الرئيسية / قصص غريبة / قصة بعنوان .. عاهرة ونص .. قصة كاملة

قصة بعنوان .. عاهرة ونص .. قصة كاملة

 

هي تحكي،
ﺷﻲ ﺑﻨﺎﺕ ﻛﻴﻘﻮﻟﻮ ﻣﻌﻨﺪﻧﺎﺵ ﺍﻟﺰﻫﺮ ﻛﻨﻘﻮﻟﻜﻢ ﺍﻧﺎ ﻟﻲ ﺳﺮﻗﺘﻮ ﻟﻴﻜﻢ , ﻗﺼﺘﻲ ﻗﺼﺔ ﺷﺤﺎﻝ ﻣﻦ ﺑﻨﺖ ﻟﻌﺐ ﺑﻴﻬﺎ ﺍﻟﻘﺪﺭ ﻭﺣﻜﻢ ﻋﻠﻴﻬﺎ ﺑﺤﻴﺎﺓ ﻟﻲ ﻫﻲ ﻣﺎﺑﻐﺎﺗﻬﺎﺵ , ﻟﻲ ﻛﻴﺴﻤﻊ ﻗﺼﺘﻲ ﻛﻴﻘﻮﻝ ﻟﻴﺎ ﺑﺎﺯ ﻟﻴﻚ ﻣﻠﻲ ﻣﺎﺣﺎﻭﻟﺘﻴﺶ ﺗﻨﺘﺎﺣﺮﻱ ﻫﻬﻪ ( ﺿﺤﻜﺔ ﺍﺳﺘﻬﺰﺍﺀ ) ﻭﺍﺵ ﻋﻤﺮﻛﻢ ﺷﻔﺘﻮ ﺷﻲ ﻣﻴﺖ ﻛﻴﻨﺘﺎﺣﺮ , ﻧﻌﺮﻓﻜﻢ ﺑﺮﺍﺳﻲ ﺍﻧﺎ ﺳﻤﻴﺘﻲ ﻟﻴﻠﻰ 20 ﺳﻨﺔ ﻣﻦ ﺗﺎﺯﺓ ﻋﻨﺪﻱ 3 ﺍﺧﻮﺓ ﺫﻛﻮﺭ , ﻣﺤﻄﻤﺔ ﻷﻗﺼﻰ ﺩﺭﺟﺔ ﻭﺧﺎ ﺑﻘﺎﺕ ﻓﻴﺎ ﻏﻴﺮ ﺍﻟﺴﻤﻴﺔ ﻭﺍﻟﺠﺴﺪ ﺣﻴﺖ ﺭﻭﺣﻲ ﻃﻔﺎﺕ ﻭ ﺑﺮﺩﺍﺕ . ﺍﻧﺎ ﻛﺒﺮﺕ ﻋﺎﺩﻱ ﺑﺤﺎﻝ ﺍﻱ ﺑﻨﺖ ﻭﻟﻜﻦ ﺍﻟﺤﺎﺟﺔ ﺍﻟﺰﻭﻳﻨﺔ ﺩﻳﻤﺎ ﻛﺘﺴﺎﻟﻲ ﺩﻏﻴﺎ ﺣﻴﺎﺗﻲ ﻏﺘﺒﺪﻝ ﻣﻠﻲ ﻏﺘﻮﻟﻲ ﻋﻨﺪﻱ 5 ﺳﻨﻴﻦ ﻭﺗﻤﺎ ﻏﺘﻜﻮﻥ ﺑﺪﺍﻳﺔ ﺍﻟﺒﺌﺲ ﺩﻳﺎﻟﻲ ﻣﻠﻲ ﺑﺎﺑﺎ ﻏﻴﺘﺼﺎﺏ ﺑﻤﺮﺽ ﻧﻔﺴﻲ ﺧﻄﻴﺮ ﻭﻛﻤﺎ ﻛﺘﻘﻮﻟﻮ ﺑﺪﺍ ﻛﻴﺤﻤﺎﻕ ﺑﺴﺒﺐ ﺍﻟﻀﻐﻮﻃﺎﺕ ﻟﻲ ﻛﺎﻧﺖ ﻋﻨﺪﻭ ﻓﺎﻟﺨﺪﻣﺔ ﻭﺍﻟﻜﺮﻳﺪﻳﺎﺕ ﻟﻲ ﻋﻠﻴﻪ ﻣﻠﻲ ﻣﻘﺪﺭﺵ ﻳﺨﻠﺼﻬﻢ ﺟﺎﺕ ﺍﻟﺒﻨﻜﺔ ﻭﺧﺪﺍﺕ ﻟﻴﻨﺎ ﻛﻮﻟﺸﻲ , ﻫﺎﺩﺷﻲ ﻟﻲ ﺧﻼﻩ ﻳﺪﺧﻞ ﻟﻤﺼﺤﺔ ﻋﻘﻠﻴﺔ , ﺧﻮﻳﺎ ﺍﻟﻜﺒﻴﺮ ﺧﺮﺝ ﻣﺎﻋﺮﻓﻨﺎﻫﺶ ﻓﻴﻦ ﻣﺸﺎ ﻭﺧﻮﺗﻲ ﺍﻻﺧﺮﻳﻦ ﻣﻌﺮﻓﺘﺶ ﺍﺵ ﻭﻗﻊ ﻟﻴﻬﻢ ﺍﻣﺎ ﺍﻧﺎ ﺻﻴﻔﻄﻮﻧﻲ ﻟﺪﺍﺭ ﺍﻻﻳﺘﺎﻡ ﺑﺼﺢ ﺍﻧﺎ ﻳﺘﻴﻤﺔ ﺣﻴﺖ ﺣﺘﺎ ﻣﺎﻣﺎ ﺗﺨﻼﺕ ﻋﻠﻴﺎ ﻭﻣﺎﺑﻐﺎﺗﺶ ﻧﺒﻘﺎ ﻣﻌﺎﻫﺎ ﻣﻦ ﺑﻌﺪ ﺑﺸﻮﻳﺔ ﻋﺮﻓﺖ ﺑﻠﻲ ﺧﺮﺟﺖ ﻟﻠﺪﻋﺎﺭﺓ ﻭ ﻭﻻﺕ ﻋﺎﻫﺮﺓ ﻭﺑﺎﻟﺪﺍﺭﺟﺔ ﺩﻳﺎﻟﻨﺎ ﻗﺤﺒﺔ ﻛﺘﺒﻴﻊ ﻟﺤﻤﻬﺎ ﻟﻠﺮﺟﺎﻝ ﻣﻘﺎﺑﻞ ﺍﻟﻔﻠﻮﺱ ﺗﻠﻘﺎﺋﻴﺎ ﻛﺎﻥ ﺧﺎﺻﻨﻲ ﻧﺤﻘﺪ ﻋﻠﻴﻬﺎ ﻭ ﻧﻜﺮﻫﻬﺎ ﻭﻟﻜﻦ ﻓﺪﺍﻙ ﺍﻟﺴﻦ ﻣﺎﻛﻨﺖ ﻓﺎﻫﻤﺎ ﻭﺍﻟﻮ , ﺩﺍﺯﺕ ﺍﻳﺎﻡ ﻭﺷﻬﻮﺭ ﻭﺳﻨﻮﺍﺕ ﻓﺎﻟﺨﻴﺮﻳﺔ ﺣﺘﺎ ﺧﺪﻳﺖ ﺍﻟﺒﺎﻙ ﻛﺎﻧﺖ ﻋﻨﺪﻱ 19 ﺳﻨﺔ ﻛﺒﺮﺕ ﻭﻟﻴﺖ ﻓﺎﻫﻤﺎ ﺍﻟﺪﻧﻴﺎ ﻭﻫﻤﻲ ﺗﺒﺪﻝ ﻓﻴﻦ ﺩﻳﻚ ﺍﻟﻜﺘﻜﻮﺗﺔ ﺍﻟﺼﻐﻴﺮﺓ ﻟﻲ ﻛﺘﻔﻜﺮ ﻏﻴﺮ ﺗﻠﻌﺐ ﻭﺗﺎﻛﻞ ﻭﺗﻨﻌﺲ , ﺍﻳﻴﻪ ﻛﺒﺮﺕ ﻭﺑﺪﻳﺖ ﻧﺤﺲ ﺑﺎﻻﻟﻢ ﻭﺍﻟﺠﺮﺍﺡ ﻟﻘﻴﺖ ﺭﺍﺳﻲ ﺑﻮﺣﺪﻱ ﺣﺘﻰ ﺧﻮﺗﻲ ﻣﻌﻘﻠﻮﺵ ﻋﻠﻴﺎ ﻭﻻ ﺟﺎﻭ ﻳﺰﻭﺭﻭﻧﻲ ﺑﺤﺎﻝ ﺍﻟﻰ ﺍﻧﺎ ﻏﻴﺮ ﺷﻲ ﻟﻘﻴﻄﺔ ﻭﺣﺘﺎ ﻣﺎﻣﺎ ﻣﺎﻋﻤﺮﻫﺎ ﻗﺎﻟﺖ ﻋﻨﺪﻱ ﺑﻨﺖ ﺧﻠﻴﺘﻬﺎ ﺑﻮﺣﺪﻫﺎ ﻳﻤﻜﻦ ﺷﻲ ﻧﻬﺎﺭ ﺗﺒﻐﻲ ﺗﻌﻨﻘﻨﻲ ﻭﻻ ﺗﺸﻜﻲ ﻋﻠﻴﺎ , ﺣﺘﺎ ﺍﻟﻘﺤﺎﺏ ﻛﻴﺸﺪﻭ ﻭﻻﺩﻫﻢ ﻭﻛﻴﺒﻴﻌﻮ ﻟﺤﻤﻬﻢ ﻋﻠﻰ ﻗﺒﻞ ﻭﻻﺩﻫﻢ ﻭﻟﻜﻦ ﻣﺎﻣﺎ ﻋﻠﻰ ﻣﺎ ﻛﻴﺒﺎﻥ ﺧﺮﺟﺎﺕ ﻟﻠﺪﻋﺎﺭﺓ ﻋﻠﻰ ﻗﺒﻞ ﺑﺎﺵ ﺗﺠﻤﻊ ﺧﻨﺰ ﺍﻟﺪﻧﻴﺎ ﻭﻋﻠﻰ ﻗﺒﻞ ﻣﺘﻌﺘﻬﺎ ﺍﻟﺸﺨﺼﻴﺔ ﺟﺎ ﺍﻟﻮﻗﺖ ﻓﺎﺵ ﻧﺨﺮﺝ ﻟﻠﻌﺎﻟﻢ ﺍﻟﺨﺎﺭﺟﻲ ﻟﻲ ﻫﻮ ﻋﺎﻟﻤﻜﻢ ﻣﻌﺮﻓﺘﺶ ﻋﻼﺵ ﺧﺮﺟﺖ ﻧﺰﺍﺣﻤﻜﻢ ﻓﺎﻟﻤﺸﺎﻛﻞ ﻭﺍﻟﻤﻌﺎﻧﺎﺓ , ﺟﻤﻌﺖ ﺑﺎﻟﻴﺰﺗﻲ ﺍﻟﻌﺎﻣﺮﺓ ﺑﺤﻮﺍﻳﺞ ﺟﺎﺩﻭ ﺑﻴﻬﺎ ﺍﻟﻤﺤﺴﻨﻴﻦ ﻋﻠﻴﺎ ﻭﺧﺎ ﺍﻧﺎ ﻣﺎﻛﻨﺖ ﺑﺎﻏﺎ ﻧﺎﺧﺪ ﺗﺎ ﺣﺎﺟﺔ ﻣﻦ ﺣﻴﺎﺗﻲ ﺍﻟﻘﺪﻳﻤﺔ ﻭﺩﻋﺖ ﺻﺤﺎﺑﻲ ﻭﻧﺎﺳﻲ ﻟﻲ ﻛﺎﻧﻮ ﻋﺎﺋﻠﺘﻲ ﻭﻟﻘﻴﺘﻬﻢ ﻓﺠﻨﺒﻲ ﻣﺎﺑﻐﻴﺘﺶ ﻧﻮﺻﻒ ﻟﻴﻜﻢ ﻋﺎﻟﻢ ﺩﻳﺎﻝ ﺩﺍﺭ ﺍﻻﻳﺘﺎﻡ ﺣﻴﺖ ﻗﺼﺔ ﺍﺧﺮﻯ , ﻫﺰﻳﺖ ﺍﻟﺒﺎﻟﻴﺰﺓ ﻭﺑﺪﻳﺖ ﺭﺣﻠﺔ ﺍﻟﺒﺤﺚ ﻋﻦ ﺍﻟﺪﺍﺕ ﺭﺣﻠﺔ ﺍﺳﺘﻜﺸﺎﻑ ﻟﻠﻌﺎﻟﻢ ﺍﻗﺴﻰ ﻣﻦ ﺭﺣﻠﺔ ﻛﻠﻮﻣﺒﺲ ﻻﻛﺘﺸﺎﻑ ﺍﻣﺮﻳﻜﺎ ﺍﻭ ﺭﺣﻠﺔ ﺍﺑﻦ ﺑﻄﻮﻃﺔ ﻭﻣﺎ ﺷﺎﻑ ﻣﻦ ﻋﺠﺎﺋﺐ ﺍﻣﺎ ﺍﻟﻌﺠﺎﺋﺐ ﺩﻳﺎﻟﻲ ﻟﻲ ﻏﻨﺤﻜﻲ ﻟﻴﻜﻢ ﻓﻜﺘﺒﻜﻲ ﻟﻴﻬﺎ ﺍﻟﻌﻴﻦ ﻭ ﻛﺘﺒﻘﻰ ﺑﺼﻤﺔ ﻋﺎﺭ ﻓﺎﻻﻧﺴﺎﻧﻴﺔ , ﺍﻭﻝ ﻣﺎﻓﻜﺮﺕ ﻓﻴﻪ ﻧﻘﻠﺐ ﻋﻠﻰ ﻋﺎﺋﻠﺘﻲ ﺍﻟﺰﻭﻳﻨﺔ ﺍﺏ ﻣﺮﻳﺾ ﻧﻔﺴﻴﺎ ﻭﺍﻻﻡ ﻣﻮﻻﺕ ﺍﻟﺤﺴﺐ ﻭﺍﻟﻨﺴﺐ ﻭ ﺧﻮﺗﻲ ﺭﺷﻴﺪ ﻏﺎﺗﻜﻮﻥ ﻋﻨﺪﻭ 25 ﺳﻨﺔ ﻛﺎﻥ ﻫﺮﺏ ﻭﻣﻌﺮﻓﻨﺎﻫﺶ ﻓﻴﻦ ﻣﺸﺎ ﻭ ﺍﻣﻴﻦ 22 ﺳﻨﺔ ﻭﻣﺮﺍﺩ 21 ﺳﻨﺔ ﺧﺮﺝ ﻣﻦ ﺍﻟﻘﺮﺍﻳﺔ ﺑﺴﺒﺐ ﺩﺍﻛﺸﻲ ﻟﻲ ﻭﻗﻊ ﻟﺒﺎﺑﺎ ﻭﺑﺎﻟﺼﺪﻣﺔ ﺣﺘﺎ ﻫﻮ ﺗﻌﻘﺪ ﻭﺗﺼﺎﺏ ﺑﺎﻻﻛﺘﺌﺎﺏ ﻭﻻ ﻏﻴﺮ ﻛﻴﺪﻭﺭ ﻓﺎﻟﺰﻧﺎﻗﻲ  ﻭﺧﺎ ﻛﻨﺖ ﻋﺎﺭﻓﺔ ﺑﻠﻲ ﻣﺎﻣﺎ ﻛﺎﻧﺖ ﻗﺎﺳﻴﺔ ﻣﻠﻲ ﺭﻣﺎﺗﻨﻲ ﻓﺎﻟﻠﺨﻴﺮﻳﺔ ﻭﻛﺎﻧﺖ ﺍﻛﺜﺮ ﻗﺴﻮﺓ ﻣﻠﻲ ﻣﺎﻋﻤﺮﻫﺎ ﺯﺍﺭﺗﻨﻲ ﻣﻦ ﻧﻬﺎﺭ ﺣﻄﻴﺖ ﺭﺟﻠﻲ ﻓﺪﻳﻚ ﺍﻟﺒﻼﺻﺔ ﻭﻻ ﻓﻜﺮﺍﺕ ﺍﻧﻬﺎ ﺗﺼﻴﻔﻄﻠﻴﺎ ﺣﺘﻰ ﺭﺳﺎﻟﺔ ﺍﻭ ﺣﻠﻮﺓ , ﻭﻟﻜﻦ ﻏﺮﻳﺰﺓ ﺍﻻﻣﻮﻣﺔ ﻏﻠﺒﺎﺗﻨﻲ ﻭﺧﻼﺗﻨﻲ ﻧﻀﺮﺏ ﻛﻮﻟﺸﻲ ﻓﺰﻳﺮﻭ ﻭﻣﺎﺗﻌﺮﻑ ﻧﻘﺪﺭ ﻧﻠﻘﺎ ﻣﺒﺮﺭﺍﺕ ﻣﻘﻨﻌﺔ ﺗﺒﺪﻝ ﺍﻟﺼﻮﺭﺓ ﺍﻟﺨﺎﻳﺒﺔ ﻟﻲ ﻋﻨﺪﻱ ﻋﻠﻴﻬﺎ . ﺑﺪﻳﺖ ﺍﻟﺒﺤﺚ ﻭﺍﻧﺎ ﻛﻨﺘﻤﻨﺎ ﻧﻠﻘﺎﻫﺎ ﺑﺎﻗﺎ ﺣﻴﺔ ﻛﻨﺖ ﻣﺤﺘﺎﺟﺔ ﺿﻤﻨﻲ ﻟﺼﺪﺭﻫﺎ ﻭﻧﺒﻜﻴﻮ ﺑﺠﻮﺟﻨﺎ ﻭﻃﻠﺐ ﻣﻨﻲ ﺍﻟﺴﻤﺎﺣﺔ ﺣﻴﺖ ﻋﻤﺮﻫﺎ ﺗﻔﻜﺮﺍﺗﻨﻲ ﻭﺍﻧﺎ ﻧﻤﺴﺢ ﻟﻴﻬﺎ ﺩﻣﻮﻋﻬﺎ ﻭﻧﻘﻮﻟﻬﺎ ﻣﺴﺎﻣﺤﺎﻙ ﺍ ﻣﺎﻣﺎ ﻭﺗﻌﻮﺿﻨﻲ ﺣﻨﺎﻥ ﺳﻨﻮﺍﺕ ﺩﺍﺯﺕ ﻓﺎﻟﺠﺤﻴﻢ ﻭﻟﻜﻦ ﺍﻟﺠﺤﻴﻢ ﺍﻟﺤﻘﻴﻔﻲ ﻫﻮ ﻟﻲ ﻛﻴﺘﺴﻨﺎﻧﻲ ﻣﺸﻴﺖ ﻟﻠﺤﻮﻣﺔ ﺍﻟﻘﺪﻳﻤﺔ ﺷﻔﺖ ﺩﺍﺭﻧﺎ ﻛﻨﻘﺼﺪ ﻛﺎﻧﺖ ﺩﺍﺭﻧﺎ ﺍﻭﻝ ﻣﺎﻃﺎﺣﺖ ﻋﻴﻨﻲ ﻋﻠﻰ ﺍﻟﺒﺎﺏ ﺷﻔﺖ ﺑﺎﺑﺎ ﻭﻫﻮ ﻫﺎﺯﻧﻲ ﻋﻠﻰ ﻛﺘﺎﻓﻮ ﻭﺍﻟﻀﺤﻜﺔ ﻣﻜﺘﺤﻴﺪﺵ ﻣﻦ ﻭﺟﻬﻲ ﺑﺤﺎﻝ ﺷﻲ ﻣﻼﻙ ﻟﻲ ﻣﻌﺮﻓﺶ ﺍﺵ ﻣﺨﺒﻴﺎ ﻟﻴﻪ ﺍﻟﺪﻧﻴﺎ ﻭﻟﻬﻴﻪ ﻛﻨﺖ ﻛﻨﻠﻘﺎ ﺧﻮﻳﺎ ﻭﺍﻗﻒ ﻣﻊ ﺻﺤﺎﺑﻮ ﻛﻨﻤﺸﻲ ﻧﺠﺮﻱ ﺑﺎﺵ ﻧﻌﻨﻘﻮ ﻭﺣﺘﺎ ﻫﻮ ﻛﻴﺤﻞ ﻳﺪﻳﻪ ﻭﻳﻬﺰﻧﻲ ﻟﻠﺤﺎﻧﻮﺕ ﻭﻧﺨﺘﺎﺭ ﻟﻲ ﺑﻐﻴﺖ ﺑﺤﺎﻝ ﺷﻲ ﺍﻣﻴﺮﺓ ﻟﻲ ﻏﺘﻔﻘﺪ ﺗﺎﺟﻬﺎ ﻟﻼﺑﺪ ﻫﺰﻳﺖ ﻋﻴﻨﻲ ﻟﻠﺸﺮﺟﻢ ﻛﺘﺒﺎﻥ ﻟﻴﺎ ﻣﺎﻣﺎ ﻛﻄﻠﺒﻨﻲ ﺑﺎﺵ ﻧﺪﺧﻞ ﺣﻴﺖ ﻭﺟﺪﺍﺕ ﺍﻟﻜﻴﻜﺔ ﻟﻲ ﻋﺰﻳﺰﺓ ﻋﻠﻴﺎ ﻭﺍﻧﺎ ﻛﻨﺠﺮ ﻣﻌﺎﻳﺎ ﺻﺤﺎﺑﺎﺗﻲ ﺑﺎﺵ ﻳﺎﻛﻠﻮ ﻣﻌﺎﻳﺎ ﻭﻧﺘﺒﺎﻫﺎ ﺑﻤﺎﻣﺎ ﻗﺪﺍﻣﻬﻢ , ﻛﻞ ﺑﻼﺻﺔ ﻛﺘﺠﻲ ﻋﻠﻴﻬﺎ ﻋﻴﻨﻲ ﻭﺍﻻ ﻋﻨﺪﻱ ﻣﻌﺎﻫﺎ ﺫﻛﺮﻳﺎﺕ ﻛﺘﻔﺘﺢ ﺟﺮﺡ ﻓﻘﻠﺒﻲ ﺗﺸﺠﻌﺖ ﻭﺩﻗﻴﺖ ﻋﻠﻰ ﺟﺎﺭﺗﻨﺎ ﻣﻲ ﻋﻴﺸﺔ ﻏﺎﺗﻜﻮﻥ ﻧﺴﺎﺗﻨﻲ ﻭﺧﻮﻓﻲ ﻣﺎﻧﻠﻘﺎﺵ ﻋﻨﺪﻫﺎ ﺩﺍﻛﺸﻲ ﻟﻲ ﺑﻐﻴﺖ , ﺍﻭﻝ ﻣﺎﺣﻼﺕ ﺍﻟﺒﺎﺏ ﺑﺪﺍﻭ ﺩﻛﺮﻳﺎﺕ ﻣﻦ ﺟﺪﻳﺪ ﻣﻠﻲ ﻛﺎﻧﺖ ﻛﺘﺠﻲ ﻋﻨﺪ ﻣﺎﻣﺎ ﻭﻳﺠﻠﺴﻮ ﻳﺸﺮﺑﻮ ﺍﺗﺎﻱ ﻭﻳﺸﺪﻭ ﺍﻟﻬﻀﺮﺓ ﻭﺍﻧﺎ ﻣﻌﺎﻫﻢ ﻛﻨﻠﻌﺐ ﻣﻘﺪﻳﺘﺶ ﻧﺼﺒﺮ ﻏﻠﺒﺎﺗﻨﻲ ﺍﻟﺒﻜﻴﺔ ﻋﻨﻘﺘﻬﺎ ﺑﺠﻬﺪ ﺷﻮﻳﺔ ﺩﻓﻌﺎﺗﻨﻲ ﻭﺑﻘﺎﺕ ﺗﺤﻘﻖ ﻓﻴﺎ ﺣﺘﺎ ﺷﺪﺍﺗﻬﺎ ﺍﻟﺒﻜﻴﺔ ﺣﺘﺎ ﻫﻲ ﻭﻋﻨﻘﺎﺗﻨﻲ ﻭﻫﻲ ﻛﺘﻘﻮﻟﻲ ﺑﻨﺘﻲ ﺍﻟﻌﺰﻳﺰﺓ , ﺩﺧﻠﺖ ﻋﻨﺪﻫﺎ ﻭﻋﺎﻭﺩﺕ ﻟﻴﻬﺎ ﻛﻮﻟﺸﻲ ﻗﺎﻟﺘﻠﻲ ﺑﻠﻲ ﻣﺎﻣﺎ ﻣﺸﺎﺕ ﻣﻊ ﺧﻮﻳﺎ ﺍﻣﻴﻦ ﻟﻄﻨﺠﺔ ﻭﻋﻄﺎﺗﻨﻲ ﻋﻨﻮﺍﻥ ﺩﻳﺎﻟﻬﺎ ﺳﻠﻤﺖ ﻋﻠﻴﻬﺎ ﺑﺎﺵ ﻧﻤﺸﻲ ﻭﻟﻜﻦ ﻣﺎﺧﻼﺗﻨﻴﺶ ﻃﻠﺒﺎﺕ ﻣﻨﻲ ﻧﺒﻘﺎ ﺣﺘﺎ ﻧﺸﺮﺏ ﻣﻌﺎﻫﺎ ﺍﺗﺎﻱ ﺩﺍﻛﺸﻲ ﻟﻲ ﻛﺎﻥ ﺑﻘﻴﺖ ﻭﻛﻞ ﺟﻐﻤﺔ ﺩﻳﺎﻝ ﺍﺗﺎﻱ ﻛﺘﻬﺒﻂ ﻓﺤﻠﻘﻲ ﺑﺤﺎﻝ ﺷﻲ ﺟﻤﺮﺓ ﻭﺩﻣﻲ ﻛﻴﻐﻠﻲ ﺑﻐﻴﺖ ﻏﻴﺮ ﺍﻣﺘﺎ ﻧﺴﺎﻓﺮ . ﺩﻭﺯﺕ ﻣﻌﺎﻫﺎ ﺍﻟﻠﻴﻠﺔ ﻭﺍﻟﺼﺒﺎﺡ ﺑﻜﺮﻱ ﻋﻄﺎﺗﻨﻲ ﺷﻲ ﻓﻠﻮﺱ ﻭﺩﻋﺘﻬﺎ , ﻣﺸﻴﺖ ﺍﻟﻤﺤﻄﺔ ﺷﺪﻳﺖ ﺍﻟﻜﺎﺭ ﻟﻄﻨﺠﺔ ﻭﻛﻞ ﺛﺎﻧﻴﺔ ﻛﺪﻭﺯ ﻛﺄﻧﻬﺎ ﺳﺎﻋﺎﺕ ﻭﺍﻟﻜﺎﺭ ﻏﺎﺩﻱ ﺑﺸﻮﻳﺔ ﺑﺤﺎﻝ ﺍﻟﻰ ﻛﻴﻤﺸﻲ ﻋﻠﻰ ﺍﻟﻘﻠﺐ ﺩﻳﺎﻟﻲ ﻭﺍﻭﻝ ﻣﺮﺓ ﺗﻤﻨﻴﺘﻮ ﻳﻮﻟﻲ ﺻﺎﺭﻭﺥ ﻳﻮﺻﻠﻨﻲ ﻓﺮﻣﺸﺔ ﻋﻴﻦ ﻭﻟﻮ ﻛﻨﺖ ﻋﺎﺭﻓﺔ ﺍﺵ ﻛﻴﺘﺴﻨﺎﻧﻲ ﻛﻨﺖ ﻏﻨﺘﻤﻨﺎ ﻳﺪﻳﺮ ﻛﺴﻴﺪﺓ ﻭ ﻳﻮﻗﻒ , ﻭﺻﻠﺖ ﺍﻟﻤﺤﻄﺔ ﻧﺰﻟﺖ ﺣﺴﻴﺖ ﺑﺮﺍﺳﻲ ﺻﻐﻴﻴﻴﺮﺓ ﻓﻤﺪﻳﻨﺔ ﻛﺒﻴﺮﺓ ﻛﻮﻟﺸﻲ ﻛﻴﺘﺤﺮﻙ ﻧﺎﺱ ﻫﻀﺮﺗﻬﻢ ﺯﻭﻳﻨﺔ ﻭﺣﻠﻮﺓ ﻭﺍﻟﺒﺤﺮ ﺍﻭﻝ ﻣﺮﺓ ﻏﻨﺸﻮﻑ ﺍﻟﺒﺤﺮ ﻭﺍﻭ ﻣﺎﺗﻴﻘﺘﺶ ﺭﺍﺳﻲ , ﺑﺪﻳﺖ ﺭﺣﻠﺔ ﺍﻟﺘﻘﻼﺏ ﻣﻦ ﺩﺍﺭ ﻟﺪﺍﺭ ﻭﻣﻦ ﺣﻮﻣﺔ ﻟﺤﻮﻣﺔ ﺩﻭﺯﺕ ﺍﻳﺎﻡ ﻭﺍﻧﺎ ﻣﺠﻠﻴﺔ ﻛﻨﺪﻭﺭ ﻭﻧﻘﻠﺐ ﻭﻛﻞ ﻣﺮﺓ ﻧﺒﺎﺕ ﻑ ﺍﻭﻃﻴﻞ ﻓﺸﻜﻞ ﻭﺣﺘﺎ ﻣﻦ ﺍﻟﻌﻨﻮﺍﻥ ﻟﻲ ﻋﻄﺎﺗﻨﻲ ﻣﻲ ﻋﻴﺸﺔ ﻟﻘﻴﺘﻬﺎ ﺍﻧﺘﻘﻠﺖ ﻣﻨﻮ ﺑﻘﻴﺖ ﻛﻨﺴﻮﻝ ﺣﺘﺎ ﺗﻼﻗﻴﺖ ﺑﺴﻲ ﻋﺒﺎﻟﺴﻼﻡ ﻓﻘﻴﻪ ﻛﺎﻥ ﻛﻴﻌﺮﻑ ﻣﺎﻣﺎ ﻣﻠﻲ ﻳﺎﻟﻠﻪ ﻭﺻﻼﺕ ﻟﻄﻨﺠﺔ ﻋﻄﺎﻧﻲ ﻋﻨﻮﺍﻧﻬﺎ ﺍﻟﺠﺪﻳﺪ ﻭ ﺣﻜﻴﺖ ﻟﻴﻪ ﻣﻌﺎﻧﺎﺗﻲ ﻭﺑﻘﻴﺖ ﻓﻴﻪ ﺍﻗﺘﺮﺡ ﻋﻠﻴﺎ ﻧﺪﻭﺯ ﺍﻟﻠﻴﻠﺔ ﻋﻨﺪﻭ ﻭﻟﻐﺪﺍ ﻧﻤﺸﻲ ﺍﻟﻌﻨﻮﺍﻥ ﻟﻲ ﻋﻄﺎﻧﻲ ,. ﻫﻮ ﻣﺰﻭﺝ ﻭﻟﻜﻦ ﻣﻌﻨﺪﻭﺵ ﻭﻻﺩ ﻫﻴﺎ ﻫﺎﺩﻳﻚ ﻓﺎﻟﺼﺒﺎﺡ ﻓﻄﺮﺕ ﻭﺧﺮﺟﺖ ﻧﻘﻠﺐ ﻋﻠﻰ ﺍﻟﻌﻨﻮﺍﻥ ﻭﺻﻠﺖ ﻟﻠﺤﻮﻣﺔ ﻟﻲ ﺳﺎﻛﻨﺔ ﻓﻴﻬﺎ ﻗﻠﺒﻲ ﺑﺪﺍ ﻛﻴﻀﺮﺏ ﺑﺠﻬﺪ ﻭﻗﻔﺖ ﻟﺤﻈﺔ ﻭﺑﺪﻳﺖ ﻛﻨﺘﺨﻴﻞ ﻛﻞ ﺍﻟﺴﻴﻨﺎﺭﻳﻮﻫﺎﺕ ﺍﻟﻤﻤﻜﻨﺔ , ﻭﺍﺳﺘﻐﺮﺑﺖ ﻣﻦ ﻧﻈﺮﺍﺕ ﺩﻳﺎﻝ ﺍﻟﺒﻘﺎﻝ ( ﻣﻮﻝ ﺍﻟﺤﺎﻧﻮﺕ ) ﻣﻠﻲ ﺳﻮﻟﺘﻮ ﻋﻠﻰ ﺩﺍﺭ “) ﻭﺍﺵ ﻛﺘﻌﺮﻑ ﺩﺍﺭ ﻣﻠﻴﻜﺔ ﺑﻨﺖ ﺍﻟﻬﺎﺷﻤﻲ (” ﺟﺎﻭﺑﻨﻲ ﺑﻠﻜﻨﺔ ﺷﻤﺎﻟﻴﺔ ﻭﻫﻮ ﻛﻴﺸﻴﺮ ﻟﻴﺎ ﻟﻠﻌﻤﺎﺭﺓ “) ﻭﺍﺵ ﻧﺘﻴﻨﺎ ﺧﺪﺍﻣﺔ ﻣﻌﺎﻫﺎ (“?? ﻗﻮﻟﺘﻠﻴﻪ ﻻ ﺍﻧﺎ ﺑﻨﺘﻬﺎ , ﺧﻠﻴﺘﻮ ﻛﻴﻄﻠﻊ ﻭﻳﻬﺒﻂ ﻓﻴﺎ ﻭﺍﺗﺠﻬﺖ ﻟﻠﺪﺍﺭ ﺻﻮﻧﻴﺖ ﻭﻗﻠﺒﻲ ﺑﺎﻏﻲ ﻳﺨﺮﺝ ﻣﻦ ﺑﻼﺻﺘﻮ ﺷﻮﻳﺔ ﻛﻨﺴﻤﻊ ﺻﻮﺕ ﻣﻦ ﻣﻮﺭ ﺍﻟﺒﺎﺏ “) ﺷﻜﻮﻭﻭﻥ ﺗﻤﺎ (” ﻫﺎﺩﺍ ﺻﻮﺕ ﻣﺎﻣﺎ ﺍﻩ ﻣﺴﺘﺤﻴﻞ ﻳﺨﻔﺎ ﻋﻠﻴﺎ ﺻﻮﺗﻬﺎ ﺩﺧﻞ ﻻﻋﻤﺎﻕ ﻗﻠﺒﻲ ﺷﻮﻳﺔ ﺣﻼﺕ ﺍﻟﺒﺎﺏ ﻛﻨﺸﻮﻑ ﻣﺮﺃﺓ ﻓﺎﻻﺭﺑﻌﻴﻨﻴﺎﺕ ﻛﺘﺤﻤﻖ ﺑﺎﻟﺰﻳﻦ ﻣﺎﺑﻘﻴﻨﺎﺵ ﺑﺰﺍﻑ ﺣﺘﺎ ﻋﺮﻓﻨﺎ ﺑﻌﻀﻴﺎﺗﻨﺎ ﻫﻲ ﻣﺎﺗﺒﺪﻻﺗﺶ ﺑﺮﺍﻑ ﻭﻟﻜﻦ ﺍﻧﺎ ﻛﻨﺖ ﺑﻨﺖ ﺻﻐﻴﺮﺓ ﻋﻨﺪﻫﺎ 5 ﺳﻨﻴﻦ ﻭﺩﺍﺑﺎ ﺷﺎﺑﺔ ﻓﻌﻤﺮﻫﺎ 19 ﺳﻨﺔ ﻭ ﺯﻭﻳﺔ ﻭﺍﻱ ﺷﺎﺏ ﻳﺘﻤﻨﺎﻧﻲ ﻧﻜﻮﻥ ﻣﻮﻻﺕ ﺩﺍﺭﻭ , ﻋﻨﻘﺎﺗﻨﻲ ﻣﺎﻣﺎ ﻛﻤﺎ ﺗﻮﻗﻌﺖ ﻭﻟﻜﻦ ﻣﺎﺣﺴﻴﺘﺶ ﺑﺪﺍﻙ ﺍﻟﺸﻮﻕ ﻭﺩﺍﻙ ﺍﻟﺤﻀﻦ ﻟﻲ ﻛﻨﻘﻠﺐ ﻋﻠﻴﻪ ﺣﺮﺍﺭﺓ ﺍﻟﻠﻘﺎﺀ ﻛﺎﻧﺖ ﺑﺎﺭﺩﺓ ﻭﺣﺘﺎ ﺩﻣﻌﺔ ﻣﺎﻫﺒﻄﺎﺕ ﻣﻦ ﻋﻴﻨﻴﻬﺎ , ﺍﺍﺍﺍﻩ ﺍﻧﺎ ﻟﻲ ﻣﺴﻜﻴﻨﺔ ﻇﻨﻴﺖ ﻏﻨﻠﻘﺎ ﺩﺍﻙ ﺍﻟﺤﻀﻦ ﺍﻟﺪﺍﻓﺊ ﻟﻲ ﻏﻴﻨﺴﻴﻨﻲ ﻓﻬﻤﻲ ﻭﺳﻨﻮﺍﺕ ﺍﻟﻤﻌﺎﻧﺎﺓ ﻭﻏﻴﻨﺴﻴﻨﻲ ﺍﻟﻢ ﺍﻟﺼﻔﻌﺎﺕ ﻟﻲ ﻛﻠﻴﺘﻬﺎ ﻣﻦ ﻳﺪ ﺍﻟﺪﻧﻴﺎ ﺑﺴﺒﺐ ﺍﻟﺘﻔﻜﻚ ﺍﻻﺳﺮﻱ , ﻛﻤﺪﺗﻬﺎ ﻓﻘﻠﺒﻲ ﻭﻗﻠﺖ ﻳﻤﻜﻦ ﻣﺼﺪﻭﻣﺔ ﻭﺻﺎﻓﻲ ﺭﺍﺟﻠﻬﺎ ﻭﻟﺪﻫﺎ ﺣﻤﺎﻗﻮ ﻭﻟﺪﻫﺎ ﺍﻻﺧﺮ ﻣﺎﻋﺎﺭﻓﺎﻩ ﺣﻲ ﻭﻻ ﻣﻴﺖ ﻭﺑﻨﺘﻬﺎ ﺩﻭﺯﺍﺕ ﻋﻤﺮﻫﺎ ﻓﺎﻟﺨﻴﺮﻳﺔ … ﺳﻮﻟﺘﻬﺎ ﻋﻠﻰ ﺧﻮﻳﺎ ﺍﻣﻴﻦ ﺣﻴﺖ ﻣﺎﺷﻔﺘﻮﺵ ﻓﺪﺍﺭ ﻗﺎﻟﺖ ﻟﻴﺎ ﺑﻠﻲ ﻛﺮﺍ ﺩﺍﺭ ﺑﻮﺣﺪﻭ ﻭﻻ ﻣﺪﻣﻦ ﻋﻠﻰ ﺍﻟﻤﺨﺪﺭﺍﺕ ﻭﻛﻴﺘﻌﺮﺽ ﻟﻠﻜﺎﻣﻴﻮﻧﺎﺕ ﻟﻲ ﻏﺎﺩﺍ ﺍﻟﺨﺎﺭﺝ ﺑﺎﻏﻲ ﻳﺤﺮﻙ … ﺩﺍﺯ ﺍﻟﻨﻬﺎﺭ ﺍﻟﻠﻮﻝ ﻭﺍﻟﺘﺎﻧﻲ ﻭﺣﺘﺎ ﺍﺣﺴﺎﺱ ﺑﺎﻻﻣﻮﻣﺔ ﺗﻤﺎ ﻋﺮﻓﺖ ﺑﻠﻲ ﻣﺎﻣﺎ ﻟﻲ ﻛﻨﻌﺮﻑ ﻣﺎﺗﺖ ﻭﺍﻟﺰﻣﺎﻥ ﺧﻼﻫﺎ ﺗﻮﻟﺪ ﻣﻦ ﺟﺪﻳﺪ ﺑﻘﺴﺎﻭﺓ , ﻭﻓﻬﺎﺩ ﺍﻟﻠﺤﻈﺔ ﻏﺘﻘﻠﺐ ﺣﻴﺎﺗﻲ ﺍﻛﺘﺮ ﻣﻤﺎ ﻫﻲ ﻣﻘﻠﻮﺑﺔ ﺩﺧﻼﺕ ﻋﻨﺪﻱ ﺍﻟﺒﻴﺖ ﻭﻏﻮﺗﺎﺕ ﻋﻠﻴﺎ ﻭﻗﺎﻟﺖ ﺑﻠﻲ ﻣﺨﺼﻨﻴﺶ ﻧﺒﻘﺎ ﻧﺎﺷﺮﺍ ﻋﻠﻴﻬﺎ ﺭﺟﻠﻴﺎ ﻧﺎﻛﻞ ﻭﻧﻌﺲ ﻭﺑﻠﻲ ﺧﺎﺻﻨﻲ ﻧﻌﺎﻭﻧﻬﺎ ﻓﺎﻟﻤﺼﺮﻭﻑ ﺟﺎﻭﺑﺘﻬﺎ ﺑﻠﻲ ﺻﺎﻓﻲ ﻏﻨﺨﺮﺝ ﻧﻘﻠﺐ ﻋﻠﻰ ﺧﺪﻣﺔ ﻭﻟﻜﻦ ﻫﻲ ﻃﻠﺒﺎﺕ ﻣﻨﻲ ﻧﺨﺪﻡ ﻣﻌﺎﻫﺎ ﻓﺎﻟﺪﻋﺎﺭﺓ … ﺍﺍﺍﻩ ﻋﻠﻴﻚ ﻳﺎ ﺩﻧﻴﺎ ﻣﻘﺪﻳﺖ ﻧﻘﻮﻝ ﻭﺍﻟﻮ ﻗﺪﺍﻣﻬﺎ ﻭﺑﺪﺍﺕ ﺗﻌﻴﻂ ﻟﻜﻠﻴﺎﻥ ﺩﻳﺎﻟﻬﺎ ﻭ ﺗﻘﻮﻟﻴﻬﻢ ﻋﻠﻰ ﺍﻟﺴﻠﻌﺔ ﺍﻟﺠﺪﻳﺪﺓ ﻟﻲ ﻫﻲ ﺍﻧﺎ ﻫﻜﺪﺍ ﻭﺻﻔﺎﺗﻨﻲ ﺑﺎﻟﻨﺴﺒﺔ ﻟﻴﻬﺎ ﺳﻠﻌﺔ ﺟﺪﻳﺪﺓ ﻟﻲ ﺑﺪﺍﻭ ﻛﻴﺘﺴﺎﺑﻘﻮ ﻋﻠﻴﺎ ﺷﻜﻮﻥ ﻳﺨﻠﺺ ﻛﺘﺮ ﺑﺎﺵ ﻳﻔﻮﺯ ﺑﻴﺎ ﻭﻳﺤﻈﻰ ﺑﺸﺮﻑ ﺗﺪﺷﻴﻦ ﻋﺬﻟﺒﻨﺎﺕ !!!!!!?? ﺍﺷﻤﻦ ﻧﻮﻉ ﻣﻦ ﺍﻻﻣﻬﺎﺕ ﻫﺎﺩﻱ ﻟﻲ ﺧﺪﻣﺎﺗﻨﻲ ﻣﻌﺎﻫﺎ ﻗﺤﺒﺔ ﻓﺒﻼﺻﺖ ﻣﺎﺗﺸﺮﻱ ﻟﻴﺎ ﻗﻔﻄﺎﻥ ﻋﺮﺳﻲ ﻭﺗﻌﻄﻴﻨﻲ ﻟﻔﺎﺭﺱ ﺍﺣﻼﻣﻲ !!!!!! ﻋﺸﺖ ﺣﻴﺎﺗﻲ ﻛﻠﻬﺎ ﻑ ﺧﻴﺮﻳﺔ ﻭﺧﺎ ﻭﺍﻟﺪﻳﺔ ﻋﺎﻳﺸﻴﻦ !!!!! ﺍﺷﻨﻮ ﺩﺭﺕ ﺣﺘﺎ ﻧﺴﺘﺎﻫﻞ ﻫﺎﺩ ﺍﻟﻌﻘﺎﺏ ﺍﻟﻘﺎﺳﻲ !!!! ﻋﻼﺵ ﻛﻼﺏ ﺍﻟﺪﻧﻴﺎ ﻛﻮﻟﻬﺎ ﻛﺘﻨﺒﺢ ﻭﺗﻌﺮﺑﻂ ﺑﺤﺎﻝ ﺍﻟﻰ ﺍﻧﺎ ﺍﻟﻔﺮﻳﺴﺔ ﺍﻟﻮﺣﻴﺪﺓ ﻓﻬﺎﺩ ﺍﻟﻐﺎﺑﺔ ﺍﻟﺒﺸﺮﻳﺔ !!! ﺍﺷﻨﻮ ﻧﺪﻳﺮ ?? ﻭﺍﺵ ﻧﻬﺮﺏ ?? ﺍﻩ ﻋﻼﺵ ﻻ ﺍﺻﻼ ﻣﺎ ﺑﻘﺎﺕ ﻛﺘﺮﺑﻄﻨﻲ ﺑﻬﺎ ﺣﺘﺎ ﺣﺎﺟﺔ ﻣﻦ ﻏﻴﺮ ﺍﻟﺴﻤﻴﺔ ﻟﻲ ﻓﺎﻟﺤﺎﻟﺔ ﺍﻟﻤﺪﻧﻴﺔ ﻭﺣﺘﺎ ﺩﻳﻚ ﺍﻟﺴﻤﻴﺔ ﻣﺎﺑﻘﻴﺘﺶ ﺑﺎﻏﺎﻫﺎ , ﺻﺎﻓﻲ ﻫﺮﺑﺖ ﻭﻣﺎﻛﺎﻥ ﻋﻨﺪﻱ ﻓﻴﻦ ﻧﻤﺸﻲ ﻣﻦ ﻏﻴﺮ ﺳﻲ ﻋﺒﺪﺍﻟﺴﻼﻡ  ﺭﺟﻌﺖ ﻟﻌﻨﺪﻭ ﻭﺍﺳﺘﻘﺒﻠﻨﻲ ﻓﺪﺍﺭﻭ ﻭﺑﻘﻴﺖ ﻣﻌﺎﻩ ﻣﺪﺓ ﺷﻬﺮ ﻭﻟﻜﻦ ﺣﺘﺎ ﺩﺍﻙ ﺍﻟﺸﻬﺮ ﺩﺍﺯ ﻛﺎﻣﻞ ﻣﻌﺎﻧﺎﺓ ﺑﺴﺒﺐ ﺍﻟﻐﻴﺮﺓ ﺩﻳﺎﻝ ﻣﺮﺍﺕ ﺳﻲ ﻋﺒﺪﺍﻟﺴﻼﻡ ﻣﻨﻲ ﻭﻣﻦ ﺟﻤﺎﻟﻲ ﻭﺧﺎ ﻫﻮ ﺭﺟﻞ ﺩﻳﻦ ﻭﻟﻜﻦ ﻣﻌﻠﻮﻭﻡ ﻋﻼﺵ ﻣﺎﺗﻐﻴﺮﺵ ﻣﺪﺍﻡ ﻛﺎﻳﻨﺔ ﺍﻡ ﺗﺒﻴﻊ ﺑﻨﺘﻬﺎ ﻟﻠﺸﻤﺎﻳﺖ ﻭﻫﻲ ﻛﺘﻔﺮﺝ ﻋﻠﻴﻬﺎ ﻣﺎﺑﻘﺎ ﺍﻣﺎﻥ ﻓﻬﺎﺩ ﺍﻟﺪﻧﻴﺎ … ﺑﺪﻳﺖ ﻛﻨﺴﻮﻝ ﻭﻧﻘﻠﺐ ﺣﺘﺎ ﻟﻘﻴﺖ ﺧﻮﻳﺎ ﺍﻣﻴﻦ ﻣﺸﻴﺖ ﻟﻌﻨﺪﻭ ﺭﺣﺐ ﺑﻴﺎ ﻭ ﺍﺳﺘﻘﺒﻠﻨﻲ ﻣﺰﻳﺎﻥ ﻭﺧﻼﻧﻲ ﻧﺒﻘﺎ ﻣﻌﺎﻩ ﻓﺪﺍﺭﻭ ﻇﻨﻴﺖ ﺍﻧﻲ ﺻﺎﻓﻲ ﻟﻘﻴﺖ ﻟﻲ ﻳﺤﻤﻴﻨﻲ ﻣﻦ ﻏﺪﺭ ﺍﻟﺰﻣﺎﻥ ﻭﻋﻴﻮﻥ ﺍﻟﻨﺎﺱ ﻟﻲ ﻛﺘﻨﻬﺶ ﻓﻴﺎ . ﺍﻧﺘﻘﻠﺖ ﻟﺪﺍﺭ ﺧﻮﻳﺎ ﺑﺎﺵ ﻧﻌﺲ ﺍﻭﻝ ﻟﻴﻠﺔ ﻣﺮﺗﺎﺣﺔ ﺍﻟﺒﺎﻝ ﺷﺎﻛﺮﺓ ﺍﻟﻠﻪ ﺣﻴﺖ ﻋﻮﺿﻨﻲ ﺑﺨﻮﻳﺎ ﻳﻨﺴﻴﻨﻲ ﻓﻤﻌﺎﻧﺎﺗﻲ ﻭﺍﻟﺸﻘﺎﺀ ﻟﻲ ﻋﺸﺘﻮ ﻭﺧﺎ ﻣﺪﻣﻦ ﻋﻠﻰ ﺍﻟﻤﺨﺪﺭﺍﺕ ﻭﺑﺪﻳﺖ ﻛﻨﺮﺳﻢ ﺍﺣﻼﻡ ﻭﺭﺩﻳﺔ ﻟﺤﻴﺎﺗﻲ ﻭﻛﻨﺤﺎﻭﻝ ﻧﺘﻤﻨﻰ ﺍﻣﻨﻴﺔ ﺍﻟﻌﺎﻡ ﺍﻟﺠﺪﻳﺪ ﻭﻧﺤﻘﻘﻬﺎ ﻓﻴﻪ ﻭﻟﻜﻦ ﻓﺮﺣﺘﻲ ﻣﺎﻏﺪﻳﺶ ﺩﻭﻡ ﺑﺰﺍﻑ , ﻓﻮﺍﺣﺪ ﺍﻟﻠﻴﻠﺔ ﻏﻴﺪﺧﻞ ﻟﻠﺪﺍﺭ ﻣﻐﻴﺐ ﻭﺟﺎ ﻋﻨﺪﻱ ﻟﻠﺒﻴﺖ ﻭﻃﻠﺐ ﻣﻨﻲ ﻧﺤﻴﺪ ﺣﻮﺍﻳﺠﻲ ﺍﻧﺎ ﺭﻓﻀﺖ ﻟﻜﻦ ﻫﻮ ﺑﻘﺎ ﻛﻴﺒﺰﺯ ﻋﻠﻴﺎ ﻭﻫﺪﺩﻧﻲ ﺑﺎﺵ ﻳﺮﻣﻴﻨﻲ ﻓﺎﻟﺸﺎﺭﻉ ﻣﺼﺪﻗﺘﺶ ﺩﺍﻛﺸﻲ ﻟﻲ ﺳﻤﻌﺖ ﻃﺤﺖ ﻣﻨﻬﺎﺭﺓ ﻓﺎﻻﺭﺽ ﻛﻨﺒﻜﻲ ﺍﺵ ﻋﺎﺩ ﺑﻘﺎ ﻟﻴﺎ ﻓﻬﺎﺩ ﺍﻟﺪﻧﻴﺎ ﻭﻋﻼﺵ ﻳﺎ ﺭﺑﻲ ﻫﺎﺩ ﺍﻟﻤﻌﺎﻧﺎﺓ ﻛﺎﻣﻠﺔ … ﻋﻴﻴﺖ ﻧﻄﻠﺐ ﻭﻧﺮﻏﺐ ﻓﻴﻪ ﻭﻗﻠﺖ ﻟﻴﻪ ﺑﻠﻲ ﺩﺍﻛﺸﻲ ﻟﻲ ﻃﻠﺐ ﻣﻨﻲ ﺣﺮﺍﻡ ﻭﺍﻟﻠﻪ ﻣﺎﻳﺒﻐﻴﺶ ﺑﻘﺎ ﻛﻴﻀﺤﻚ – ﺯﻋﻤﺎ ﻫﻮ ﻣﺎﻋﺎﺭﻓﺶ ﺑﻠﻲ ﺣﺮﺍﻡ ﻭﺿﺪ ﺍﻟﻘﺎﻧﻮﻥ – ﺑﺪﻳﺖ ﻛﻨﺘﺮﺟﺎﻩ ﻣﺬﻟﻮﻟﺔ ﻭﻫﻮ ﻭﺍﻟﻮ ﻣﺘﺤﺮﻙ ﻓﻴﻪ ﻭﺍﻟﻮ ﻣﻦ ﻏﻴﺮ ﺍﻟﻐﺮﻳﺰﺓ ﺍﻟﺤﻴﻮﺍﻧﻴﺔ ﻟﻲ ﺯﺍﺩﺕ ﻭﻫﺠﻢ ﻋﻠﻴﺎ ﺑﺎﻟﻘﻮﺓ ﻭﺑﺪﺍ ﻛﻴﻘﻄﻊ ﻓﺤﻮﺍﻳﺠﻲ ﻃﺮﻑ ﻃﺮﻑ ﻭﺍﻏﺘﺼﺒﻨﻲ ﺑﻠﺬﺓ ﺟﻨﻮﻧﻴﺔ ﻛﺄﻧﻨﻲ ﻋﻤﺮﻧﻲ ﻛﻨﺖ ﺧﺘﻮ ﻭ ﺟﺰﺀ ﻣﻨﻮ ﻭﺧﺎﺭﺟﻴﻦ ﻣﻦ ﻛﺮﺵ ﻭﺣﺪﺓ ﻟﻲ ﺗﻤﻨﻴﺘﻬﺎ ﺗﻘﻄﻊ ﻭﻣﺎﺗﻮﻟﺪﻧﻴﺶ , ﻣﺎﺩﺍﻫﺎﺵ ﻓﻐﻮﺍﺗﻲ ﻭﺑﻜﺎﺋﻲ ﻋﻠﻰ ﻣﺎﻳﺒﺪﻭ ﻛﺎﻥ ﻣﺴﺘﻤﺘﻊ ﺑﻌﺬﺍﺑﻲ ﻣﻌﺮﻓﺘﺶ ﻛﻔﺎﺵ ﺭﺟﻞ ﻛﻴﺴﺘﻤﺘﻊ ﺑﺎﻏﺘﺼﺎﺏ ﺍﻣﺮﺍﺓ ﻋﺎﺩﻳﺔ ﻓﻜﻴﻔﺎﺵ ﺧﺘﻮ !!! ﻫﺎﺩ ﺍﻟﻨﺎﺱ ﻭﺍﺵ ﻣﻌﻨﺪﻫﻮﻣﺶ ﻣﺸﺎﻋﺮ !!!!! ﻓﻴﻦ ﻏﺎﻧﻤﺸﻲ ﺩﺍﺑﺎ !!!! ﻭﺷﻜﻮﻥ ﻏﻴﺤﻤﻴﻨﻲ ﺩﺍﺑﺎ ﻣﻦ ﺧﻮﻳﺎ ﻭﻣﻦ ﺍﻟﺪﻧﻴﺎ !!!! ﻭﻟﺪ ﺍﻟﺠﻴﺮﺍﻥ !!! ﻭﺍﺵ ﻏﻴﺤﻤﻴﻨﻲ ﻭﻻ ﺣﺘﺎ ﻫﻮ ﻛﻴﺘﺴﻨﺎ ﺍﻟﻔﺮﺻﺔ ﺩﻳﺎﻟﻮ ﻭﻛﻴﻘﻮﻝ ﻣﻊ ﺭﺍﺳﻮ ﺍﻟﻰ ﺧﻮﻫﺎ ﻭﺩﺍﺯ ﻋﻠﻴﻬﺎ ﻋﻼﺵ ﻣﺎﻧﺠﺮﺑﺶ ﺍﻧﺎ ? ﺩﻳﻚ ﺍﻟﻠﻴﻠﺔ ﺩﻭﺯﺗﻬﺎ ﺑﺎﻛﻴﺔ ﻭﺍﻧﺎ ﻛﻨﻀﺮﺏ ﻣﺎﺣﺎﻣﻼﺵ ﺭﺍﺳﻲ ﺣﺴﻴﺖ ﺑﺠﺴﺪﻱ ﻣﻌﻔﻦ ﻣﺎﺑﻘﻴﺘﺶ ﺣﺎﻣﻼﻩ ﻭﺧﺎ ﻣﻮﻟﻔﺔ ﺍﻟﺠﻨﺲ ﻭ ﻟﻜﻦ ﻣﻦ ﺧﻮﻭﻭﻭﻭﻙ !!! ﻣﺎﺗﻘﺒﻠﺘﻬﺎﺍﺵ . ﺧﺮﺟﺖ ﻭﺑﻘﻴﺖ ﻛﻨﺪﻭﺭ ﻓﺰﻧﺎﻗﻲ ﺑﺤﺎﻝ ﺷﻲ ﻫﺒﻴﻠﺔ ﻓﻜﺮﺕ ﻓﺒﺎﺑﺎ ﻭﻟﻜﻦ ﺣﺘﺎ ﻫﻮ ﻏﻴﻜﻮﻥ ﻫﻤﻮ ﻛﺎﻓﻴﻪ ﻭﺍﺻﻼ ﻫﻮ ﻓﻤﺴﺘﺸﻔﻰ ﻣﻨﻘﺪﺭﺵ ﻧﺒﻘﺎ ﻣﻌﺎﻙ ﻭﺑﺼﺪﻓﺔ ﻭﺍﻧﺎ ﺭﺍﻛﺒﺔ ﻓﻄﻮﺑﻴﺲ ﻛﻨﺘﻨﻘﻞ ﻣﻦ ﺑﻼﺻﺔ ﻟﺒﻼﺻﺔ ﺷﻔﺖ ﻭﺍﺣﺪ ﺍﻟﺴﻴﺪ ﺷﺎﺩ ﺟﺮﻳﺪﺓ ﻭﻓﺎﻻﻋﻼﻧﺎﺕ ﻇﻬﺮﺕ ﻟﻴﺎ ﺟﻤﻌﻴﺔ ﻟﺤﻤﺎﻳﺔ ﺍﻟﻨﺴﺎﺀ ﺍﻟﻌﻨﻒ ﻭﺑﻼ ﻣﺎﻧﺘﺮﺩﺩ ﺧﺪﻳﺖ ﺍﻟﻌﻨﻮﺍﻥ ﻭﻣﺸﻴﺖ ﻋﺎﻭﺩﺕ ﻟﻴﻬﻢ ﻟﻲ ﺟﺮﺍ ﻭ ﻗﺒﻠﻮ ﻳﺨﻠﻴﻮﻧﻲ ﻧﺠﻠﺲ ﻋﻨﺪﻫﻢ ﺗﻤﺎ ﻛﺎﻧﻮ ﺑﺰﺍﻑ ﺩﻳﺎﻝ ﺍﻟﻨﺴﺎﺀ ﻫﺎ ﻟﻲ ﻣﻀﺮﻭﺑﺔ ﻫﺎ ﻟﻲ ﻣﻬﺮﺳﺔ ﻫﺎ ﻟﻲ ﻛﺘﺮﺿﻊ ﻭﻟﺪﻫﺎ ﺗﻔﻜﺮﺕ ﺍﻟﺨﻴﺮﻳﺔ ﻭﺷﺪﺍﺗﻨﻲ ﺍﻟﺒﻜﻴﺔ ﻣﻦ ﺟﺪﻳﺪ , ﻓﺎﻟﻤﺮﻛﺰ ﻛﺎﻧﺖ ﺣﺎﻟﺘﻨﺎ ﺧﺎﻳﺒﺔ ﺑﺰﺍﻑ ﻛﻨﺸﻘﺎﻭ ﻛﻞ ﻧﻬﺎﺭ ﻭﺍﻟﻤﺸﺎﻛﻞ ﻭﺣﺘﺎ ﻣﻦ ﺍﻟﻤﺎﻛﻠﺔ ﻛﺎﻧﺖ ﻗﻠﻴﻠﺔ ﻭﺑﻴﺖ ﻭﺍﺣﺪ ﻛﻨﻌﺴﻮ ﻓﻴﻪ ﺏ 8 ﺑﻴﻨﺎ ﻭ ﻣﺎﻛﻨﻮﺵ ﻛﻴﺘﻬﻼﻭ ﻓﻴﻨﺎ ﺣﻴﻦ ﺣﻨﺎ ﻛﻨﻤﺘﻠﻮ ﻟﻴﻬﻢ ﻣﺠﺮﺩ ﻋﺪﺩ ﺍﻭ ﺭﻗﻢ ﻛﻴﻘﺪﻣﻮﻩ ﻟﻠﺪﻭﻟﺔ ﺑﺎﺵ ﺗﺰﻳﺪﻫﻢ ﺍﻟﺪﻋﻢ ﺍﻟﻤﺎﻟﻲ ﻭﻳﺒﺎﻧﻮ ﺑﻠﻲ ﻣﻌﺎﻭﻧﻴﻨﺎ ﻭﻫﻮﻣﺎ ﻛﺎﻳﺎﺧﺬﻭ ﺍﻟﻨﺺ ﻓﺎﻟﻔﻠﻮﺱ ﻭﻳﻘﺴﻤﻮﻩ ﺑﻴﻨﺎﺗﻬﻢ ﻭﺧﺎ ﻫﺎﺩﺷﻲ ﻛﺎﻣﻞ ﻛﻨﺖ ﻣﻀﻄﺮﺓ ﻧﺒﻘﺎ ﺗﻤﺎ ﻫﺎﺭﺑﺔ ﻣﻦ ﻣﺎﻣﺎ ﻟﻲ ﻛﺘﻘﻠﺐ ﻋﻠﻴﺎ ﺑﺎﺵ ﻧﺮﺟﻊ ﻧﺨﺪﻡ ﺣﻴﺖ ﻛﻨﺪﺧﻞ ﻟﻴﻬﺎ ﻓﻠﻮﺱ ﻛﺜﻴﺮﺓ ﻭ ﻣﻦ ﺧﻮﻳﺎ ﻟﻲ ﺍﻏﺘﺼﺒﻨﻲ ﻣﺮﺓ ﻭﻣﻐﻴﺘﺮﺩﺩﺵ ﺑﺎﺵ ﻳﻌﺎﻭﺩﻫﺎ ﻣﺮﺓ ﺍﺧﺮﻯ ﺍﻟﻰ ﻟﻘﺎ ﺍﻟﻔﺮﺻﺔ ﻫﺎﺭﺑﺔ ﻣﻦ ﻋﻴﻮﻥ ﺍﻟﺮﺟﺎﻝ ﻟﻲ ﻣﻜﻴﺨﻠﻴﻮ ﺣﺘﺎ ﺑﻨﺖ ﺗﻨﻌﻢ ﺑﺤﻴﺎﺗﻬﺎ ﺣﻴﺖ ﻛﻠﻬﻢ ﺑﺎﻏﻴﻨﻬﺎ ﻭﻟﻴﻤﺔ ﻟﻐﺮﻳﺰﺗﻬﻢ ﺍﻟﺠﺎﺋﻌﺔ ﻳﺎﻛﻠﻮ ﻣﻨﻬﺎ ﻭﻗﺖ ﻣﺎ ﺑﻐﺎﻭ , ﺯﻣﺎﻥ ﺻﻌﻴﺐ ﻭﺍﻧﺎ ﻣﻌﻨﺪﻳﺶ ﻓﻴﻪ ﺑﻼﺻﺔ ﻣﻘﺪﺭﺗﺶ ﺗﺘﺤﻤﻞ ﺍﻟﻌﻴﺸﺔ ﻓﺎﻟﻤﺮﻛﺰ ﻭﻫﺮﺑﺖ ﻟﺸﺎﺭﻉ ﺑﻘﻴﺖ ﻧﻬﺎﺭ ﻛﺎﻣﻞ ﻭﺍﻧﺎ ﻛﻨﺪﻭﺭ ﺣﺘﺎ ﻭﺻﻠﺖ ﻟﻮﺍﺣﺪ ﺍﻟﺒﻼﺻﺔ ﺧﺎﻭﻳﺔ ﻃﺮﻳﻖ ﻛﺎﻣﻠﺔ ﻭﺍﻧﺎ ﻛﻨﻔﻜﺮ ﻛﻨﺖ ﺳﺎﻫﻴﺔ ﻣﻌﺮﻓﺘﺶ ﻣﻨﻴﻦ ﺩﺯﺕ ﻭﻻ ﺷﻜﻮﻥ ﺗﻼﻗﻴﺖ ﺷﻮﻳﺔ ﺑﺎﻧﺖ ﻟﻴﺎ ﻃﻮﻣﻮﺑﻴﻞ ﻛﺒﻴﺮﺓ ﺩﻳﺎﻝ ﺍﻟﺨﻀﺮﺓ ﺑﻐﻴﺖ ﻧﺴﻮﻝ ﻣﻮﻻﻫﺎ ﻭﺑﺪﺍ ﻛﻴﻄﻠﻊ ﻭﻳﻬﺒﻂ ﻓﻴﺎ ﻭﺍﻧﺎ ﻛﻨﺖ ﻻﺑﺴﺔ ﻏﻴﺮ ﻭﺍﺣﺪ ﺍﻟﺠﻼﺑﺔ ﻣﺠﺮﺗﻠﺔ ﻭﺣﻴﺖ ﺍﻧﺎ ﻋﻨﺪﻱ ﺍﻟﺰﻫﺮ ﻓﻬﺎﺩ ﺍﻟﺪﻧﻴﺎ ﻟﻲ ﻣﺎﻛﻔﺘﻬﺎﺵ ﺍﻟﻤﻌﺎﻧﺎﺓ ﻟﻲ ﺩﻭﺯﺕ ﺻﺪﻕ ﻫﻮ ﻣﻦ ﻛﻠﻴﺎﻥ ﺩﻳﺎﻝ ﻣﺎﻣﺎ ﻭﺑﻘﺎ ﻋﺎﻗﻞ ﻋﻠﻴﺎ ﻫﺒﻂ ﻣﻦ ﻃﻮﻣﻮﺑﻴﻞ ﻭﺩﺧﻠﻨﻲ ﻟﻮﺭ ﺑﺰﺯ ﺳﻜﺘﻬﺎ ﻭﺳﺪ ﺍﻟﺒﻴﺒﺎﻥ ﺑﺪﺍ ﻛﻴﻐﺘﺎﺻﺐ ﻓﻴﺎ ﻭﺍﻧﺎ ﻛﻨﻐﻮﺕ ﻭﻧﺘﺮﺟﺎ ﻓﻴﻪ ﻭﻧﺒﻜﻲ , ﻋﻼﺍﺍﺍﺍﺍﺍﺍﺵ ﺍ ﺭﺑﻲ ﻋﻼﺍﺍﺍﺍﺍﺍﺍﺵ !!!!!! ﻣﻠﻲ ﺳﺎﻻ ﻻﺡ ﻟﻴﺎ 300 ﺩﺭﻫﻢ ﻭﺭﻣﺎﻧﻲ ﻓﺰﻧﻘﺔ ﺑﻘﻴﺖ ﻣﺪﺓ ﻭﺍﻧﺎ ﻓﺎﻻﺭﺽ ﻛﻨﺒﻜﻲ ﻣﻦ ﺑﻌﺪ ﻧﻀﺖ ﻭﻫﺰﻳﺖ ﺩﻭﻙ ﺍﻟﻔﻠﻮﺱ ﻗﻠﺖ ﻓﺮﺍﺳﻲ ﻫﺎﺩﺍﻙ ﺭﺯﻗﻲ ﻭﺗﻌﺪﺑﺖ ﻋﻠﻴﻪ ﺍﻭﻻ ﻳﻤﻜﻦ ﻛﻨﺖ ﻣﺤﺘﺎﺟﺔ ﻟﻴﻬﻢ ﻣﺸﻴﺖ ﺳﻨﺎﻙ ﺗﻐﺪﻳﺖ ﻭﺷﺮﻳﺖ ﺷﻲ ﺣﻮﺍﻳﺞ ﻣﻦ ﺟﻮﻃﻴﺎ ﻭﻟﺒﺴﺘﻬﻢ ﻗﻠﺖ ﻣﻊ ﺭﺍﺳﻲ ﺻﺎﻓﻲ ﺣﻴﺎﺗﻲ ﺿﺎﻋﺖ ﻣﺎﺑﻘﺎ ﻋﻨﺪﻱ ﻣﺎﻧﺨﺴﺮ ﻓﻠﻴﻞ ﻫﺒﻄﺖ ﻟﺠﻴﻬﺔ ﺍﻟﻜﻮﺭﻧﻴﺶ ﺗﻤﺎ ﻛﺎﻧﻮ ﺑﻴﺮﺍﻥ ﺑﺰﺍﺍﺍﻑ ﻭﻗﻔﺖ ﻭﺍﻧﺎ ﺣﺸﻤﺎﻧﺔ ﻛﻨﺘﺴﻨﺎ ﺷﻲ ﺣﻴﻮﺍﻥ ﻏﻠﺒﺎﺗﻮ ﺍﻟﻐﺮﻳﺰﺓ ﺩﻳﺎﻟﻮ ﻧﺎﺧﺪ ﻣﻨﻮ ﻓﻠﻮﺱ , ﺗﻤﺎ ﻛﺎﻧﻮ ﺑﺰﺍﻑ ﺑﻨﺎﺕ ﺑﻴﻦ 15 ﻭ 40 ﺳﻨﺔ ﻛﻞ ﻭﺣﺪﺓ ﻭﺗﻤﻨﻬﺎ ﻣﻦ 30 ﺩﺭﻫﻢ ﺗﺎ ﻝ 1000 ﺩﺭﻫﻢ ﺣﺘﺎ ﻫﻮﻣﺎ ﻋﻠﻢ ﺍﻟﻠﻪ ﺍﺵ ﺩﺍﺯ ﻋﻠﻴﻬﻢ ﺭﺍﻩ ﺍﻟﻈﺮﻭﻑ ﺍﻟﻘﺎﺳﻴﺔ ﻫﻲ ﻟﻲ ﻛﺘﺨﻠﻲ ﺍﻟﺒﻨﺖ ﺗﺘﺨﺬ ﻣﻦ ﺷﺮﻓﻬﺎ ﻣﺸﺮﻭﻉ , ﻣﺎﺑﻐﻴﺘﺶ ﻧﻮﻗﻒ ﻣﻌﺎﻫﻢ ﺑﻌﺪﺕ ﺷﻮﻳﺔ ﻟﻮﺍﺣﺪ ﺍﻟﻘﻨﺖ ﺑﻮﺣﺪﻱ ﻭﻣﺎﺗﺴﻨﻴﺘﺶ ﻭﻗﺖ ﻃﻮﻳﻞ ﺣﺘﺎ ﻭﻗﻒ ﻭﺍﺣﺪ ﺍﻟﺮﺟﻞ ﺑﻄﻮﻣﻮﺑﻴﻞ ﺑﺎﻳﻨﺔ ﻏﺎﻟﻴﺎ ﻭ ﻻﺑﺲ ﻛﻼﺱ ﻏﻤﺰ ﻟﻴﺎ ﻭﺍﻧﺎ ﻧﺤﻨﻲ ﺭﺍﺳﻲ ﺣﺸﻤﺎﻧﺔ ﻭﻳﻤﻜﻦ ﻛﺎﺭﻫﺔ ﻫﺎﺩ ﺍﻟﺤﻴﺎﺓ ﻣﺎﺻﺒﺮﺵ ﺑﺰﺍﻑ ﻭﻧﺰﻝ ﺑﻘﺎ ﻛﻴﺪﻭﻱ ﻣﻌﺎﻳﺎ ﻭﻗﺎﻝ ﺑﻠﻲ ﺑﻐﺎﻧﻲ ﻫﺎﺩ ﺍﻟﻠﻴﻠﺔ ﺭﻛﺒﺖ ﻣﻌﺎﻩ ﺩﺍﻧﻲ ﻟﺪﺍﺭﻭ ﻗﻀﺎ ﻏﺮﺿﻮ ﻭﺍﻟﺼﺒﺎﺡ ﻻﺡ ﻟﻴﺎ 800 ﺩﺭﻫﻢ ﺗﻌﺠﺒﺖ ﻭﻗﺎﻟﻲ ﺑﻠﻲ ﺍﻟﻰ ﺑﻘﻴﺖ ﻣﻌﺎﻩ ﻫﺎﻛﺎ ﻏﻴﺒﺮﻋﻨﻲ ﻣﺰﻳﺎﻥ ﺧﺮﺟﺖ ﻣﻦ ﻋﻨﺪﻭ ﺗﺎﻟﻔﺎ ﻣﻌﻨﺪﻳﺶ ﻓﻴﻦ ﻧﻤﺸﻲ ﺷﺪﻳﺖ ﺍﻭﻃﻴﻞ ﺩﻭﺯﺕ ﻓﻴﻪ ﺍﻟﻨﻬﺎﺭ ﻭﻓﺎﻟﻠﻴﻞ ﺭﺟﻌﺖ ﻟﺒﻼﺻﺘﻲ ﻧﺘﺴﻨﺎ ﻭﺍﺣﺪ ﺍﺧﺮ ﻳﺨﻮﻱ ﻓﻴﺎ ﻭﺳﺦ ﻭﻧﺎﺧﺪ ﻣﻨﻮ ﻭﺳﺦ ﺍﺧﺮ ﻣﺎﺣﺴﻴﺘﺶ ﺑﺮﺍﺳﻲ ﺣﺘﺎ ﻧﺰﻟﺖ ﻋﻠﻴﺎ ﻭﺍﺣﺪ ﺍﻟﺘﺼﺮﻓﻴﻘﺔ ﺩﺧﺖ ﻣﺎﺟﻴﺖ ﻧﺘﻠﻔﺖ ﺣﺘﺎ ﺗﻌﺎﻭﺩﺍﺕ ﺍﺧﺮﻯ ﻭﻛﻨﺴﻤﻊ ﻭﺣﺪﺓ ﻛﺘﻘﻮﻝ ﻟﻴﺎ ﺑﻠﻲ ﺧﺪﻳﺖ ﻟﻴﻬﺎ ﻛﻠﻴﺎﻥ ﺩﻳﺎﻟﻬﺎ ﻭ ﺑﻐﺎﺕ ﻧﻌﻄﻴﻬﺎ ﻓﻠﻮﺱ ﻭﻫﺪﺩﺍﺗﻨﻲ ﺑﺎﺵ ﻧﺨﻮﻱ ﺍﻟﺴﻴﻜﺘﻮﺭ ﺩﻳﺎﻟﻬﺎ ﺍﻧﺎ ﺑﺎﻟﺼﺪﻣﺔ ﺑﻘﻴﺖ ﻏﻴﺮ ﻛﻨﺸﻮﻑ ﻣﺎﺣﻴﺖ ﻧﺒﺮﺩ ﺍﻟﻄﺮﺷﺔ ﻣﺎﺣﻴﺖ ﻧﻔﻬﻢ ﺍﺵ ﻭﻗﻊ ﻭﺑﻼ ﺷﻌﻮﻭﺭ ﻃﺤﺖ ﻧﺒﻜﻲ ﻓﺎﻻﺭﺽ ﻭﻧﺪﺏ ﺯﻫﺮﻱ ﻓﻬﺎﺩ ﺍﻟﺪﻧﻴﺎ ﻗﺮﺑﻮ ﻣﻨﻲ ﺷﻲ ﺑﻨﺎﺕ ﻛﻴﻮﺍﺳﻴﻮ ﻓﻴﺎ ﺩﺍﻭﻧﻲ ﻣﻌﺎﻫﻢ ﻟﺪﺍﺭ ﺣﻜﻴﺖ ﻟﻴﻬﻢ ﻗﺼﺘﻲ ﺑﻘﻴﺖ ﻓﻴﻬﻢ ﺑﺰﺍﻑ ﻭﺧﺎ ﻣﻌﻨﺪﻫﻤﺶ ﺷﺮﻑ ﻭﻟﻜﻦ ﻗﻠﺒﻬﻢ ﺭﺣﻴﻢ ﺍﻛﺜﺮ ﻣﻦ ﺍﻱ ﻭﺣﺪﺓ ﺍﺧﺮﻯ ﺣﻴﺖ ﺟﺮﺑﻮ ﻗﺴﺎﻭﺓ ﺍﻟﺰﻣﺎﻥ ﻣﻬﻢ ﺧﻼﻭﻧﻲ ﻧﺘﺸﺎﺭﻙ ﻣﻌﻬﻢ ﻓﺎﻟﻜﺮﺍ ﺳﻜﻴﻨﺔ 23 ﺳﻨﺔ ﻭ ﺣﺴﻨﺎﺀ 20 ﺳﻨﺔ ﺿﺮﻳﻔﺎﺕ ﺑﺰﺍﺍﻑ ﻭﺣﺘﺎ ﻫﻤﺎ ﻟﻌﺐ ﺑﻬﻢ ﺍﻟﻘﺪﺭ ﻭﺧﻼﻫﻢ ﻳﻜﻮﻧﻮ ﻃﻮﺍﻟﻴﻂ ﻟﻠﺮﺟﺎﻝ ﻛﻤﺎ ﻛﻴﻘﻮﻟﻮ ﻟﻲ . ﺑﻘﻴﺖ ﻣﻌﺎﻫﻢ ﻭﻛﻞ ﻟﻴﻠﺔ ﻛﻨﺨﺮﺟﻮ ﻧﺼﻴﺪﻭ ﻭﻛﻨﺠﻴﺒﻮ ﺑﻴﻦ 3000 ﺣﺘﺎ 7000 ﺩﺭﻫﻢ ﻟﻠﻮﺣﺪﺓ ﻓﺎﻟﻠﻴﻠﺔ ﻛﻨﺨﻠﺼﻮ ﺍﻟﻜﺮﺍ ﻭﺍﻟﻤﺎ ﻭﺍﻟﻀﻮ …. ﻭﻛﻴﺸﻴﻄﻮ ﻟﻴﻨﺎ ﻓﻠﻮﺱ ﻛﻨﺨﺒﻴﻮﻫﻢ ﻛﻞ ﻭﺣﺪﺓ ﻓﻴﻨﺎ ﻛﺘﺤﻠﻢ ﺷﻲ ﻧﻬﺎﺭ ﺩﻳﺮ ﻣﺸﺮﻭﻉ ﺩﻳﺎﻟﻬﺎ ﻭﺗﺰﻭﺝ ﻭﺩﻳﺮ ﻭﻻﺩ ﻭﻟﻜﻦ ﻟﻼﺳﻒ ﻛﺘﺒﻘﻰ ﻣﺠﺮﺩ ﺍﺣﻼﻡ , ﺣﺘﺎ ﺍﻟﻨﺎﺱ ﻛﻴﺸﻮﻓﻮﻧﺎ ﻛﻴﺒﻘﺎﻭ ﻳﺴﺒﻮ ﻓﻴﻨﺎ ﻭﺍﻟﺒﺮﺍﻫﺶ ﺍﻟﺼﻐﺎﺭ ﻛﻴﺘﻼﻫﺎﻭ ﺑﻴﻨﺎ ﻛﻨﺘﻔﻜﺮ ﻭﺍﺣﺪ ﺍﻟﻤﺮﺓ ﻛﻨﺎ ﻭﺍﻗﻔﻴﻦ ﻛﻴﻒ ﻋﺎﺩﺗﻨﺎ ﺣﺘﺎ ﺩﺍﺯﻭ ﺟﻮﺝ ﺑﻨﺎﺕ ﺩﺍﻳﺮﻳﻦ ﺣﺠﺎﺏ ﻳﺎﺣﺼﺮﺍ ﻏﻴﺮ ﻭﺻﻠﻮ ﺣﺪﺍﻧﺎ ﻏﻄﺎﻭ ﻧﻴﻔﻬﻢ ﻭﺑﺪﺍﻭ ﻛﻴﺪﻳﺮﻭ ﻧﻈﺮﺍﺕ ﺍﺣﺘﻘﺎﺭ ﺍﻧﺎ ﻣﺎﺻﺒﺮﺗﺶ ﻭﻛﻨﺖ ﻏﻨﻀﺮﺑﻬﻢ ﻭﻟﻜﻦ ﺳﻜﻴﻨﺔ ﺷﺪﺍﺗﻨﻲ ﻭﻗﺎﻟﺘﻠﻲ “) ﻏﻴﺮ ﺧﻠﻴﻬﺎ ﻟﻮ ﻣﺎﻛﻮﻧﺎﺷﻲ ﺣﻨﺎﻳﺎ ﻛﻨﺘﻲ ﻏﺎﺗﺠﺒﺮ ﻛﻞ ﻟﻴﻠﺔ ﻛﻴﻐﺘﺼﺒﻬﺎ ﻭﺍﺣﺪ ﺧﺎﺻﻬﻢ ﻳﺸﻜﺮﻭﻧﺎ ﺣﻴﺖ ﻛﻨﻠﺒﻴﻮ ﺭﻏﺒﺎﺕ ﺍﻟﺮﺟﺎﻝ ﺑﺎﺵ ﻣﻴﺘﻌﺪﺍﻭﺷﻲ ﻋﻠﻴﻬﻢ (” ﻫﺎﺩ ﺍﻟﻜﻼﻡ ﺑﻘﺎ ﻣﺤﻔﻮﺭ ﻓﻌﻘﻠﻲ ﺑﻴﻨﻤﺎ ﺣﻨﺎ ﺟﺎﻟﺴﻴﻦ ﺻﻮﻧﺎ ﺗﻠﻔﻮﻥ ﺩﻳﺎﻝ ﺳﻜﻴﻨﺔ ﺟﺎﻭﺑﺖ ﻛﺎﻧﺖ ﺍﻟﻘﺮﺷﻴﺔ ﻟﻲ ﺍﺗﺼﻠﺖ ﺑﻬﺎ , ﻫﺎﺩ ﺍﻟﻘﺮﺷﻴﺔ ﻭﺍﺣﺪ ﺍﻟﻤﺮﺍﺓ ﻓﻴﻬﺎ 12 ﺭﺍﺟﻞ ﻋﻨﺪﻫﺎ ﻧﻔﻮﺩ ﻓﺎﻟﺒﻮﻟﻴﺲ ﻭﻳﺪﻫﺎ ﻃﻮﻳﻠﺔ ﻣﻌﺮﻭﻓﺔ ﻓﻄﻨﺠﺔ ﺧﺪﻣﺘﻬﺎ ﻗﻮﺍﺩﺓ ﻳﻌﻨﻲ ﻛﺘﺎﺧﺪ ﻓﻠﻮﺱ ﻣﻦ ﺑﻨﺎﺕ ( ﻗﺤﺎﺏ ) ﺑﺎﺵ ﺿﺒﺮ ﻟﻴﻬﻢ ﻓﻜﻠﻴﺎﻥ ﺷﺎﺑﻊ ﻓﻠﻮﺱ ﻣﻬﻢ ﻃﻠﺒﺎﺕ ﻣﻦ ﺳﻮﻛﺎ ﺑﺎﺵ ﺗﻤﺸﻲ ﻋﻨﺪﻫﺎ ﻭﻃﻠﺒﺎﺕ ﻣﻨﺎ ﻧﻤﺸﻴﻮ ﻣﻌﺎﻫﺎ ﻣﻬﻢ ﺟﺎﺕ ﻃﻮﻣﻮﺑﻴﻞ ﻛﺤﻠﺔ ﻭ ﻓﺨﻤﺔ ﻣﻦ ﻧﻮﻉ ﻟﻲ ﻛﻴﺴﺘﻌﻤﻠﻮﻩ ﻣﻬﻨﺪﺳﻴﻦ ﺻﺎﻓﻲ ﻭﺻﻠﻨﺎ ﻣﻠﻲ ﺷﺎﻓﺘﻨﻲ ﺍﻟﻘﺮﺷﻴﺔ ﻋﺠﺒﺘﻬﺎ ﻭﻗﺎﻟﺖ ﺑﻠﻲ ﻣﻮﺟﺪﺓ ﺷﻲ ﺣﻔﻠﺔ ﻛﺒﻴﺮﺓ ﻟﺮﺍﺱ ﺍﻟﻌﺎﻡ ﻏﻴﻜﻮﻧﻮ ﻓﻴﻬﺎ ﺭﺟﺎﻝ ﺍﻋﻤﺎﻝ ﻣﻦ ﺍﻟﺨﻠﻴﺞ ﻭﺍﻟﻤﻐﺮﺏ ﺍﻟﻌﺮﺑﻲ … ﻭﺳﻮﻻﺗﻨﺎ ﻭﺍﺵ ﻧﺒﻐﻴﻮ ﻧﻜﻮﻧﻮ ﻓﺎﻟﺒﻼﺻﺔ ﻭﺍﻓﻘﺖ ﺳﻮﻛﺎ ﺑﺼﺮﺍﺣﺔ ﻫﺎﺩ ﺍﻟﻘﺮﺷﻴﺔ ﻧﻔﻮﺩ ﺩﻳﺎﻟﻬﺎ ﻛﺒﻴﺮ ﺑﺰﺍﻑ ﻭ ﻛﻠﻤﺘﻬﺎ ﻣﺴﻤﻮﻋﺔ ﻭﻛﻴﻘﻮﻟﻮ ﻛﺘﺎﺟﺮ ﺣﺘﺎ ﻓﺎﻟﻤﺨﺪﺭﺍﺕ ﻣﻬﻢ ﺻﻴﻔﻄﺎﺗﻨﻲ ﻟﻮﺍﺣﺪ ﺍﻟﺼﺎﻟﺔ ﻛﺎﻳﻨﺔ ﺗﺤﺖ ﺍﻟﺪﺍﺭ ﺑﺎﺵ ﻧﺘﻌﻠﻢ ﺍﻟﺮﻗﺺ ﺍﻟﺸﺮﻗﻲ ﻭﺍﻟﻐﺠﺮﻱ ﺩﺍﻛﺸﻲ ﻟﻲ ﻛﺎﻥ ﺩﻭﺯﻧﺎ ﺷﻲ ﺍﺳﺒﻮﻉ ﺗﻌﻠﻤﺖ ﻭ ﻭﺟﺪﻭﻧﺎ ﻣﺰﻳﺎﻥ ﻻ ﻣﻦ ﻧﺎﺣﻴﺔ ﺍﻟﻠﺒﺎﺱ ﻭﻻ ﺍﻟﺘﻌﺎﻣﻞ ﻭﻻ ﺍﻟﻜﻼﻡ … ﺍﻭﻝ ﻣﺮﺓ ﻧﺸﻮﻑ ﺻﺤﺎﺑﺎﺗﻲ ﻓﺮﺣﺎﻧﺎﺕ ﺑﺤﺎﻝ ﻫﺎﻛﺎ ﻣﻠﻲ ﺳﻮﻟﺘﻬﻢ ﻗﺎﻟﻮ ﺑﻠﻲ ﺩﻳﻚ ﺍﻟﻠﻴﻠﺔ ﻫﻲ ﻟﻲ ﻏﺘﺒﺪﻝ ﺣﻴﺎﺗﻬﻢ ﻭﻏﺘﺨﻠﻴﻬﻢ ﻳﻌﻴﺸﻮ ﺑﺤﺎﻝ ﺟﻤﻴﻊ ﺍﻟﺒﻨﺎﺕ ﺣﻴﺖ ﻏﺎﻳﺤﺎﻭﻟﻮ ﻳﻀﺒﺮﻭ ﻋﻠﻰ ﺷﻲ ﺭﺍﺟﻞ ﻟﻠﺰﻭﺍﺝ ﻭﻳﻜﻮﻥ ﻓﻠﻮﻭﻭﺱ ﺍﻧﺎ ﻣﺎﺩﻳﺘﺶ ﻋﻠﻴﻬﻢ ﻭﺑﺪﻳﺖ ﻛﻨﻔﻜﺮ ﻋﺎﻡ ﺩﺍﺯ ﺗﻐﻴﺮﺍﺕ ﺣﻴﺎﺗﻲ ﺑﺰﺍﻑ ﻋﺸﺖ ﻓﻴﻪ ﺍﻳﺎﻡ ﺳﻮﺩﺍﺀ ﻭﻫﺎ ﻋﺎﻡ ﺍﺧﺮ ﺟﺎﻱ ﻋﻠﻢ ﺍﻟﻠﻪ ﺍﺵ ﻣﺨﺒﻲ ﺑﺪﻳﺖ ﻛﻨﺤﺎﻭﻝ ﻧﺮﺳﻢ ﺍﺣﻼﻡ ﻧﺤﻘﻘﻬﺎ ﻑ 2016 ﻭﻟﻜﻦ ﺧﻴﺎﻟﻲ ﻣﺎﺑﻘﺎﺵ ﻗﺎﺩﺭ ﻳﺼﻨﻊ ﺍﺣﻼﻡ ﻛﻠﻤﺎ ﻛﻨﻐﻤﺾ ﻋﻴﻨﻲ ﻛﻨﺸﻮﻑ ﻏﻴﺮ ﺍﻟﻤﻌﺎﻧﺎﺓ , ﻭﺻﻼﺕ ﺍﻟﺤﻔﻠﺔ ﻓﺼﺒﺎﺡ ﺟﺎﻭ ﻣﻮﺭﺍﻧﺎ ﺑﻄﻮﻣﻮﺑﻴﻞ ﻛﺘﻬﺒﻞ ﺯﻭﻳﻨﺔ ﻭ ﺑﻴﻀﺔ ﻟﻮﻧﻬﺎ ﻛﻴﺨﻄﻒ ﺍﻟﻌﻴﻦ ﻣﺎﻋﻤﺮﻱ ﻛﻨﺖ ﻧﺤﻠﻢ ﻧﺮﻛﺐ ﻓﻴﻬﺎ ﺩﺍﻭﻧﺎ ﻟﺪﺍﺭ ﺍﻟﻘﺮﺷﻴﺔ ﻟﺒﺴﻮﻧﺎ ﺩﺍﺭﻭ ﻟﻴﻨﺎ ﻣﺎﻛﻴﺎﺝ ﻭﻗﺎﺩﻭﻧﺎ ﺍﻣﺎ ﺍﻟﻘﺮﺷﻴﺔ ﻋﻄﻴﻨﺎﻫﺎ 5 ﺩ ﺍﻟﻤﻠﻴﻮﻥ ﻟﻠﻮﺣﺪﺓ ﺗﺬﻛﺮﺓ ﺩﻳﺎﻝ ﺍﻟﺤﻔﻠﺔ ﻣﻦ ﺑﻌﺪ ﻣﺎﻟﺒﺴﻮﻧﺎ ﺟﺎﺑﻮ ﻃﻮﻣﻮﺑﻴﻞ ﺍﺧﺮﻯ ﻟﻴﻤﻮﺯﻳﻦ ﻭ ﻭﺻﻠﻮﻧﺎ ﻟﻠﻔﻴﻼ ﻟﻲ ﻏﺘﻜﻮﻥ ﻓﻴﻬﺎ ﺍﻟﺴﻬﺮﺓ ﻣﻠﻲ ﻭﺻﻠﻨﺎ ﺗﻌﺠﺒﺖ ﺑﺎﻟﻤﻨﻈﺮ ﻟﻲ ﺷﻔﺖ ﻓﻴﻼ ﻣﺎﻋﻨﺪﻫﺎﺵ ﻧﻬﺎﻳﺔ ﻛﺒﻴﺮﺓ ﺑﺰﺍﻑ ﻭﻃﻮﻣﻮﺑﻴﻼﺕ ﺍﺧﺮ ﻣﻮﺩﻳﻞ ﻭﺭﺟﺎﻝ ﻻﺑﺴﻴﻦ ﺍﻟﻜﻼﺹ ﻭﻏﺎﺩﻳﻴﻦ ﺑﺎﻟﻨﺨﻮﺓ ﻫﺎﺩﺷﻲ ﻏﻴﺮ ﻓﺎﻟﺒﺎﺏ ﻣﻠﻲ ﺩﺧﻠﻨﺎ ﻟﻘﻴﻨﺎ ﻻﺑﻴﺴﻴﻦ ﻗﺪﺍﺵ ﻭﺍﻟﺸﻤﻊ ﺩﺍﻳﺮ ﺑﺎﻟﺠﺮﺩﺓ ﻭ ﺍﻭﺭﻛﺴﺘﺮﺍ ﺩﺍﻛﺸﻲ ﺭﺍﻗﻲ ﻭﺍﻟﻌﺠﻴﺐ ﺍﻥ ﺍﻟﺒﻨﺎﺕ ﺩﺑﺎﻝ ﺍﻟﻘﺮﺷﻴﺔ ﻛﻠﻬﻢ ﺗﻤﺎ ﻛﺎﻳﺘﺴﺎﺑﻘﻮ ﻋﻠﻰ ﺍﻟﻤﺪﻋﻮﻳﻦ ﻭﻛﻞ ﻭﺣﺪﺓ ﻛﺘﻌﻮﺝ ﻓﺸﻜﻞ ﻋﺎﻟﻠﻪ ﻳﺸﻮﻓﻬﺎ ﺷﻲ ﺣﺪ ﻭﻳﺘﺰﻋﻂ ﻓﻴﻬﺎ , ﺗﻔﺮﻗﻨﺎ ﻭﻛﻞ ﻭﺣﺪﺓ ﺑﺪﺍﺕ ﺗﻘﻠﺐ ﻋﻠﻰ ﻓﺮﻳﺴﺘﻬﺎ ﻭﺍﻧﺎ ﺑﻄﺒﻌﻲ ﻣﺎﺷﻲ ﺯﻋﻴﻤﺔ ﺩﺧﻠﺖ ﻟﻠﺼﺎﻟﻮﻥ ﺗﻠﻔﺖ ﻭﺍﻧﺪﻫﺸﺖ ﻏﻴﺮ ﺭﺟﺎﻝ ﺍﻻﻋﻤﺎﻝ ﻭﺍﻟﻨﺎﺱ ﺍﻟﺮﺍﻗﻴﺔ ﻫﺎ ﻟﻲ ﺟﺎﻳﺐ ﻣﺮﺍﺗﻮ ﻫﺎﻟﻲ ﺟﺎﻳﺐ ﺍﻟﺴﻜﺮﺗﻴﺮﺓ ﻫﺎﻟﻲ ﺟﺎﻳﺐ ﺻﺎﺣﺒﺘﻮ … ﺗﻠﻔﺖ ﻣﻮﺭﺍﻳﺎ ﺑﺎﻧﺖ ﻟﻴﺎ ﺍﻟﻘﺮﺷﻴﺔ ﺟﺎﻟﺴﺔ ﻓﻮﺍﺣﺪ ﺍﻟﻜﺮﺳﻲ ﻣﻊ ﺷﻲ ﺭﺍﺟﻞ ﺑﺎﻳﻨﺔ ﻓﻴﻪ ﻋﻨﺪﻭ ﺷﻲ ﻣﻨﺼﺐ ﻛﺒﻴﺮ ﺷﺎﺩ ﻓﻴﺪﻳﻪ ﺳﻴﻜﺎﺭ ﻭﻧﺎﻓﺦ ﺣﻨﺎﻛﻮ ﻭﻫﻲ ﻛﺘﺮﺍﻗﺐ ﺑﻌﻴﻨﻴﻬﺎ ﺍﻟﻐﺎﺩﻱ ﻭﺍﻟﺠﺎﻱ … ﺑﺪﺍﺕ ﺍﻟﻤﻮﺳﻴﻘﻰ ﺩﺍﻛﺸﻲ ﻛﻼﺳﻴﻜﻲ ﻭﺍﻟﺴﺮﺑﺎﻳﺔ ﻛﻴﺪﻭﺭﻭ ﺑﺤﺎﻝ ﺍﻟﻤﺎﻛﻴﻨﺔ ﻣﻜﻴﻮﻗﻔﻮﺵ ﺑﺪﻳﺖ ﻧﺘﻠﻔﺖ ﻳﻤﻴﻦ ﻭﺷﻤﺎﻝ ﻭﺍﺵ ﺗﺒﺎﻥ ﻟﻴﺎ ﺳﻮﻛﺎ ﻭﻻ ﺣﺴﻨﺎ ﻣﺎﻟﻘﻴﺘﻬﻤﺶ ﻭﻏﻴﺮ ﻗﺸﻌﺎﺗﻨﻲ ﺍﻟﻘﺮﺷﻴﺔ ﺻﻴﻔﻄﺎﺕ ﻣﻮﺭﺍﻳﺎ ﺳﺮﺑﺎﻱ ﻳﻘﻮﻝ ﻧﻮﺟﺪ ﺭﺍﺳﻲ ﺑﺎﺵ ﻧﻄﻠﻊ ﻧﺸﻄﺢ ﻣﺸﻴﺖ ﻟﻠﻐﺮﻓﺔ ﺑﺪﻟﺖ ﺣﻮﺍﻳﺠﻲ ﺟﺎﺕ ﻧﻮﺑﺘﻨﺎ ﺣﻨﺎ 7 ﺩﺍﻟﻔﺮﻕ ﻭﻛﻞ ﻓﺮﻗﺔ ﻣﺨﺘﺼﺔ ﻓﻨﻮﻉ ﻭﺍﻧﺎ ﺍﻟﻔﺮﻗﺔ ﻟﻲ ﻛﻨﺖ ﻓﻴﻬﺎ 5 ﺑﻴﻨﺎ ﻛﻨﺪﻳﺮﻭ ﺭﻗﺺ ﺷﺮﻗﻲ ﻭﺑﻤﺠﺮﺩ ﻣﺎﺑﺪﺍﺕ ﺍﻟﻤﻮﺳﻴﻘﻰ ﺑﺪﺍﻭ ﺍﻟﻔﻠﻮﺱ ﻛﻴﺘﺸﻴﺮﻭ ﻋﻠﻴﻨﺎ ﻭﻧﻈﺮﺍﺕ ﺍﻟﺤﺎﺿﺮﻳﻦ ﻣﻜﺘﺤﻴﺪﺵ ﺳﺎﻟﻴﻨﺎ ﻭﺧﺮﺟﻨﺎ ﻟﻠﻐﺮﻓﺔ ﺧﺪﻳﺖ ﺩﻭﺵ ﻭﻟﺒﺴﺖ ﺣﻮﺍﻳﺞ ﺍﺧﺮﻳﻦ ﺑﺎﻗﺎ ﻛﻨﺸﻒ ﻓﺸﻌﺮﻱ ﺣﺘﺎ ﺩﺧﻞ ﻋﻠﻴﺎ ﻭﺍﺣﺪ ﻛﻴﺒﺎﻥ ﻛﺒﻴﺮ ﻓﺎﻟﻌﻤﺮ ﻏﻴﺮ ﺩﺧﻞ ﻗﺎﻟﻴﺎ ﻟﻴﻠﻰ ﻛﻨﺘﻲ ﻫﺎﺋﻠﺔ ﻗﺒﻴﻠﺔ ﺳﻮﻟﺘﻮ ﻣﻨﻴﻦ ﻋﺮﻑ ﺳﻤﻴﺘﻲ ﺟﺎﻭﺑﻨﻲ ﺑﻠﻲ ﻫﻮ ﺣﺘﺎ ﺣﺎﺟﺔ ﻣﻜﺘﺨﻔﺎ ﻋﻠﻴﻪ , ﻫﻮ ﻛﻴﺒﺎﻥ ﻣﺤﺘﺮﻡ ﻭﻋﺎﻃﻲ ﺍﻟﻌﻴﻦ ﺑﺪﻳﺖ ﻛﻨﺤﺎﻭﻝ ﻧﺘﻌﺮﻑ ﻋﻠﻴﻪ ﻗﺎﻟﻲ ﺳﻤﻴﺘﻮ ﺍﻣﺠﺪ ﻣﻦ ﺗﻮﻧﺲ ﻭﻛﻴﻤﻠﻚ ﺷﺮﻛﺔ ﺩﻳﺎﻝ ﺍﻻﺗﺼﺎﻻﺕ ﻓﺮﻭﺳﻴﺎ ﻭﻋﻨﺪﻭ ﺷﺮﻛﺔ ﺩﻳﺎﻝ ﺗﺼﺪﻳﺮ ﺍﻟﻤﻮﺍﺩ ﺍﻟﻐﺬﺍﺋﻴﺔ ﻓﺎﻻﻣﺎﺭﺍﺕ … ﺍﻧﺎ ﻋﺮﻓﺘﻮ ﺑﺮﺍﺳﻲ ﻭﻣﺎﺣﻜﻴﺘﺶ ﻟﻴﻪ ﻋﻠﻰ ﻋﺎﺋﻠﺘﻲ ﺑﻘﻴﻨﺎ ﻛﻨﻬﻀﺮﻭ ﺍﻟﻠﻴﻞ ﻛﺎﻣﻞ ﻣﻠﻲ ﻗﺮﺑﺎﺕ 12 ﺩﻟﻴﻞ ﺧﺮﺟﻨﺎ ﻟﻠﺠﺮﺩﺓ ﻛﻮﻟﻨﺎ ﻭﺟﺎﺑﻮ ﺣﻠﻮﺓ ﻛﺒﻴﺮﺓ ﺑﺰﺍﻑ ﻳﻤﻜﻦ ﻓﻴﻬﺎ ﺷﻲ 3 ﻣﺘﺮ ﺗﻘﺮﻳﺒﺎ ﻓﺎﻟﻄﻮﻝ ﻭﻣﻜﺘﻮﺑﺔ ﻋﻠﻴﻬﺎ 2016 ﺑﺪﺍﻭ ﺍﻟﺸﻬﺐ ﺍﻟﻨﺎﺭﻳﺔ ﻭﻛﻮﻟﺸﻲ ﻛﻴﻐﻮﺕ ﺣﺘﺎ ﺩﺧﻞ ﺍﻟﻌﺎﻡ ﺍﻟﺠﺪﻳﺪ ﻋﺎﻡ ﻣﻌﺮﻓﺘﺶ ﺍﺷﻨﻮ ﻣﺨﺒﻲ ﻟﻴﺎ ﻭﺍﺵ ﻏﺘﻜﻤﻞ ﺍﻟﻤﻌﺎﻧﺎﺓ ﺩﻳﺎﻟﻲ ﻭﻻ ﻏﻨﺒﺪﺍ ﻣﻦ ﺟﺪﻳﺪ ﻓﺎﻟﻤﺸﺎﻛﻞ … ﺳﺎﻻﺕ ﺍﻟﺤﻔﻠﺔ ﺭﺟﻌﻨﺎ ﻟﻠﺪﺍﺭ ﻭﺣﻨﺎ ﻣﻬﻠﻮﻛﻴﻦ ﻧﻌﺴﻨﺎ ﺑﺰﺍﺍﻑ ﻣﻠﻲ ﻓﻘﻨﺎ ﺑﺪﻳﻨﺎ ﻛﻨﻌﺎﻭﺩﻭ ﻟﺒﻌﻀﻴﺎﺗﻨﺎ ﻭﻛﻨﺘﺒﺎﻫﺎﻭ ﺑﺮﻳﻮﺳﻨﺎ ﻋﺎﻭﺩﺕ ﻋﻠﻰ ﺍﻣﺠﺪ ﻭﺷﺠﻌﻮﻧﻲ ﺑﺎﺵ ﻧﻠﺼﻖ ﻓﻴﻪ ﺍﻣﺎ ﺳﻮﻛﺎ ﺗﻌﺮﻓﺖ ﻋﻠﻰ ﻣﻐﺮﺑﻲ ﺳﺎﻛﻦ ﻓﺎﻟﺨﺎﺭﺝ ﻭﺣﺴﻨﺎ ﻟﻘﺎﺕ ﻭﻛﻴﻞ ﺳﻴﺎﺣﻲ ﻣﻦ ﻣﺼﺮ , ﺍﻧﺎ ﺷﻔﺖ ﻓﻌﻴﻨﻬﻢ ﺍﻟﻔﺮﺣﺔ ﻟﻲ ﻋﻠﻢ ﺍﻟﻠﻪ ﻣﻦ ﺍﻳﻤﺘﺎ ﻣﺎﺣﺴﻮ ﺑﻴﻬﺎ . ﺩﺍﺯﺕ ﻳﻮﻣﻴﻦ ﻭﻫﻮ ﻳﺘﺼﻞ ﺑﻴﺎ ﺍﻣﺠﺪ ﺗﻼﻗﻴﻨﺎ ﺑﻘﻴﻨﺎ ﻛﻨﻬﻀﺮﻭ ﺣﺘﺎ ﺟﺒﺪ ﺧﺎﺗﻢ ﻭﻃﻠﺐ ﻣﻨﻲ ﻧﺘﺰﻭﺝ ﺑﻴﻪ ﺍﻧﺎ ﻣﺎﺗﻴﻘﺘﺶ ﺍﻧﺪﻫﺸﺖ ﻭﻟﻜﻦ ﻣﻦ ﺑﻌﺪ ﻓﻬﻤﺖ ﺑﻠﻲ ﻫﻮ ﺯﻭﺍﺝ ﻋﺮﻓﻲ ﻳﻌﻨﻲ ﺯﻭﺍﺝ ﺳﺮﻱ ﻟﻠﻤﺘﻌﺔ ﻭﺧﺎ ﻫﺎﻛﺎﻙ ﻭﺍﻓﻘﺖ ﻗﺎﻟﻲ ﺑﻠﻲ ﻫﻮ ﻏﻴﺘﻜﻠﻒ ﺑﺎﻟﻮﺭﺍﻕ ﺧﺒﺮﺕ ﺍﻟﺒﻨﺎﺕ ﻓﺮﺣﻮ ﻟﻴﺎ ﺑﺰﺍﻑ ﻭﻗﺎﻟﻮ ﺍﺧﻴﺮﺍ ﻏﻨﺘﻬﻨﺎ ﻣﻦ ﺍﻟﻤﺸﺎﻛﻞ ﻭﻧﻌﻴﺶ ﺣﻴﺎﺓ ﺳﻌﻴﺪﺓ ﺟﻤﻌﺖ ﺣﻮﺍﻳﺠﻲ ﻭﻓﻠﻮﺳﻲ ﻟﻲ ﻛﻨﺖ ﺟﺎﻣﻌﺔ ﺻﺎﻓﻲ ﺍﻧﺘﻘﻠﺖ ﻟﻠﻔﻴﻼ ﺩﻳﺎﻟﻮ ﺩﻭﺯﻧﺎ ﺳﻴﻤﺎﻧﺔ ﻣﻊ ﺑﻌﻀﻴﺎﺗﻨﺎ ﻓﺮﺣﺖ ﻓﻴﻬﺎ ﺑﺰﺍﻑ ﻭﻛﺎﻧﺖ ﺍﻭﻝ ﻣﺮﺓ ﻏﻴﻘﺮﺏ ﻟﻴﺎ ﺷﻲ ﺭﺍﺟﻞ ﺑﺼﻔﺔ ﻗﺎﻧﻮﻧﻴﺔ ﺣﺴﻴﺖ ﺑﺤﺎﻝ ﺍﻟﻰ ﻣﺤﺎ ﺍﻟﻤﺎﺿﻲ ﺩﻳﺎﻟﻲ ﻛﺎﻣﻞ ﻭﻟﻜﻦ ﺍﻟﻔﺮﺣﺔ ﻣﺎ ﻛﺪﻭﻣﺶ ﻣﻬﻢ ﻭﺍﺣﺪ ﺍﻟﺼﺒﺎﺡ ﺟﺎﺏ ﺻﺎﻙ ﺻﻐﻴﺮ ﻋﺎﻣﺮ ﻓﻠﻮﺱ ﻭﻗﺎﻟﻴﺎ ﻫﺎﺩﻱ 20 ﻣﻠﻴﻮﻥ ﺳﻮﻟﺘﻮ ﺩﻳﺎﻻﺵ ﻗﺎﻟﻴﺎ ﺍﻟﻤﺼﺮﻭﻑ ﺍﺳﺘﻐﺮﺑﺖ ﻭﻛﻤﻞ ﻭﻗﺎﻝ ﺑﻠﻲ ﻏﺎﺩﻱ ﻳﺴﺎﻓﺮ ﻭﺍﺣﺪ ﺍﻻﺳﺒﻮﻉ ﺑﺴﺒﺐ ﺍﻟﻌﻤﻞ ﻭﺑﺼﺮﺍﺣﺔ ﺟﺎﻧﻲ ﺷﻚ ﺣﻴﺖ 20 ﻣﻠﻴﻮﻥ ﺑﺰﺍﻑ ﻋﻠﻰ ﻣﺼﺮﻭﻑ ﺩﻳﺎﻝ ﺍﺳﺒﻮﻉ ﻭﺧﺎ ﻫﺎﻛﺎﻙ ﺳﻠﻤﺖ ﺍﻣﺮﻱ ﻟﻠﻪ ﻭﺻﻠﺘﻮ ﻟﻠﻤﻄﺎﺭ ﺳﻠﻤﺖ ﻋﻠﻴﻪ ﻭﻗﺎﻝ ﺑﻠﻲ ﻏﻴﺘﺼﻞ ﺑﻴﺎ ﻳﻮﻣﻴﺎ ﺑﻌﺪ ﺛﻼﺛﺔ ﺍﻳﺎﻡ ﻣﺎﺗﺎﺻﻠﺶ ﺳﻤﻌﺖ ﺻﻮﻧﻲ ﺧﺮﺟﺖ ﻧﺤﻞ ﺍﻟﺒﺎﺏ ﺣﻴﺖ ﻣﻌﻨﺪﻳﺶ ﺧﺪﺍﻣﺔ ﻣﻠﻲ ﺣﻠﻴﺖ ﻛﻨﺸﻮﻑ ﺑﻮﻟﻴﺲ ﻣﻊ ﻭﺍﺣﺪ ﺍﻟﺮﺍﺟﻞ ﻏﺮﻳﺐ ﻛﻴﻨﻌﺖ ﻟﻴﺎ ﻭﻛﻴﻘﻮﻝ ﻫﺎﻫﻲ ﻟﻲ ﻫﺠﻤﺎﺕ ﻋﻠﻰ ﺍﻟﻔﻴﻼ ﺩﻳﺎﻟﻲ ﻣﻌﺮﻓﺘﺶ ﺑﺎﺵ ﺗﺒﻠﻴﺖ ﻋﺮﻓﺖ ﺑﻠﻲ ﻃﻴﺤﺖ ﺭﺍﺳﻲ ﻓﻤﺸﻜﻠﺔ ﻛﺒﻴﺮﺓ ﻣﻬﻢ ﺩﺧﻠﻮ ﺍﻟﺒﻮﻟﻴﺲ ﺑﺪﺍﻭ ﻛﻔﺘﺸﻮ ﻓﺎﻟﻔﻴﻼ ﻣﻠﻲ ﺳﻼﻭ ﻗﺎﻟﻮ ﻟﻴﺎ ﻫﺎﺩ ﺍﻟﻔﻴﻼ ﺗﺒﺎﻋﺖ ﻭﺧﺎﺻﻨﻲ ﻧﺨﺮﺝ ﻣﻨﻬﺎ ﺍﻟﻴﻮﻡ ﻭﺍﻟﻰ ﻏﻨﻤﺸﻲ ﺍﻟﺤﺒﺲ , ﺍﺻﻼ ﻛﻨﺖ ﻋﺎﺭﻓﺔ ﺷﻲ ﺣﺎﺟﺔ ﻏﺘﻮﻗﻊ ﻛﻨﺖ ﺣﺎﺳﺔ ﻣﺸﻴﺖ ﻟﺒﻴﺘﻲ ﺟﻤﻌﺖ ﺣﻮﺍﻳﺠﻲ ﻗﻠﺒﺖ ﻋﻠﻰ ﺻﺎﻙ ﺩﻳﺎﻝ ﺍﻟﻔﻠﻮﺱ ﻟﻲ ﺧﻼ ﻟﻴﺎ ﺍﻣﺠﺪ ﻣﺎﻟﻘﻴﺘﻮﺵ ﻭﺣﺘﺎ ﺩﻫﺒﻲ ﻭ ﺍﻟﻤﺠﻮﻫﺮﺍﺕ ﺩﻳﺎﻟﻲ ﻭﺍﻟﻔﻠﻮﺱ ﻟﻲ ﺟﺒﺖ ﻣﻌﻴﺎ ﺣﺘﺎ ﺣﺎﺟﺔ ﻣﺎﻛﺎﻳﻨﺔ ﺳﺨﻔﺖ ﺑﻘﻴﺖ ﺷﺤﺎﻝ ﻋﺎﺩ ﻓﻘﺖ ﻭﻋﺮﻓﺖ ﺑﻠﻲ ﺍﻟﺒﻮﻟﻴﺲ ﻫﻮﻣﺎ ﻟﻲ ﺧﺪﺍﻭﻫﻢ ﺍﻭ ﺳﺮﻗﻮﻫﻢ , ﻣﺸﻴﺖ ﻟﻠﻜﻮﻣﻴﺴﺎﺭﻳﺔ ﻭﻗﻠﺘﻬﺎ ﻟﻴﻬﻢ ﻭﻟﻜﻦ ﻧﻜﺮﻭ ﻭﻗﺎﻟﻮ ﻫﻮﻣﺎ ﺍﺻﻼ ﺑﻘﺎﻭ ﻭﺍﻗﻔﻴﻦ ﻓﺎﻟﺒﺎﺏ ,., ﻋﻼﺍﺍﺍﺍﺍﺵ ﻳﺎﺭﺑﻲ ﺍﻟﺤﺒﻴﻴﻴﺐ ﻛﻴﻮﻗﻊ ﻟﻴﺎ ﺑﺤﺎﻝ ﻫﺎﻛﺎ ﻋﻼﺍﺍﺍﺍﺍﺍﺍﺍﺵ !!!!! ﻣﻦ ﺑﻌﺪ ﻋﺮﻓﺖ ﺑﻠﻲ ﺍﻣﺠﺪ ﻣﺎﺩﺍﺭﺵ ﺍﺟﺮﺍﺀﺍﺕ ﺍﻟﺰﻭﺍﺝ ﻭﺑﻠﻲ ﻛﻨﺖ ﻋﺎﻳﺸﺔ ﻣﻌﺎﻩ ﻓﺎﻟﺤﺮﺍﻡ ﻭﺧﺎ ﺍﻧﺎ ﻛﻮﻟﻲ ﺣﺮﺍﻡ , ﺍﻱ ﻭﺣﺪﺓ ﻓﺒﻼﺻﺘﻲ ﻏﺘﻨﺘﺎﺣﺮ ﻭﻟﻜﻦ ﺍﻧﺎ ﻣﺎﻧﺴﺘﺎﻫﻠﺶ ﺍﻧﺎ ﻣﺨﻠﻮﻗﺔ ﺑﺎﺵ ﻧﺘﻌﺪﺏ ﻛﻞ ﻭﺍﺣﺪ ﻣﺨﻠﻮﻕ ﻣﻦ ﺍﺟﻞ ﻫﺪﻑ ﻭﺍﻧﺎ ﻫﺎﺩﺍ ﻫﻮ ﻫﺪﻓﻲ ﺍﻧﻲ ﻧﺘﻌﺪﺏ ﺍﻟﺤﻴﺎﺓ ﻛﺎﻧﺖ ﻗﺎﺳﻴﺔ ﻣﻌﺎﻳﺎ ﻣﻦ ﺻﻐﺮﻱ , ﻣﺸﻴﺖ ﻟﺪﺍﺭ ﺍﻟﺒﻨﺎﺕ ﻟﻘﻴﺘﻬﻢ ﻣﺸﺎﻭ ﻣﻦ ﺗﻤﺎ ﻭﺣﺘﺎ ﺍﻟﻘﺮﺷﻴﺔ ﻣﻜﻨﻌﺮﻓﺶ ﺩﺍﺭﻫﺎ ﺣﻴﺖ ﻛﻨﺎ ﻛﺎﻧﻤﺸﻴﻮ ﻓﻄﻮﻣﻮﺑﻴﻞ ﺣﻴﺎﺍﺍﺗﻲ ﺯﺍﺩﺕ ﺗﺤﻄﻤﺖ ﺍﺷﻨﻮ ﻏﻨﺪﻳﺮ ﺩﺍﺑﺎ !!! ﺷﻜﻮﻥ ﻏﻴﺘﺰﻭﺟﻨﻲ ﻣﻦ ﺑﻌﺪ ﻣﺎ ﺧﻮﻳﺎ ﺍﻏﺘﺼﺒﻨﻲ ﻭﻳﻌﺮﻑ ﺑﻠﻲ ﻣﻲ ﻗﺤﺒﺔ ﺑﺤﺎﻟﻲ ???? ﺷﻜﻮﻥ ﻏﻴﺘﺰﻭﺟﻨﻲ !!!!! ﺣﺘﺎ ﺍﻟﻰ ﻋﺸﺖ ﻓﺸﻲ ﺩﺍﺭ ﺑﻮﺣﺪﻱ ﺑﺎﻳﺮﺓ ﻭﺍﺵ ﺍﻟﻨﺎﺱ ﻏﻴﻘﻴﻠﻮﻧﻲ ﻣﻦ ﻧﻈﺮﺍﺗﻬﻢ ﺍﻟﻨﺎﻗﺼﺔ ﻭﻏﻴﺒﺪﺍﻭ ﻳﺄﻟﻔﻮ ﻋﻠﻴﺎ ﻓﺎﻟﻘﺼﺺ ﻭﺍﻟﺮﻭﺍﻳﺎﺕ ﻟﻲ ﻛﺎﻳﻨﺔ ﻭﻟﻲ ﻣﺎﻛﻴﻨﺎﺵ !!! ﻓﻜﺮﺕ ﺍﻧﻲ ﻧﺪﻳﺮ ﻋﻤﻠﻴﺔ ﺑﺎﺵ ﻧﺮﺟﻊ ﻏﺸﺎﺀ ﺑﻜﺮﺓ ﻛﻤﺎ ﻛﺎﻥ ﻣﺸﻴﺖ ﻋﻨﺪ ﺍﻟﻄﺒﻴﺐ ﻃﻠﺐ ﻣﻨﻲ ﻓﻠﻮﺱ ﻛﺘﻴﺮﺓ 5000 ﺩﺭﻫﻢ ﺣﻴﺖ ﻫﻮ ﺧﺪﺍﻡ ﻏﻴﺮ ﻗﺎﻧﻮﻧﻲ ﻭﺍﻧﺎ ﻣﺎﻋﻨﺪﻱ ﺣﺘﺎ ﺭﻳﺎﻝ ﻣﻦ ﺑﻌﺪ ﺍﻗﺘﺎﺭﺡ ﻋﻠﻴﺎ ﺑﺎﺵ ﻳﻨﻌﺲ ﻣﻌﺎﻳﺎ ﻭﻳﺪﻳﺮ ﻟﻴﺎ ﺗﺨﻔﻴﺾ 1000 ﺩﺭﻫﻢ ﻣﻦ ﺣﻘﻮ ﻳﻄﻠﺒﻬﺎ ﺣﻴﺖ ﺍﻧﺎ ﺭﺧﻴﺼﺔ ﻓﻨﻈﺮﻭ ﻳﺎﺣﺴﺮﺓ ﻃﺒﻴﺐ ﺧﺎﺻﻮ ﻳﻜﻮﻥ ﺍﻣﻴﻦ ﻓﺨﺪﻣﺘﻮ ﻭﻟﻜﻦ ﻛﻴﺒﺎﻥ ﻻ ﺍﻣﺎﻥ ﻓﺪﻧﻴﺎ , ﺧﺮﺟﺖ ﻣﻦ ﻋﻨﺪﻭ ﻣﺤﻄﻤﺔ ﻭﻛﻞ ﺍﻻﻣﻞ ﻃﻔﺎ ﺷﻜﻮﻥ ﻫﺎﺩﺍ ﻟﻲ ﻳﺘﺰﻭﺝ ﻭﺣﺪﺓ ﺗﺎﺭﻳﺨﻬﺎ ﻛﺤﻞ ﻭﺣﺘﺎ ﺍﻟﻰ ﻟﻘﻴﺘﻮ ﻏﺘﺒﻘﻰ ﻋﻨﺪﻭ ﻧﻈﺮﺓ ﺧﺎﻳﺒﺔ ﻋﻠﻴﺎ ﻭﻏﻴﺒﻘﺎ ﻳﻌﺎﻳﺮﻧﻲ ﺑﻬﺎ ﻃﻮﻝ ﺣﻴﺎﺗﻲ , ﺑﻘﻴﺖ ﻛﻨﺪﻭﺭ ﻓﺎﻟﺰﻧﻘﺔ ﺣﺘﺎ ﺗﻼﻗﻴﺖ ﺑﻮﺍﺣﺪ ﺍﻟﻤﺮﺃﺓ ﻗﺒﻠﺖ ﺗﺨﺪﻣﻨﻲ ﻣﻌﺎﻫﺎ ﻛﺪﻳﺮ ﺍﻟﻤﻴﻨﺎﺝ ﻓﺎﻟﻘﻬﺎﻭﻱ ﻭﺍﻟﺮﻳﺴﻄﻮﺭﺍﺕ ﻭﺳﻜﻨﺎﺗﻨﻲ ﻣﻌﻬﺎ ﻣﺆﻗﺘﺎ ﺷﺤﺎﻝ ﻣﻦ ﻣﺮﺓ ﻓﻜﺮﺕ ﻧﺮﺟﻊ ﻟﻌﻨﺪ ﻣﺎﻣﺎ ﻭﻧﺨﺪﻡ ﻣﻌﺎﻫﺎ ﻭﻟﻜﻦ ﻛﻨﻌﻞ ﺍﻟﺸﻴﻄﺎﻥ ﻭﻛﻨﻘﻮﻝ ﻳﺎﺭﺑﻲ ﺍﻧﺎ ﺳﻠﻤﺖ ﻟﻴﻚ ﺍﻣﺮﻱ ﻭﻣﺎﺑﻘﺎﺕ ﺗﻬﻤﻨﻲ ﺗﺎﺣﺎﺟﺔ ﺗﻌﺪﺑﺖ ﻭﺗﻤﺤﻨﺖ ﻭﺗﻜﺮﻓﺼﺖ ﻣﺎﻋﺮﻓﺘﺶ ﺍﻟﻘﺪﺭ ﺍﺵ ﻣﺨﺒﻲ ﻟﻴﺎ ﻣﺎﺯﺍﻝ . ﻫﺎﺩﻱ ﻫﻲ ﻗﺼﺘﻲ ﻣﺸﺎﻛﻞ ﻭﻣﻌﺎﻧﺎﺓ ﻭﺁﻻﻡ ﻣﻌﺮﻓﺘﺶ ﺍﺷﻨﻮ ﻣﺨﺒﻴﺎ ﻟﻴﺎ ﻟﻴﺎﻡ ﻣﻦ ﻫﻨﺎ ﺍﻟﻔﻮﻕ ﻭﻟﻜﻦ ﺑﺎﻳﻨﺔ ﻏﺘﻜﻮﻥ ﻛﺤﻠﺔ 15 ﺳﻨﺔ ﻣﻦ ﺣﻴﺎﺗﻲ ﺩﺍﺯﺕ ﻛﻮﻟﻬﺎ ﻋﺬﺍﺏ ﻣﻦ ﻛﺎﺭﺛﺔ ﻟﻜﺎﺭﺛﺔ ﻛﻞ ﻟﻴﻠﺔ ﻛﻨﺤﻂ ﺭﺍﺳﻲ ﻋﻠﻰ ﺍﻟﻤﺨﺪﺓ ﺍﻻ ﻭﻛﻨﺒﺪﺍ ﻧﺘﻤﻨﺎ ﻧﻌﻴﺶ ﺣﻴﺎﺓ ﻋﺎﺩﻳﺔ ﺩﻋﻴﻮ ﻣﻌﺎﻳﺎ ﻳﻔﺮﺟﻬﺎ ﺍﻟﻠﻪ ﻋﻠﻴﺎ ﺩﻋﻴﻮ ﻣﻌﺎﻳﺎ ﻓﺼﻼﺗﻜﻢ ﺍﻧﺎ ﺧﺘﻜﻢ ﺩﻋﻴﻮ ﻣﻌﺎﻳﺎ ﻳﻤﻜﻦ ﺍﻟﻠﻪ ﻳﺴﻤﻊ ﻣﻨﻜﻢ .
 ﺍﻟــﻨــﻬــﺎااااااااااااااااااااااااااااااااااااااااﻳــﺔ

About admin

شوف هاد الموضوع

قصص بعنوان مجانين الدارالبيضاء

  تحت الشتااء لي نازلا خيط من السما ولي كيقولواا جاياا وجايبا معاها الخير هادشي …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *