الثلاثاء , أكتوبر 27 2020
الرئيسية / قصص غريبة / قصة بعنوان القطة المتشردة الجزء التالت

قصة بعنوان القطة المتشردة الجزء التالت





مشينا عند سارة لقينها كالسة فالكافي وكساهية مشيت بستها وبتسمت ليا انا:نمشيوا سارة:يه يلاهي مشينا وركبنا فطموبيل عمر بقيت ساهية فالزاج حتى وصلانا لدار نزلنا انا وسارة تلفت لعمر بتسم ليا ورديت ليه الابتسامة ودخلت لدار بان ليا كلشي مديها فشغلوا مشينا بدلنا حويجنا لبسنا دالخدمة دخلت لكوزينة لقيتهم كيصوبو القهوة لسي عبد الرحمان لدلك قرارت ناخد ليه انا ومنها نهضر ليه على حالة ماما طلعت ..فالدروج متاجهة لمكتب ديالوا الله بغيت نحل الباب وانا نسمع صوت الضحك كيعلي المكان مي داك الضحكة الشريرة حطيت بلاطو دالقهوة فالارض وحليت الباب بشوية بان ليا سي عبد الرحمان مطلع رجليه فوق المكتب وهاز تلفون كيهضر مع شي حد انا بصارحة وقفت نتسنت عليه عبد الرحمان:لا لا متخافش …اشنو …ورها قلت ليك كلشي ايكون ديالي وبسميتي …اه ..واصلان انصفيها لها كيما صفيتها لقبل منها ….ههه هيا مفكر انها ….. مزال حتى مكملها حتى سمعت صوت صباط طالون اكيد شي حد جاي لدلك هزيت بلاطوا ودقيت الباب غير شافني سي عبد الرحمان طاح ليه التلفون ولا كل مثوثر دخلني الشك فيه مي حولت نبان عادية حطيت ليه القهوة ونزلت نهز تلفون اللهوحطيت ايدي وهو ايهزها انا:(متصنعة ابتسامة مزيفة)قهوة على سلامتك عبد الرحمان؛(لكان صفر)ش..كر مشيت خرجت وانا داك الفلاش مبغيش اتحيد من عند عيني اشكون ايكون هذا واشنو ايكون مخبي نزلت مع الدروج وانا ساهية باسئلتي لملقيتش ليها الاجوبة حتى تصاحت مع شي حد طلعت عيني
ملقيتش اجوبة على اسئلتي المتركما فراسي بقيت نازلة مع الدروج وانا منزلة عيني حتى تصتاحت مع شي حد طلعت عيني كان عمر مبتسم ليا عمر:مكتشوفيش انا بقيت منشوف فعمر وسهيت كنفكر فداكشي لسمعت سهيت وعمر كيهضر عمر:(غوط)هي انا:اه اشنو عمر:مالك انا:لا غير كنت والو عمر:ريتاج بصاح مالك انا:لا لا والو عمر:(جرني فيدي ومخرجني لجردة)بغيت نهضر معاك انا:(نترت ايدي منو )عفاك اعمر ماشي دبا عمر:علاش انا:عندي خدمة بزاف وحتى مدرت والو اليوم عمر:وغدا انا:اشنو باغي تكول عمر:كولي غدا انا:غدا الاحد نشاء الله نترت من يديه ودخلت لدار كملت شغلي وصل الليل مشيت لبيتي بدلت حويجي لبست بيجامة قصيرة وتكيت فبلصطي كنفكر فهدشي حالة ماما وهضرت سي عبد الرجمان واش عندو شي علاقة بحالة ماما اوووف ياربي غدي نحماق اش كيوقع خصني ضروري ندير شي حاجة بقيت كنتكلب فراشي حتى سمعت الفجر نعلت شيطان توضيت وصليت وبقيت كندعي لربي اعواني ويوقف مع ماما ورجعت لبلصطي نعست حتى كتفيق فيا توريا توريا:وديك بنادمة نوضي راه جبوك باش تخدمي مشي باش تخمري انا:ساعتو لي لله اش بغيا عندي توريا شاد جنبها:الالة راه وقت الخدمة هدي تكعدي انا:اوووف صافي تلحي نيض دبا توريا:الفاظ تاع زنقة خليهم حتى ترجعي ليها انا خنزرت فيها :دبا واش كتقلبي على شي نتفا فهد صباح توريا:هنا مشيت مي مشي خيفا منك غير مبخيتش نجبد صداع خرجات ديك دمدومة ديال توريا انا دخلت غسلت وجهي ولبست حويجي وجمعت شعري كعكة باهمال ودخلت لكوزينة باش نفطر انا:صباح الخير سارة:فقتي الكسولة انا :هههه فيا جوع كين شي فطور سارة:وكولي الغدا انا:شحال ساعة سارة :هههه هدي 2h اتا:بففف علاش مفيقتنش سارة:وراه كنتي خمرا عيت منفيق فيك انا:اه سي عبد رحمان كاين سارة وي علاش انا:بغيت نهضر معه فموضوع مهم .
انا :بغيت نهضر معه فموضوع مهم مي حتى نفطر بعدا وجدت فطوري وكلست كنفطر حتى دخل مرون لكوزينا مرون:ناري نساء المسقبل انا:ههه لوه نساء المسقلب مرون:يله سربي فطري انا:وعلاش ملي على هاد زربا مرون:عندي ليك مفاجئة انا:ممم كيعجبني المفاجئات صافي. شبعن نمشي نبدل حويجي ونجي مشيت دغيا بدلت عليا لبست سليم كحل مع تيشورت فالحمر مع صبادري فالحمر وشعري درت فيه ديل حصان انا:هاني موجودة مرون:اول بنت فتاريخ كتخرج بلا مكياج وكتجي كتحمق انا:هههه ياك بعدا مرون:خلينا نمشيو انا:بلتي او مدام فريدة مرون:علمتها غير يله انا:راه فكرتي فكولشي خرجنا انا ومرون ركبنا فطموبيلتو انا:فين غنمشيو درتي قيا الفضول مرون:هههه ملكي فضوليا صبري شويا انا:اوووووف وصلنا قدام وحد الحديقة نزلنا دخلنا ليها كانت عامر بأنوع الحيونات انا:واو باش عرفتي كيعجبوني مرون:ههه غير من سميتك شفت الحمام مشيت كنحري لعندهوم بقيت كنلعب معهوم وعطيتهوم يكلو انا ومرون دوزت وقيت زوينبقينا تماك حتى ودن المغرب مرون:خلينا نمشيو لشي بلصا نتعشاو انا:صافي غنمشو مسخيتش بيهوم خرجنا ركبنا فطموبيل هاد مرون شحال كيضحكني نزلنا فوحد القهوة كطل على البحر كنتعشو وكنسمعو صوت البحر وكنشم ريحتو لكتحمقني تعشينا طلبت من مرون نزل لبحر وفق بقينا كنتمشو فرمل حيدنا صبابطنا انا:شكرا ليك امرون دوزت وقت زوين مرون:وقتما بغيتي انكن ليا نجيبك مرون كيقرب ليا كنرتاح معاك اريتاج كنلقا خطري معك بقا كيدوز ايدو على وجهي انا تفكرت عمر ملي حول ابوسني جاتني ياااه نسيت واش بغا اهضر معيا دفعت مرون لكان شويا ويبوسني ودرت صباطي فايدي وكنجري ناري اليوم اقتلني
 درت صباطي فايدي وكنجري ناري ليوما اقتلني مرون كيعيط عليا مي بلي كان مع عمر كيفاش نسيتو اكيد دبا غيكون تقلق مني بقيت كنجري ومرون موريا مي انا كنت سرغ منو حيت مولفا بجرا بنت ليا طاكسي ركبت فيها عطيتو العنوان وصلني بغيت نزل شيفور:الالة خلصني عاد سيري انا كنقلب فجيوبي بف معندي ختى ريال:خويا ندخل نجيبهوم ليك ونرجع شبفور: مغديش نتفك معك انا نشي هبيل دخلي ومتخرجيش باقي انا :والله حتى نرجع دبا طلقني خصني ندخل بقيت معه حلف لا طلقني حتى نخلصو بان ليا عمر خرج بطموبيلتو وقفت ليه فطريق خرج من طموبيل انا:عمر عافك بغيت نضر معاك عمر :معندي فاش نهضر سيري نعا حبيب القلب انا:لا راك فهمتي غلط شيفور :لالة خلصني ديك ساعة كملو انا بغيت نمشي بحالي عمر وانا:نتا سكت جبد عمر لفلوس ةخلصو ومشا بحلو انا:الله اخليك مسمعني عمر شادني من ايدي:شنو غنسمع ياك كلت ليك بغيت نعضر معاك انا :شوف راه منعستش مزيان بليل ونسيتك عمر زير على ايدي:نسيتني بضحك استهزاء انا:ايييي عمر قصحتني عمر: انا راه من نهار عرفتك ونا مقصح حيد ايدو وركب فطموبيلتو ومشا بقا فيا الحال بزاف اووف ريتاج معمركي ديريها زوينا دخلت بدلت حويجي وطلعت عند سي عبد رحمان نهضر معها انا كندق فالباب:سي عبدرحمان وخا ندخل عبد رحمان؛تفضلي ابنتي انا دخلت:بغيت نهضر معاك على ماما عبد رحمان :شنو وقع ياك لباس انا:بغيت نبدل ليها سبيطار ويشوفها شي دكتور اخر عبد رحمان تعصب ضرب ايدو مع طبلة حتى نقزت:شنو دبا كتشكي فيا نسيت بلي انا لخرجتك من داك لوسخ بكنتي قيه وديت ديك لهبيلة تاع مك لمصحة تاعي لكتعتبر احسن مصحة فالمغرب انا ودموع فعيني :شوف انا مطلبتكش تخرجني من داك الوسخ كيما سميتها وماما مشي هبيلة وانما شي حيوان هو لتسبب ليها فديك الحالة عبد رحمان؛سمحي ليا ابنتي مقصدتش نجرحك ولكن راه غير كنت معصب مع الخدمة وجيتي نتي زدتي عليا ملي شكيت فيا انا:لا اسيدي حشا واش نشك فيك مي اقدر تكون ممرتحاش تماك عبد رحمان:اوكي سيري دبا من بعد ونهضرو خرجت كنجري لبيتي تصحت مع وحدة الخدما هزا قهوة تكفحات عليا انا:سمح ليا و الخدامة:مشي موشكل اختي ياك متحرقتي انا:الا انا مزيان نمشي نخليك نبدل عليا دخلت لبيت حيدت دايك القميجا بقيت بستيامات كنقلب فالمريو على شي حاجة نلبسها حتى كنسمع شي حد كيسد باب تاع لبيت انا كنت غطيا ضهر لباب
 كنت كنقلب فالماريو على شي حاجة نلبسها حتى كنسمع شي حد كيسد بابا تاع لبيت انا كنت عطيا الضهر الباب …تلفت بانت ليا ثوريا كنتشوف هنا وهنا وهيا جاية لعندي لبست عليا تشورت كحل انا:اشكاين ثوريا:(بصوت منخافض )شوفي انا ماشي كنبغيك او نتي عزيزة عليا لا مي فنفس الوقت انا مكنكرهش ومكنحقدش انا:ومن الاخر جيني ثوريا:انقول ليك جوج كلمة ودخليهم لوذنيك مزيان انا:نطقي ثوريا:ردي البال لراسك عطا الله الاعداء حداك انا:(كنضحك)منهم نتي ثوريا؛انا لعندي قلتو ليك ردي البال لراسك خرجت ونكدب عليكم الا قلت مدخلنيش الوسواس انا..مزال مالقيت اجوبة على اسئلتي زادتني هذي شي حاجة فهذا الدار مهنيش قلبي بديت نثوب الفراش حتى دخلت عليا سارة كتنقز سارة:سربي يلاهي انا:اتفوتني عليك راني عيانة سارة:وغي يلاهي مشيت معاها..هيا جرني فيدي وانا تابعها خرجنا من الدار لجردة مشينا نزلنا فواحد الدروج تماك نزلنا لتحت كيبان ليا غرفة كبيرة بحال الا دروها تحت الارض مضوبة وموسيقة عالية بقينا نازلين حتى وصلنا امام ابوب كبيرة ديال الزاج بالزرق حلت سارة الباب ودخلنا فصلاة كبيرة ديال الرياضة كاع انواع الالة الرياضية موجودة فيها بقيت حال فمي بجمالية المكان بقينا غادين حتى وصلنا لواحد المنصة ديال الملاكمة كبيرة وسط كيلعب مروان وعمر كيلعب الملاكمة عمر كان لبس شورط كحل وفقو عريان بصارحة منضر ديالو كيحمق مع دوك العضلات وداك الوشام وكل عركان وشعروا كيقطر بالماء وكان كيضرب بعنف كبير معتبرش مروان صاحبو انما منافس كيضربوا بكل قوتهم عمر كان مضروب ففمو ومروان كان لبس شورط حمر وحتى هو كل عرقان وعينهم حمرين كيلعب بكل هذواء عكس عمر …بقينا نشوف فيهم لحضة مروان دوروا وجهو وشاف فيا وبتسم وهو يضرب عمر لوجه وتاح انا تخلعت وبديت نغوط عمر نزال مشاف فيا ومشاء كيهز حديد 🏋🏻 انا خلعني منضر مروان لتايح مشيت عندوا انا وسارة وهزيت قرعة دالماء وبديت نرش عليه وجهو كل دميات نيفو بسيف ما عمر كان كي الوحش مروان حل عين وساد عين وبتاسم ليا انا رديت ليه انا:شوية دبا مروان:حمد الله وقف مروان :ريتاج بقا هنا انرجع دبا غير نغسل وجهي وخا انا:واخا بقيت كالسة كنشوف فدوك الالة ونجرب اول مرة نشوف داك العجب عكس سارة لكانت كتمنضر فعمر وتبتسم انا:سارة سارة:نعم انا:اجي نلعبو باسكيت سارة:لا مافياش غير لعبي نتي انا:(بصارحة مبغيتهاش تشوف فيه )سارة وخا لاش جايبني لهنا سارة:(كتغمز ليا)ريتاج تعصبت خصوص داك راس طاروا ديال عمر مشاف فيا وممعبرنيش اه معصب وعرف مي لديك الدرجة ……. شوية دخل مروان لكانت ابتسامة عريضة على وجهو المضرب جاء لعندي وجرني فيدي انا:دبا شوية ياك مكيضرواك مروان:لا ماشي بزاف انا:مالكم على داك اللعب الباسل مروان:(بصوت منخافض)عمر اليوم معصب لدرجة كاع لفشركة غوط عليه وبدا ايخاسموا وجاء كفح فيا الباقي انا:اممم بصاح مروان:(بدا ايعتني شي حديدات )شدي هزي هدو انا:(بغيت نهزهم مقديتش )اش هدشي مقادش نهزوا مروان:(كيضحك)اش كتعرفي انا:لا بغيت نهز بحال هداك لكيهز عمر مروان:كتحلمي انا:اشنو ضلمني مشيت لعند عمر بصارحة انا درتها غير سبة انا:ممكن نهز شوية عمر:(الصمت ) انا:(ضربتو فكتفو)كنهضر معاك حطهم ليا عمر ومشاء وقف حديا الكل كيشوف فيا كيتسنى انني ندير شي حاجة بفف مروان كيضحك وسارة شادة كرشها من الضحك عمر عاقد حجبانو بديت نهز مبغاش اتحرك من بلاصتو شحفت بقيت ي نص ساعة وانا كنبغي غير ندفعو نهزا والو عيت بديت نحيد لقبية لي لبسة وبقيت بتشورت كحل وسروال حكل الاه بغيت نزال ونص ضهري كيبان شوية حسيت بشي ايد شادني فيديا بجوج ومعونني نهزو تلفت نشوف وتلقيت مع عنقوا
 تلفت نشوف وتلقيت مع عنقوا هزيت عيني بان ليا عمر عاقد حجبانو وشاد ليا فيدي انا كنشوف فعينيه وكنبتسم …وهو كيهز معيا كنقصد هو كيهز انا غير شاد ليه فيديه وكنبتسم شوية مروان:هانتي هزيتيه هعههه عمر:(بصوت منخفض)لبسي حويجك ولا نقطعهم عليك انا:(جمعت الابتسامة)وخا بقينا نضحكوا ونشطحو مع الموسيقة حتى لوحد الوقت شاد عمر قرعة دالماء وفوطة حاطها على راسوا وباغي ايمشي انا:سي عمر (مدرش عندي)سي عمر سي عمر عمر:اش كاين انا :بغيت نهدر معاك عمر:مي انا مبغيش انا:عفاك مروان:شي هضر مهمة هدي قولي نسمعوا انا:هضر بيني وبين سي عمر واحد سواء الفهم وقع وبغيت نصححوا مروان:وخا يلاهي اسارة مشاء كلشي طلع بقيت انا وعمر فالصالة عمر كينشف شعروا بالفوطة ومديهاش فيا وانا كنشوف فيه بصمت عمر:(بالغوط)نطقي خلاص انا:وخا شوف اجي نكلسوا ونهضروا عمر:لا انا مرتاح هكا انا:(مشيت عندو وجريتوا فيده وكلسنا)شوف رها داك النهار والله الا نسيتك سمح ليا عفاك اخر مرة والله مدرتها بلعني عمر:(وهو وقف)صافي كملتي ايوا خليني نمشي انا:(شديتو فيديه)عفاك عفاك عفاك عمر؛(نتر ايديه)صافي مكاين لاش طلبيني نسمحك صافي سامحتك انا:(جريتو من الفوط لمدور لعنقوا حيت انا قصيرة وهو طويل وبستو فحنكو وهو بقا مصدوم)شكر شكر بزاف ريحتني عمر:(مبتسم)لهذا درجة انا:يه كون بقيتي مخاسم معيا انا… عمر:نتي شنو انا:(كنبغي نجلي الهضرة )ناري مجروح ففمك يلاه نطلعو ونعالجوا ليك عمر:(جرني فشعري)شوفي ديك الساعة نص ضهرك كيبان اش ديك البسالة انا:وطلقي وراك كتقصحني وشعري اهئ اهئ عمر:تعودي تبيني لحمك انا:لا لا والله عمر:اوكي انا:اشمو كيهمك الا بينتو او كاع حيتهم اشنو هدا الاكر المهم عمر:طلعنا انا:لا لا لا جوبني اشنو كيهمك عمر:(جرني فيدي ونترت ايدي منو)تحركي خلاص انا:(وكلست فالارض)والله منوض من هنا حتى تجوبني عمر:بغيتي نجوبك ايو سمعيني نتي الالة
 عمر:بغيتيني نجوبك ايو سمعيني نتي الالة اكبر هبيلة تعرفت عليها قال ديك الهضرة ومخليني بلاكة وطلع بقيت فديك الصالة كنفكر اش كيوقع ليا مع هدا عمر وعلاش كنفرح ملي يكون معيا وعلاش كنرتاح معاه عزيز عليا نبقا نهضر معاه وديما نفكر فيه …واش ممكن نسمي هدا الاحساس ديالي ‫#‏الحب‬ منعرف اف دخت طلعت لفوق وبقيت كالسة فالجردة نشم الهواء ونيت مافياش النعاس كنفكر اشنو ندير مع ماما حبيبتي ووشكون هدا عبد الرحمان شي حاجة تماك بقيت هكاك كالسة فالارجوحة لكاينة فالجردة …حتى داني النعاس فيها غمضت عيني داز مدة من الوقت حتى كنحس بشي حد هازني ومن كثرت النعاس مقديت نحل عيني مي تخشيت فصدروا حيت عرفتو من ريحتو بلي عمر بقيت شاده من التشورت وحاط راسي على صدروا مدخلني لبيت وحاطني وغطاني باغي ايمشي وانا نشدوا من يديه انا:شكر قلت ليه شكر ودورت وجهي ونعست … حلت عيني على الضباب الكتيرة فالسماء الجواء كيمرض ….مشيت لحمام غسلت حالتي وجيت لبست حويج لخدمة شعري طلقتو وصباط بغيت نخرج وهيا تبان ليا ورقة حدا راسي حليها نفهمتهاش بزاف … وخرجت بان ليا كلشي مديها فشغلو وسارة مكايناش مشيت كنقلب فالدار طلعت لفوق كنقلب على سارة مي مبانتش ليا بان ليا عمر نازل بكامل اناقتو كيف العادة كوستيم كحل كرفاطة فالكحل شعرو مطلعو لفوق وساعة فخمة فيديه وبرفان لكيوصلني قبل منشوفوا ولحيتو لكتحمقني مكرهتش نمشي لعندوا نبوس فكاع وجهو نعنقوا هه ….نزل بكل رجولة بكل ثقة بنفسوا عزة نفس واصل لفين وتغوبيشة خفيفة بين حجبانوا لكتزيدوا وسامة …غير شفتو وانا نمشي لعندوا انا:(مبتسمة)صباح الخير عمر:(مبتسم)صباح النور انا:بغيت نطلبك عمر:ياك لابس انا:لقيت هدا الورقة حدا راسي وبغيتك تقرها ليا عمر:نقرها ليك انا:اه عفاك عمر:(وهو شاد الورقة ومركز كيقرها وانا مبلقا فيه عيني وينو على عوينات كيحمقوا )هدي من سارة قالت ليك اتمشي عند ماما اتغبر 3 يام قالت ليك اتوحشك اك وقالت ليك تهلاي ليا فحبيبي وصافي انا:(باقي ساهية فيه غير سمعت ديك تهلاي فحبيبي وانا نخرج عيني)اشنهيا حبيبها كتحلم عمر:ياك لابس انا:(نترت الورقة من يديه)صافي قريتها شكر بقيت نزل وهو يجرني فيدي
 انا(نترت الورقة من ايديه)صافي قريتها شكرا بغيت نزل وهو اشدني فيدي. عمر:شكون هاد حبيبها انا:هدشي مشي شغلك ونترت ايدي منو ودخلت لكوزينا باش نعون لبنات بقينا كنحطو الفطور نزلت مدام فريدة كيف العادة انيقة ومعها رجلها كلسو فطبلة عبدرحمان:بنتي ريتاج فينهو عمر انا:شفتو نزل وقيل مشا عمر دخل من جردة:نو هاني هنا انا:اه صحبلي مشيت مهم تفضل تفطر عمر:كلسي حتى نتي تفطري انا بغيت نجوب قطعتني مدام فريدة:لوه اولدي هكا غدي اضسرو علينا الخدمات انا تمنيت لارض تفتح وندخل فيها حسيت بالاهانة عمر تعصب من هضرت مها وضرب ايديه مع طبلة:متنسيش الوليدة كي كنتي وفين شافك الوليد(فريدة كانت كتسربي فالعرسات والحفلات تماك فاش شفها عبدرحمان لتغرم بيها وتزوجها) عبد الرحمان:حترام راسك وعرف مع من كتهضر عمر :هاد الهضرة كولها لمرتك مشي ليا وناض وضرب بالكرسي وخرج انا دحلت مشيت لبيتي فرحنا حيت عمر رجع ليا حقي منها رجعت لخدمتي جمعت طبلة تاع الفطور وغسلت معوان مكنعرفش لدك لعجب فاش كيغسلوه توريا:ريتاج طلعي لسي عبد رحمان قهوة باغي اهضر معاك انا:وخا دبا صوبت القهوة درتها فبلطو وبغيت نمشي وقفتني توريا وهضرت ليا فودني :ردي بال لهضرتك معها لكال ليك وفقي عليه على قبل ماماك انا:شنو مفهمتش اش كتقصدي توريا:ريتاج انا مكنكرهكش كنت كنحول نوصل ليك ميسج مي مفهمتنيش انا:الله ارحم باك راه شطنتني توريا:فات الفوت دبا معندي فين نفعك سيري راه تعطلتي عليه
 طلعت لعند ميسيو عبد الرحمان وانا كنفكر فهضرت توريا دقيت الباب وستقبلني ميسيو عبد الرحمان باابتسامة عريضة على وجهو عبد الرحمان:اجي ابنتي اجي انا:(حطيت ليه القهوة )نعم اسي عبد الرحمان عبد الرحمان :جوني اخبار بلي ماماك ايحولها لواحد الجناح وداك الجناح اتلقا جميع العلاجات خصوص ماماك ولات حالتها كتحسن الافضل انا:(بستهزاء)الافضل او الاسواء عبد الرحمان :لا ابنتي الافضل تلقيت مكالمات من الطبيب وبشرني بخبار ماماك لولات حالتها كتحسن انا:(فكرة مفرحتنيش معرفت علاش )اه بصاح ايو حمد الله عبدالرحمان:وخا ممكن دبا تخرجي خرجت من البيروا ديالوا وانا مفرحناش صافي تقدر تقولوا انا مبقيتش كنتيق فهضرت عبد الرحمان …صافي بالنسبة ليا مبقيتش كنتيق وشكوك غير مكتزيد تكبر ..هكاك نزلت كملت شغلي حتى بداء تلفون الدار كيصوني ..مشات وحدة من البنات ايجوب لحضة جات كتجري لعندي وقال ليا بلي سي عمر قال ليا نمشي عندو لمكتب انا بتسم معرفت مي مبقيت كنرتاح الا مع عمر او مع عمر كنساء مشكيلي وهمومي…..مشيت لبيتي لبست قاميجة بيضة وسروال كحل وكنفيرسا فالبيض شعري طلقتو بان ليا واحد الكلوس تماك هزيتو ودرتو رشيت عليا برفان وهزيت صاكي وخرجت شديت طاكسي متاجهة لعند عمر لشركة وصلت لشركة دخلت مع الدخلة كاع البنات لتماك كيبتسم فوجهي اكيد من بعد دوك الخرفات لقلت ليهم وليت عزيزة عليهم حيت هكا ديرة الدنيا خاسك تكون عوج ديك الساعة الناس ايحملوك …لمهيم رديت الابتسامة لكل وانا دخلة حتى شدني شي حد فيدي وجرني طلعت عيني لقيتو مروان جرني وداني لمكتب ديالو واو زوين مي فالزرق والبيض …. مروان:كلسي انا:وخا مروان:(وهو كالس على ركبيه وانا كالسة فالكرسي) وانا كنقول مال الشركة منورة انا:(مبتسمة)ضحكتني شكر مروان:سبب الزيارة انا:والو عمر عيط عليا مروان:اممم كون ما عمر مغديش تجي انا:هبيل نوض نوض نمشي نطل على عمر اش باغي مروان:وخا مي بقي معيا غير حتى تشربي شي حاجة ديك الساعة سيري انا:وخا مي غير نشوف اش باغي مروان:(كيدوز ايديه علي شعري)صافي وخا بقيت نضحك مع مروان وهو يدخل عمر كنقصد شوية كان ايهرس الباب …تلفت بان ليا عمر مغوبش وعينيه حمراء مروان:(مبتسم)عمر مكتعرفش…. عمر:(مزال حتى مكملها حتى جرني فيدي)مروان ابخي ونهدروا انا:عمر طلق كتقصحني بشوية الناس كيشوف عمر والو مع من كنهضر جرني فيدي ومخرجني براء الشركة وركبني فالطموبيلتوا وهو يركب بسرعة بقيت شادة فيديه انا:نقص السرعة وبنادم نقص السرعة والمرض عمر:الصمت عمر غير مكيزيد ايزيد فالسرعة وانا كنبكي ونغوط وكاع انوع السبان لكنعرف قلتهم ليه والو وتقول كنهدر مع الحيط وانا شادة ليه فيديه وكنغوط وهو غير مزيد فالسرعة حتى
كنغوط وهو غير مزيد فالسرعة حتى كنسمع تلفونو كيصوني مبغاش اهزها انا هزيت تلفون ودغت على بتون خضر ودرتو فودني انا::الو الو عمر:حطي انا:اشنو عمر وقف ضروري عفاك عفاك من شافني عمر وردت الفعل ديالي وقف عمر:اشنو مالك شكون صونا انا:رجع لمصحة عفاك عمر:(كنبكي بالجهد من الخلعة وفنفس الوقت من المكلامة لقيت عمر شادني فوجهي)هدري مالك سمحي ليا مي نتي … انا:(قاطعتو)عفاك لمصحة دبا نمشيوا لمصحة عمر:وخا فهمني انا:انا انقول ليك غير تحىك خلاص عمر:(ركب وكيتمشي)وخا هضري انا:جاتك مكالمات معرفتش شكون لعرفت هو انه شي صوت بنت كتقول عتقي ماماك اريتاج عمر:مي كيفاش عرفوك ريتاج انا:(شادة راسي)عمر راسي باغي اينفجر والله الا باغي اينفجر معرفتش كبفاش وعلاش وقتاش لعرفاه هو انني انمذي عند ماما نخرجها من ديك المصحة لدارت لينا الصدع من نهار مشات ليها ماما بقيت ساكة وعمر زرب فالسرعة انا كنبكي كان الساعة 3 تاع العشية وحد المصحة كان خوي واشعة الشمس قوية بكترة ..وقفنا الطموبيل ونزلنا انا وعمر بغينا ندخل وبانو لينا شي تلات ديال الرجال وقفين حدا الباب اكيد حارسين مي مكنوش هنا اش وقع دبا …شي حاجة هنا مشينا انا وعمر وانا شادة فيد عمر اقدر خايفة او معرفت تاجهنا لعندهم غير شافونا وهو يوقف حد الباب بمعنى ممنوع الدخول … عمر:(كيغوط)بعد بعد الشخص1:سمح لينا اسي عمر الاومر من الفوق جاتنا منقدرش تدخلوا انا:اش هدا الهضرة عمر:ماغديش تحيد الشخص:لا عمر:(حيد الساعة ومدها ليا وبعدني بشوية وبدا ايضرب معاهم بعصبية انا تخلعت وكنبكي رجلي فشلو عليا اهئ اهئ ضربهم عمر وجاء لعندي جرني فيدي ودخلنا لغرفة ماما لقيت ماما مسكينة غير كتبكي بصوت مرتفع غير شافتني وجات كتجري لعندي ماما:(بصوت حزين وباينة فيها الخلعة )سربي سربي نمشيو لدرنا باغيني اقتلونا باغين اقتلونا انا:ششششششو يلاه بغيت نمشي وشدستها فيديها وهيا تبعد ومشات كتجري رجعات لبيت وهزات مونيكة ديالها وعنقتها انا حولت تمساك خصوص مشين وركبنا فطموبيل الله بغينا نتحركو حتى كنسمع صوت شي رصاص من ورنا ماما غوطات وانا حال فمي
بغينا نتحركو حتى كنسمعو صوت رصاص ورنا ماما كتغوت ونا حال فمي ومعنقا ماما وخايف على عمر حتى دموع مفياش عمر دخل لطموبيل :تحنو متخفو من ولو انا معكوم وكسير بسرعة هائلة وشي طموبيلات تابعنا وحنا سبقينهوم ماما كتبكي وكملها كترعد بقيت معنقها مزير عليها كنحول منبينش الخوف ديلي ليها ونا ربي لعلم بيا بقينا غدين حتى دربو هادوك رويد تاع طموبيل وتفشو ماما كتغوت :صافي غدي اقتلونا اهئ اهئ عافك اولدي عتق بنتي خليهوم اقتلوني انا انا:لا اماما ياما نعيشو كملينا ولا اقتلونا كملين عمر:تهدنو انا مخنخلي حتى حد امسى شعرى منكوم وندفع حياتي نقابل حياتكوم انا خفت عليه:لا عافك اعمر اهئ اهئ خلينا نهربو بشي طريق عمر:ريتاج غدي نتوجه معاهم ونتما هربو انا:لا اهئ اهئ منقدرش نخليك عمر شاد وجهي:ريتاج عتقي مامك متخفيش عليا انا:لا منقدرش اهئ اهئ علاش كدير معيا هكا ديما كتوقف معيا عمر بالغوت ونفاد صبر:واش مزال مفهمتيها كتهميني حيت الالة كنبغيك انا كاع المشاعر تخلطو عليا:حتى انا كنبغيك اعمر وعنقتو حتى كنشوف دوك رجال وصلو لعندنا ماما بقي فطموبيل مكمش وكتبكي وكتعيط بسميتي الشخص:سي عمر حنا مبغينا منك ولو سلمنا البنت ومها ونخليوك تمشي عمر حيد جاكيطو :هدو متحلمش تمسهوم الكلب انا مخشيا مور عمر:شنو بغيتو عندنا الله ياخد فيكوم الحق الشخص:سي عمر مبغيتش نأديك مي نتا مبغياش تفهم بالخطر عمر بعد عليهوم ومشا كيضرب معهوم كان 5 وصحاح
عمر بعدنيىعليهوم ومشا كيضرب معهوم كانو 5 صحاح ضرب منخوم ضرب من عمر وكلن كيغوت عليا باش نهربو انا مقدرتش تمشي ونخليهوم ماما خرجات وجرني فايدي ماما:يله خلينا نمشيو انا:اهئ اهئ منقدرش غدي اقتلوه ماما :هو قاد عليهوم ابنتي وجرتني بقينا كنجريو فشانطي وكنديرو اطسطوب مي حتى وحد مكيبغي اوقف لينا ونا عقلي بقا مع عمر وقف لينا وحد طموبيل عطيتو عنوان تاع عمر وركبت معه ماما ماما:ركبي دغيا انا:سمحي ليا اماما منقدرش نخلي عمر مع دوك لوحش ماما:واش تسطتي باش غدي تنفعيه انا:معرفت مهم هاكي هادو سورت تاع دار عطهوم ليا عمر ديك ساعة دخلي وسدي عليك بستها فرسها ردي لبال لراسك ماما:وخا ابنتي حنى نتي ردي بلك انا غندعي معكوم انا:خويا اربي موصلها حتى باب دار الرجل:ختي متخفيش هدي امانة عندي انا:الله احفضك مشاو حظونا رجعت لعند عمر ليلقيتو وجهو كولو دميات وباقي مدبز معهم شفت وحد فيهوم هز وحد الموس بغا ادخلو فيه وهيا تبان ليا وعد الخشبة هزيتها ونا كملي كنترعد ونا نعطيخا ليه لراس وطاحا عمر دار لعندي:ريتاج اش كدير هنا انا لحت لخشبا:اهئ اهئ قتلتو عمر :ريتاج تهدني نتي معليك ولو انا حسيت بدنيا كدور بيا ونا نطيح معقلت على ولو ملي حليت عيني لقيت راسي فوحد البيت بيضا ايي ارسي شنو وقع تفكرت عمر ونا نوض كنحيد سرو من ايدي دخلت الممرضة :مادم اش كدير خصكي ترتحي اتا:فينهو عمر اهئ اهئ متكوليش ليا مات الممرضة:شكون عمر واش رجلك انا:شنو رجلي المنرضة:اه هو لبس عندو غير شي جروحات خفاف انا :بغيت نشوف ديني لعندو داتني لغرفة تاعو دخلت لقيتو متكي وديرن ليه الفصما لرسو عمر:ريتاج كيبقتي انا كنجري لعندو عنقتو:اهئ اهئ خفت عليك عمر:نو انا بخير بفضلك حيت لبوليس جاو فوقتو انا كنمسح دموعي :انا بوليس علايش عيط عمر:مشي نتي لعيط لبوليس انا:لا اصلن كاع مكنعرف نمرتهوم عمر:وشكون هديك لعيطت عليهوم انا:شكون كليك بنت عمر البوليس مهم معلينا فين هيا مامك انا:اه فكرتني صيفطها لدرك عمر :صيفطها بوحدها انا:اه مقدرتش نخليك معهم عمر شادني من حناكي :ويلي اخلي ليا لكيخاف عليا
 عمر (:شادني من حناكي ):ويلي اخلي ليت لكيخاف عليا انا:وعادي انا هكا كنخاف على كاع الناس عمر:انا بحال كاع الناس انا:اه وعلاش اشنو لفيك ماكينش فبنادم عمر:(جرني فيدي وقربني لعندوا*انا بحال الناس عادي انا:اه عمر :ريتاج انا:اشنو ! عمر:(بوجه بري)انا شخص عادي عندك انا:(قربت ليه)اه وعلاه نتا كيفاش عمر:(باسني فنيفي)كنبغيك انا:(حشمت وبعدتةا عليه وانا نكلس حده)عمر بغيت نطلبك طلب عمر:عوينات عمر طلبيهم اعطيهم ليك انا:لا بصاح كنهضر معاك موضوع حااااااااااي عمر:جدي انا:عديك عمر:وخا الالة قولي انا: علاقتنا بغيت حتى مخلوق ميعرف بيها عفاك عمر:الا كن هدا ضحك بغيت نقول … انا:(قاطعتوا)عفاك فهمني فاش نكون يوحدنا انا حبيبتك مي قدام الناس انا ريتاج الخدمة عفاك عمر:علاش واش حيت خايفة مروان اتقلق . انا:لش كتخرف لا مي الامور مرونة وانا كنشم شي ريحة ماشي تال لهيه عفاك عمر:وخا مي بشروطي حتا انا انا:شنو عمر:اولان نقسي ضحك معا مروان كنبغي نحماق فاش نشوف قريب ليك مرة اخرة نشوفك كضحكي معاه نهرس فمو ونجي ليك انا:عمر عمر:وي انا:كنشم شي ريحة عمر:(من نيتو)لا مكنشم والو انا:كنشم ريحة الغيرة عمر:(جرني فشعري )كنغار عليك ونحماق الا قرب ليك شي حد انا:اي وبعد هذا حب هذا تفو عمر:(ناض باسني فحنكي)واكواك اعيباد الله وكنبغيك اشنو درتي ليا كنبغيك انا:وسكت دبا اسمعك شي حد فضحتني عمر:(غير مزيد فالغوط)كنبغييييييييييييك شوية دخلت واحد الممرضة شهبة ومبتسمة مشات كتكتب شي حاجة وعمر دار ليا ابتسامة شريرة عمر:انسة هيا:وفاء عمر:اممم وفاء امتا انخرج هيا:مع الاسف اليوم ودبا مسخيناش بيك عمر:(مبتسم)علاش انا:(تعصبت الله بغات تجوب وانا نضرب ايدي مع ديك الطبلة )واش معندكش علاش تحشمي واش انا كالسة ونتي غير مزيدة فيه هيا:(حشمانة)كنت كنضن انكي ختوا انا:الله اخوي ليك دراس قال ليك ختو عمر:(كيضحك)ريتاج انا:بلع لسانك ونتا عاجبك الحال وتفنرنس ليا عمر:(شاد راسو وكيغوط حتى نقزت )واعيباد الله وكنبغيها والله حتى كنبغيها وبزافففف ختي عندكشي دواء ديال الحب مشات ديك البنت ومنزلة راسها انا كنبتسم ونخبيها …تاجهت لمريو جبدت حويج عمر انا:شد لبس نخرجوا عمر:ايدي اي منقدرش ممكن تلبسني
عمر:ايدي اي منقدرش ممكن تلبسني عفاك انا:(بارتباك)انا نلبسك نتا عمر:اه انا:لا لا عمر:اه وخا عيطي ليا على وفاء انا:(بالغوط)عمر عمر:اشنو انا:اف منك انا انلبسك مشيت كلست حده بصارحة نكذب عليكم الا قلت ليكم قلبي مبغاش اسكت من الخلعة ورجل فشلو عليا خصوص هو قريب ليا بزاف حيت ليه داك التشورت تاع الصبيتار بالف تكشيف وهو كيشوف فيا ويبتسم خصوص عندو دوك العضلات اويلي قلبي الصغير لا يتحمل ….وهزيت قاميجة كحلة بغيت نلبسها ليه انا؛طلع ايديك لا لا نزلها عمر:(كيضحك)واش نطلع ايدي ولا نزل انا:(لحت ليه قاميجة)شد لبسها لراسك عفاك اعمر اف عمر:(شادني فوجهي وباسني فجبهتي وزد جبهتو معا ديالي وهو كيهضر)اف اش درتي ليا اشنو درتي ليا انا:(كنبتسم)عمر متلومنيش الا مكنجوبكش او عندك ضن بلي معنديش نفس المشاعر تجاهك بلعكس انا كنموت فيك مي انا ممولفاش بديك الرمانسية واول مرة نسمعها ونقولها عمر:مزربانش كنوعدك انعلمك كاع لبيتيز انا:(كنضحك وعنقتو)عمرك تخلا عليا عمر:بغيتي نحماق ونمشي لمصحة معا ماماك انا؛اويلي ماما اه ماما سربي لبس باش نمشيو عمر:وخا دبا بقيت وقف حد عمر وهو كيلبس انا كرة مرة نشوف فيه ونحيد عيني اربي الحبيب اش هدا الزين هادا العضلات ودا العوينا ديك اللحية ويلي الفيم ..اح اقلبي باغي ايخرج ويلي اريتاج حيدي عينك اتفرشي …. خرجت معا عمر ركبنا متاجهين لدار عمر عند ميمتي وصلنا …ودخلنا لدار وانا كنجري نقلب ونده بسميت ماما مالقيت لجوبني دخت وبدايت كنتخلع ونبكي حتى كنسمع صوت البكاء مجهد جاي من جيهت الحمام مشيت كنجري وعمر تابعني حلينا بابا الحمام ليقت ماما معنقة مونيكة دياليها ومخرجة عينها وكتبكيبي
 من بعد ما شافتني سخفت عمر هزها وحطها فالفراش غطينها ونعسات بقيت حد راسها حتى لحضت مونييكة ديالها مهرس ليها رجل هزيتها ونزلت لقيت عمر متكي فالصالون مشيت عندو وانا شادة المونيكة كنصوب ليها فرجلها شوية جاء عندي عمر نزال على رجليه عمر:(وهو ماد ليا واحد التصويرة)اش هدي انا:(باستغراب)كيفاش عمر:هدا التصويرة طاحت من المونيكة انا:(كنسوف فعمر وانا نضربها بجرية مشيت هزيت موس وكلست فالارض وعمر حتى هو قطعنا ليها الرجل وبدينا نسوسها طاحت من المونيكة تلات التصورات واحد الساروات فاش هزيت التصويرة الاول كان فيها ماما واحد الرجل والتصويرة التانية جوج رجال معانقين اما التصويرة التالتة ولي صدمتني هيا ماما فوق العمريا اه اماما كيف كنتي كيف وليتي مي مفهمتش كيفاش هيا هنا ولكين انا لعرف ان ماما عمرها تزوجات اش هدا اللعب عمر:(وهو كيشوف التصور)ريتاج فهمتي شي حاجة انا:عمر اقدر ولينا كنوصل لشي حل وهدي اشارة من عند الله عمر:داكشي علاش ماماك عمرها مفرقات المونيكة ديالها .. انا:(من بعد تفكير طويل والصمت لعم المكان نطقت)با حمد اه عمر:شكون انا:با حمد واحد كان معنا فالبلاصة النفايات عمر:النفايات انا:اه نفايات مع الاسف عمر:(جرني فيدي وكلسنا فالصالون)عودي ليا على كلشي من فاش حليتي عينيك نتي حبيبتي وخاصني نعرف عليك كلشي …. كان الساعة 8 ديال اليلل .. بقيت نعود لعمر بصرحة مخبيت عليه والو كنبكي ونعود وحتى هو محولش اسكتني بلعكس خلني نخوي قلبي كنعود والدموع كيطيحو من عيني بقينا هكاك حتى انا:وخا هنتا عرفتي كلشي علايا دبا نوبتي عمر:(مبتسم)انا انا:اه كنسمعك عمر:انا حليت عيني على كلشي على الفلوس والدهب والى اخره مي ملقيتش حنان العائلي الوليد لكان طول حياتو مهتم بالفلوس وجمعهم وماما ماتكونش قل منو مهتم بصحباتها وبنفسها بانقتها ونسات بلي عندها ولاد وخاسها تهتم بيهم تربيت على ايدي المربيات كل شهر وجه جديد بديت نكبر وليت نقراء ونجيب اعلى درجات كاع داك النقص ديالي كفحتو فالقريا وليت نقراء ونقراء خدمت واسأست شركة من عرق كتفي عمري مرضيت ناخد فرانك من عند الوليد رغم ثروة لعندوا الا انني معتمد على راسي شريت دار وليت كنكبر شركة وليت دبا من اغنى رجال وليت فايت الاب ديالي فالثروة دخلت شركات مع مروان وخويا كنقصد كان خويا انا:خوك عندك شي خوك عمر:اه خويا لمهم نكمل ليك درت شركات مع مروان وعز الدين خويا من باء ومي واحد النهار كان عندنا اجتماع تما تغيرات حياتي
عمر:اه كانت الشمس قوية وكان عندنا اجتماع مع شي ناس جين من الرباط ميهمش دخلت كلست وهيا دخل واحد البنت واحد الرجل كبير شوية دوزنا اجتماع عادي ودرنا صفقة كنت مكنامنش بحاجة سميتها الحب مي فنفس الوقت البنت عاجبني وكنت كل ما نشوف فيها نلقها مبتسمة ليا درنا صفقة معاهم …ولينا نتشوفو بزاف البنت كانت سميتها مريم فعمرها 23 عام شهبة ولينا انا ومريم اصدقاء ونهار على نهار ولات علاقتنا من صدقاء لأكتر ولينا مقربين وليت معجب بيها او كنبغيها اه وقعت فحبها كانت حب الاول وشي حاجة مهمة رتابطنا ولينا انا ويها اصدقاء كنت محترمها كنعتبرها بحال ختي قبل من حبيبتي هيا كاضل تجي عندي لدار كطلب مني نعس معها كنرفض هيا كتقلق كنقول ليها انا بغيتك تكون ديالي مي فالحلال فكرت كنت كنلاحض كتزعجها مكتبغيهاش ديما تجي لشركة معرية كنقول هانية مكنبغيش نقلقها كنلاحض نضرات الاعجاب فعين خويا عز الدين مي كنت كنقول لا ماكيناش داكشي مجرد وهم مجرد تفاهم …….داز عام وحنا معا بعضيتنا تخطبنا وقرارنا نديرو العرس كنت باغي نطير بالفرحة كنت طاير كيف لا وانا انتزوج بالبنت لكنبغيها هه مي تاتي الرياح بما لا تشتهي السفن ……كنت فبيتي كنوجد راسي عريس وفرحن نزال كنقلب فجيوبي اويلي نسيت كادو حبيبتي فالدار كنقصد داري حيت انا كنت باغي ندوز العرس فالدار العائلة اكيد هيا لطلبات …..شديت طموبيلتي وانا كنسفر حليت الباب ودخلت خديت الكادو وبغيت نخرج او كنسمع شي صوت فالفوق مشيت بالخف وبخطواط باطئ حليت بابا بيتي لقيت خويا لي من لحمي ودمي كيمارس الجنس بطريقة قذرة معا الحب الاول ديالي حبيبتي مريم وهيا كضحك وكلهم عريانين منعودش ليك منضر جيد قذير ….مقديت ندير حتى ردة فعل واش نمشي نشبع عصا لخويا او اشنو ندير اشنو شافوني وتصدموا انا رجعت باللور وبقيت كالس فالدروج كيرجع معيا المنضر لمباغيش اتحيد من بالي جاي خويا نزل لعندي وهو راسم حزن ودموع التمسيح على وجهو شديتو نضرب فيه نضرب حتى سخف وهزه لسبيطار كنت وحش اما هيا فلحتها لزنقة وهيا عريانة ….خويا مشاء لبراء هو ويها جوني خبار بلي تزوج بيها بدلت الدار ودخلت لنادي رياضي الملاكمة وليت نكفح فيها جميع الوحشية ديالي لمخبي ………دايا 6 سنين على الحداث 6 سنين معمري ثقت وعمري ستسلمت لحب شي بنت مي نتي معرفتش اشنو فيك انا:(بصارحة هو كيعود انا نبكي ايعود انا نبكي شحال هدا الذنيا صعيبة بزاف )أه نسيتها دبا
 انا:(بصارحة هو كيعود انا نبكي ايعود انا نبكي شحال هذا الدنيا صعيبة بزاف وكل واحد مالقيها كيف ما باغي )أه نسيتها دبا عمر:اكيد نسيتها اش هذا الهضرة انا:(كنمسح دموعي )عمر الحب الاول مكيتنساش عمر:(جاء لعندي وتحنا على رجليه وحاط ايديه على قلبوا)كنقسم ليك الا نسيتها دبا مكين حد غير هنا فهدا القلب كل نبض فيه كينبضها ليك كنبغيك انا:(مبتسمة)معرفت اش درت فحياتي زوينة حتى رزقني بيك عمر:(كيبوس فيدي)اولا شي مصيبة حتى رزقك بيا هه انا:(شادة ليه وجهو)كنوعدك اعمر انسيك فكاع هدشي لوقع احياتي كنوعدك عمر:مبغيتش كتر من انكي تكوني معيا انا:(بستو فحنكو)كنبغيك عمر:ريتاج انا:نعم عمر:خاصنا نديرو الحل لهدشي منقدرش نبقي انا وياك فسر منقدرش نتحكم فراسي ملي تكوني معيا انا:قريب قريب خاصنا غير نلقو الحل هذا المشكيل عمر:(ناض وجاب دوك التصور )ريتاج سمعيني مزيان لقيت فكرة وياربي تنجح انا:(متحمسة)قول نشوف عمر:اولان ماما خاصها ترجع لمصحة انا:(وقفت بعصبية)لا لا لا عمر:(جرني فيدي وكلس)قلتي اتسمعيني انا:وخا عمر:ماماك خاصها ترجع لمصحة وكنوعدك اندير عليها العسة وحتى حاجة ميوقع ليها نتي اترجعي لدار كنعني لفيلا بحال الا مكاين والو وخا وانا الا سولني انقول خرجنها تفوج ورجعنها من بعد تدوز تلات يام حتى نحيدو علينا العيون وشكوك من بعد انمشو عند هداك اسميتو انا:با حمد عمر:اه وي هداك ومن بعد نشوف فين انوصصلوا انا:مي ماما عمر:ماماك ميوقع ليها والو كنوعدك تقي بيا انا:هيا لعندي هيا الا وقع ليها شي حاجة انا صافي انمشي فيها انتبعها عمر:ششششششو ميوقع ليها وحتى ليك والو انا معاك انا:(كنبكي )عمر عمر:(كيمسح دموعي)نعم انا:نسولك مي متقلقش عفاك
انا:نسولك مي متقلقش عفاك .. عمر:سولي انا:دبا ديك صاحبتك كنعني خاطيبتك القديمة زوينة عمر:عادي انا:لا متقولش ليا عادي وصفها ليا عمر:طويلة رقيقة شهبة سمراء انا:(وقفة)مي انا قصيرة وانا شعري كحل وانا بيضة و عمر:(جرني فيدي )اجي نعسي رها فات الوقت راكي كتخرفي تاني انا:بصاح كنهضر معاك انا خايبة عمر:نتي زوينة عليها نتي كلشي فيك زوين انا:عرف راسي زوينة عمر:متكبرة انا:(كنحا فمي ونسدو)فيا النعاس عمر:طلعي لبيتي ونعسي انا:وخا عمر:ريتاج انا:اشنو عمر:من الصباح ونتي كطلبي دبا نوبتي انا:اشنو طلب عم:عفاك وخا نعس معاك مي متخافيش والله منقرب ليك بغيت غير تنعسي فاحضاني اليوم نشم ريحتك انا:وخا طلعنا لبيت عمر عطني شورط تاعو وتشورت بنت فيهم كي الخنشة وتلاحيت نعست من بعد ما طلع عمر على ماما جاء لحق عليا لقاني شادة ناموسية كاملة رجل هنا ورجل لهيه بعدني وحط راسي فوق من صدرو وغطاني انا:كول لقبك ايوقف شوية رها كيضرب بالجهد مامخلينيش نعس عمر:(بصوت مكولب بالنعاس)نتي لمخليه هكاك ياك نعس عليه كبغيتي اسكت انا:(معنقاه بالجهد)ربي ايخليك ليا عمر:كنبغيك … نعسنا وحنا معانقين لدرجة كنسمع دقات قلب عمر ….حليت عين وسادة عين رجعت غمضتهم وعودت حليتهم كنلقا واحد الملاك ناعس حديا وينو وينو شحال كيحمق حبيبي حطيت ايد على لحيتو شحال رطبة وفمو غوز بحال الا رسم بشي قلم صغير الله بغيت نبوسو فحنكو وهو يحل عينيه وغفلني وباسني فشفافي بوسة خفيفة ودفعتو انا:(وجهي ولا حمر)صباحوا عمر:(كيضحك)الله وصباح هدا شحال زوين نعستي مزيان انا:اه مزيان شحال الساعة عمر:دبا 7 هادي انا:نوض نوض خاسني نمشيو عمر:وخا تفطري انا:حتى لتماك دبا مامسيلش عمر:وخا نتي سيري انا اندي ماماك
انا:بصاح وخا انمشي نودعها ونزال داكشي لدرت مشيت ودعت ماما وانا كنبوسها ونمسح على راسها قاطعت شحال من وعد وكنتمني نوفي بيهم مشيت لحمام غسلت وجهي وخرجت لبست صباطي وهزيت صامي بغيت نخرج عمر:(جاي ومعاه سندويتش)كوليه فالطريق انا:(بستو فحنكو)نتلاقو فالدار اسي عمر ههه خرجت شديت طاكسي وصلت لدار ملقيت حد كلشي ناعس مشيت لفراشس وتخبيت لعب فيها دور انني كنت ناعس هنا بقيت هكاك حتى سمعت صوت فالكوزينة نشيت بدلت حويجي لبست دالخدمة شعري جمعتو كعكة وبديت نوجد الفطور مع البنات حتى كنحس بشي ايدين معنقني من اللور
بديت نوجد الفطور معا البنات حتى كنحس بشي ايدين معنقني من اللور درت وانا نلقها سارة عنقتها بصارحة توحشتها جرتني ودخلنا لبيت بقيت نتعود انا ويها ونضحكو عودت ليا على السافر كيف دوزتو هيا وماماها …..جابت ليا معها كادو واو واحد السنسلة وعطر ريحتوا كتحمق شكرتها وخرجت معها وكملنا الفطور بجوج وحنا كنضحكوا شوية سارة:وعمر خباروا انا:(بارتباك)عمر اه معمري شفتو سارة:بصاح مكيجيش لهنا انا:اه كيجي مي مكنشوفش تجهلت تسالاتها على عمر اويلي اشنو انقول ليها نقول ليها ولينا كنبغيوا بعضيتنا لا حنا حبيبي غير فالسر بدينا نحطو الفطور اليوم قرار سي عبد الرحمان نحطوه فالجردة سي عبد الرحمان لوليت كنشوف فيه بوحد النضرة ومرتوا حتى هيا غير تشوفني تخنزر وتشوف فرجلها …حطينا الفطور كلشي بداء كيفطر حتى كنسمعو صوت سيارت على براء اكيد عمر وفعلا عمر وكان مع مروان لغير شافني جاي جيهتي مبتسم ليا وعمر مشافش فيا لعبها مزيان مروان:صباح النور ريتاج انا:صباح الخير مروان:الله فطور زين هدا مدام فريدة:ولدي مروان زرتنا البركة مروان:خسرات ليا الطموبيل وقلتها لعمر قال ليا نمشي معه الدار …عفو كنقصد انا لقت ليه نمشي معاك لدار حيت اخالتي ولدك ممصوبش سارة غير شافت عمر ولات تعوج نكدب عليكم الا قلت ليكم متعصبتش وتمنيت نجرها من شعرها مي كنخبي الغيرة ديالي بابتسامة سارة:سي عمر قهوة اتاي عصير عمر:قهوة سارة:ونتا اسي مروان مروان:اتاي بدوا افطروا وحنا دخلنا لداخل كنفطروا ونضحكو حتى كنسمعوا شي حد كيعيط عليا بالجهد عبد الرحمان:ريتاج سارة كلشي اكون هنا سارة:نعم اسي عبد الرحمان عبد الرحمان:شوفوا اليلة عندنا حفلة كبيرة فالدار نبغي كلشي اكون موجود كلشي بادق التفاصيل ديكور كلشي سارة:معياش الحفل عبد الرحمان:مع 8 تاع العشية غيت سمعتو وانا نشوف فعمر لكيقول شي حاجة بعينه مي مفهمتوش وتاجت لكوزينة شوية جاء عمر عمر:ريتاج طلعي ليا كاس دالماء لبيتي دبا ومطعتليش انا:وخا خليت سارة ملهية بالتجهيزات وكلشي نلهي وطلعت بالخف لعند عمر دخلت لعند وهو يجرني فيدي وسد الباب عمر:ريتاج جاء الوقت فاش نعرفك على شخص تلفت وتصدمت من كلشي
تلفت وتصدمت واو شكون هاد البكوص ناري كريم لبس مزيان ونقي وشعرو مقاد انا معنقها وهو هازني كيدور بيا :كريم بارك دوختني كريم:توحشتك القطيط تاعي انا:مشتي انا ناري اصاحبي كيوليتي تبوكصتي المسخوط كريم:واش نكول عليك نتي وشادني من حناكي عمر: كح كح انا معاكوم زعما انا:شكر ليك بزاف حيت جبتيه ناري شخال توحشتك كريم :مشتي انا خليت بلصطك كبير انا:با حميد اش كيعود لباس عليه كريم:معندي منخبي عليك لوليد مريض انا:اويل ملو كريم :كيف العادة الربو دكشي لش جيت لهنا انا :عمر فينهو هاد امتا خرج كريم:ههه سيد نسينها وتقلق انا:هههه اه مهم دبا نتا شنو غدير هنا كريم :اه سي عمر الله اجازيه بالخير عرض عليا نكون شيفور تاعو انا معنقها:ياااه فرحت ليك بزاف حتى كنسمع لباب تصرب تلفت بان ليا عمر معصب اويل هاد ملو تاني عمر:او صافي الا كملتو من تعناق خرجو ليا من بيتي انا:عمر ملك ياك لباس عمر تجهلني:كريم خلينا نمشيو كريم: وخا اسي عمر القيطة انا نمشي ختى لعشيا انا :الله اوفقك اخويا كريم كريم كيخربق ليا فشعري :امين البسلة تاعي عمر بالغوات حتى نقزنا انا وكريم :كرييييم مشاو بحالهوم انا رجعت لخدمتي كنعون لبنات حيت اليوما كينا حفلة جابو لينا وحد لبس جديد فالزرق والبيض صيا قصير حتى الفخد فالزرق نع قميجة فالبض عليها جيلي فالزرق وشعري قادتو ليا سارة سرحتو 

يتبع…
الجزء الرابع و الاخير

About admin

شوف هاد الموضوع

قصص بعنوان مجانين الدارالبيضاء

  تحت الشتااء لي نازلا خيط من السما ولي كيقولواا جاياا وجايبا معاها الخير هادشي …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *