهتش كون تاصلت بيها ونسمع صوتها ولكن ماقدرتش تفكرت بالمعطي اللي عارف بنتو فاش خدامة وسيفطني عندها وهي اللي بغات تستاغلني وتجمع فلوس علا ضهري تفكرت وتفكرت وتفكرت حتا ضرني راسي مسحت دموعي وجمعت لوقفة وخبيت الفلوس وخديت الصاكادو ديالي وخرجت من الدار بلا مانقولها لنعيمة اللي كانت غارقة فالنعاس هي والبنات . بقيت كانتمشا فالزنقة وماعارفاش فين غادا بانت ليا واحد الجردة دخلت ليها وجلست كانفكر اشنو ندير . تفكرت داك الشاب اللي كان جلس حدايا فالكار هزيت كارت فيزيت ديالو من الصاكادو سميتو سعد مدير شركة بقيت مترددة واش نتاصل ولا لا اشغا نقول ليه واش غايعطيني وقتو واش غايتفكرني بعدا ؟؟؟ مهم بزاف ديال اسئلة . شديت تاكسي مشيت للسوق شريت بودي ودجين وصنيديلة من بعد مشيت لواحد السناك تغديت بقيت كانتمشا بان ليا واحد اوتيل باينة فيه رخيص دخلت نكري بيت قال ليا 150 درهم لليلة عطيتو لفلوس وسولني علا لاكارط قال ليا ضرورية قلت ليه بللي نسيت نهزها معايا مابغاش إكري ليا جبت واحد 100 درهم وعطيتها ليه وهو إقوليا غادوزي غير نهار وغدا غاتمشي حيت هاتشي ماشي قانوني قلت ليه ماشي مشكيل دخلت للبيت ورتاحيت شوية من بعد خرجت شريت بورطابل رخيص وشي حاجة ناكلها إيلا جاني الجوع ومع لعيا نعست ماضرباتني لفيقة تال الليل كليت شي حاجة وبقيت كانفكر فحياتي واش غايكون مصيري !!!! هزيت بورطابل وسيفط ميساج لسعد قلت ليه السلام انا سكينة البنت اللي كانت جالسة حداك فالكار انا محتاجة نهدر معاك . بقيت كانتسنا واحد شوية وهو إتاصل بيا كان هادئ فكلامو و انا كنت متخوفة شوية رتاحيت ليه وكان متشوق بزاف إتعرف عليا عاودت ليه قصتي كولها وهو كان كايتصنت ليا بإهتمام قلت ليه انا محتاجة اللي إعاوني وبقيت كانبكي عليه وقلت ليه هادي هي قصتي انا عارفاك مامتوقعش هاتشي كامل ولكن…
قاطعني وقاليا انا مللي كنتي جالسة حدايا بنتي ليا مهمومه بزافففف وكنت بصاح بغيت نتقرب منك ونتعرف عليك ونعاونك باي طريقة ولكن دابا مللي حليتي ليا قلبك انا ماغانخليكش وغانساعدك درنا نتلاقاو لغد ليه وفعلا تلاقينا فواحد مطعم راقي رتاحيت ليه بزافففف واول مرة نحس براسي فرحانة بزاففف وضحكت من قلبي ماحسيناش بالوقت ( نسيت ماقلت ليكوم بللي مول الاوتيل خرجني حيت ماعنديش لاكارت وخليت ليه الصاكادو وخبيت عندي لفلوس ) شاف ليا سعد واحد شقة مفروشة وكراها ليا بسميتو وضبر ليا على خدمة فشركة ديالو فرحت بزافففففف جبدت دوك فلوس اللي عندي وعطيتهوم ليه قال لي علاش قلت ليه من ليوم مابقيتش باغا فلوس لحرام نعيش بيهوم قلت ليه بغيت نتصدق بيهوم وفعلا فرقتهوم كاملين على المساكين وكانفرح بزاف مللي كايدعيو معايا وصلني سعد لبارتما وانا فرحانة بحياتي الجديدة تعلمت دغيا فالخدمة وتقربنا بزاففف انا وسعد من بعضياتنا وكنت دايرة معاه حدود بزاففف بغيت نعيش حياة محترمة شريفة سعد حس بهاتشي واحد النهار قاليا بللي بغا إهدر معايا فموضوع مهم تلاقينا مورا الخدمة وكان اسعد خبر تلقيتو فحياتي قالي انا تعلقت بيك اسكينة وبغيتك تكوني شريكة حياتي خبيت الفرحة ديالي وقلت ليه والماضي ديالي ؟؟ قاليا كولنا عندنا ماضي وماشي نتي اللي ختاريتي هاد الماضي بديت كانبكي مسح ليا دموعي وقاليا خصكي تعرفي بللي انا كانحماق عليك وسحرتيني من نهار اللول وعلى ذكر الماضي حتا انا عندي ماضي وإقدر مايعجبكش قلت ليه انا بغاك فكل الاحوال عاود ليا قصتو قال لي بللي كان مزوج وبللي واحد النهار حصل مرتو كاتخونو مع من مع صاحبو طلقها وخلات ليه بنتهوم وتزوجات بصاحبو ولكن القدر شاء وماتو فحادثة مباشرة بعد زواجهوم من تما عمرو مارتابط ولا فكر فالزواج وقالي واش تقبلي بنتي ريم تكون بحال بنتك قلت ليه اكيييد انا اصلا عندي ختي من داك الحيوان ديال راجل ماما وكنت كانعتابرها كتر من ختي فرح بزافففف دازت سيمانا وتزوجنا وعشت مع حبيبي سعد وبنتنا ريم اللي حبيتها بزاف واخا هاتشي كامل كانحس بالحزن حيت بغيت نشوف ماما وبغيت نهدر معاها هزيت بورطابلي تاصلت بيها وقلبي كايضررررب وكللي كانترعددددد غير سمعت صوتها قالت الو وانا نبدا نبكككككككي وقلت ليها ماما لحنينة توحشتتتتتتتتتك اماما بدات حتا هي تبكي وتغوت بسميتي لقيتها مسكينة كارية بيت فالسطح حيت كحل العفطة جرا عليها ومرييييضة بالفقصة مللي هربت عاودت ليها اشنو دار ليا وقصتي مع سعد باش نفرحها دغيا فرحات بزاففففف وحمدات الله وقلت ليها دوز ليا صفاء ختي قالت ليا بللي مللي جرا علها داك لويل هز بنتو ولاحها لمرتو لقديمة وديك حليمة تطلقات من بوشعيب البناي راجلها وتزوجات بيه وراه دابا معيشها فالعذاب حتا هي ودعتها وقلت ليها الويكاند نمشي نشوفها غير قطعت مع ماما لقيت سعد واقف قريب ليا وسمع لكولشي وقاليا علاش ماتجيبيش الواليدة ديالك تعيش معانا الفيلا كبيرة وكاينين خدامات إعتانيو بيها فرحت بزاففففف مللي قالها ليا وعنقتو وقلت ليه خفتك متتبغيش تبسم وقاليا ماماك فمقام الام ديالي ونا اصلا واليديا متوفيين مابغيتش نحرمك من الام ديالك ماحدها فالحياة وانا اصلا كنت باغي ندير ليك مفاجاة ونديك عندها هاد ليامات نقزت بالفرحة وقلت ليه نمشيو غدا قالي واخا مشينا عند ماما كان اللقاء ديالنا مؤثر بزاففففف شبعنا بكا بقات فيا ماما بزاف لقيتها مرييييضة وغير الجيران اللي معاونينها على الزمان جبناها معانا وعاشت معانا وتحسنات صحتها بزاففففف ومشينا كاملين للعمرة مللي رجعنا لقيت راسي حاملة فرحنا بزافففففف الحمد لله ربي ماخيبنيش ربي كبييييييير عوضني فوق ماتخيلت من كل النواحي الواحد مللي كاتكون نيتو صافية فربي مكايخيبوش.
وبغيت نقول ليكوم جامي تحكمو على شي واحد ربي اللي عالم بكل واحد فينا بزاف ديال الناس هوما اللي ختارو إمشيو فطؤيق خايبة ولكن بزافففففف تاني تلاحو لديك الطريق مكرهين كيما وقع ليا ربي اللي عالم باش كايحسو مللي كايحطو ريوسهوم فوق المخدة باش إنعسو تأنيب الظمير اللي كايجيهوم ديك الساعة ولكن ربي ماكاينساش العبد ديالو وكل واحد كايجازيه علا قد نيتو .
النهــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــاية

من تأليف :
Fati sarita

About admin

شوف هاد الموضوع

قصص بعنوان مجانين الدارالبيضاء

  تحت الشتااء لي نازلا خيط من السما ولي كيقولواا جاياا وجايبا معاها الخير هادشي …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *