الرئيسية / قصص غريبة / قصة بعنوان التلميد المشاغب الجزء التاني

قصة بعنوان التلميد المشاغب الجزء التاني


 قرائة ممتعةيوميات تلميذ مشاغب من كتابتي : يسرى هربال البارت : # الثاني لم تمر سوى لحظات … وإذ بيد خفية كتشدهوم من عنقهوم وطلعاتهوم الفووووق – … وااا مزياااان تباارك الله عندي البااار هناياا … الشيخة تسونامي كاينة وانا مفخباريش … يالله حيدو الصباط ودوزو عندي للبيرو نتا ويااه … حسن وعمر وأشرف أجيو شدو ليهوم الرجلين ..!! بقاو يوسف وفيصل كيرجفو … ودموع كينزلو منهوم كي شل … مشاو عندو وهوما كيزاوكوه يعفي علييهوم ولكن معامن .. هادا أستاد الشكيليطو لعرج مول العربية ومن يعرفه … يضربك ضربة وحدة بالتيو غتفقد احساس فديك اليد لمدة شهر وما بالك إلى كانت تحميلة هههه … بقاو الدراري كيزاوكوه وأصواتهوم مختلطة بجوج وهوما غارقين فالدموع … – عااافااك أستاااد عااافاااك الله يرحم لييك الولييديين عمرنا نعاودو عافااك عااافاااك ..!! شاف فيهوم وهو مخرج عينيه وغواتو كيزعزع لحيوط … – كلمة وحداااا قلتهااا لييكومم ياللله طلعووو لفوووق … تاكلو خمسة د الدقات للواحد … نحسب حتال تتة إلى مطلعتوش نوضوبلها ليكوم ياللللللللله …!! سبق فيصل هو اللول .. حيد الصباط وطلع للبيرو الفوق … حسن لغليض وأشرف المجتهيد شادين ليه الرجلين … واحد من هاد الجيه وخور من الجيهة تانية … حل هدوووء وسكوووت غير معتاد فالقسم .. دبانة مكتزبزب تم كولشي حاضيه وكيعيش معاه اللحظة … وخايفين حتا يتنفسو لينوضهوم فبصتوا …
وبدأت عملية التعذيييب مكتسمع غير … – سترااااح … وااااععع … سترااااح … واااعع … سترااااح … وااا اععع .. معا كل سترااااح يوسف كيزييد فلبكاا … نزل فيصل اللي كان مقدرش يوقف على رجلييه اللي كانو طايبين بلعصا .. وطلع البطل ديالنا يوسف باش ياكل حقو حتا هو … ملي كملو من الفلقة كل واحد رجع لبصتو … باش يبدا استاذ درس اليوم … اللي كان هو اعراب … بقا كل واحد كيقفقف وكيدور فعينييه شمال ويمين … ومن زهر يوسف هاد النهار كلس معا حليمة الخوافة … اللي مكتعرف ا?لف من البَا … رااه ف ورطة معندو اللي عاونو … ماعليه غير إقمر … كتب شكيليطو لعرج جملة فالسبورة ” أكل سمير التفاحة …” وطلب منهوم إجبدو الفعل والفاعل والمفعول بيه … و القسم كولو كينقز ” ستاااد .. ستاااد … ستاااد … ستتاااد ..” اللي عارف واللي معارفش … كيرفعو يديهوم على الله … حييت استاذ كينوض اللي مرفعوش يديهوم هو اللول … عاد كيتقلب للي رافعين … بقا كينوض على الله واللي خطأ كيسيفطو للقنت … باش ياكل جوج دقات … وي كان رافع يدو وخطأ هداك كيعطيلو ضوبل هراوة هههه .. حيت كذب عليه … كيكمل القسم كامل وموراها كيكتب جملة تانية … ( واهاذا عذاااب أبا شكيليطو ههههه ) … غيير لقا يوسف القاضية حماضت وهو يشير لفيصل صاحبو براسو باش إتبعو … رفع يدو بزربة محد استاذ مزال مكمل كتابة جملة أخرى فالسبورة … – ستاد ستاد نمشي للمرحاااض ..!! – سييير ..!! خرج كيجريي خاف يغير رأيو ويقولييه رجع … مشا طيارة للمرحاض … غير وصل تم وهو يلحق عليه صاحبو فيصل … – وااا صااحبي أستنااا را رجليا طااابو بجرااا … – وااتااا زيييد دغياا ليشوفنا من الفوووق … مشاو لروبيينو كيجغمو فالما بحال لكانو فالصحرا تلتيام هههه
مشاو لروبيينو كيجغمو فالما بحال لكانو فالصحرا تلتيام هههه … خدا يوسف شوية دلما ورشهوم على فيصل … فيصل مرضاش وردلو الصرف … بقااو هاكاااك كيتراشقو بالما كيلعبو ويضحكو حتا فزكو كاملين … شااف فيصل فيوسف وهو فيه البكية … – أش غنديرو داباا وحنا فاازكيين كاامللين ..!! غنااكلو فلقااا خرااا بسبااابك ..!! نتااا السباااب … نزل عند واحد الحجرة كانت قداموا وهو يشيد على يوسف … يوسف بالطبع مغيسكتش ردهالو بقاو هكاااك كيشيرو على بعضياتهوم حتى تقادا كاع لحجر اللي كان تما … شاف يوسف واحد الحجرة كبيييرة خداهاا وهوا فرحااان … شير بيهاا نيييششااان على فيصل .. لكن فيصل نزل وجات فالزاج ديال القسم الفرنسية … وو كيترعدو .. واحد كيدخل فخور أش غيديرو كيفاش إخرجو من هاد المشكيل؟ ..!! سمعوا حس شي واحد خارج من القسم … ملقاو غيير المرحاض يمشيو يتخباو فييه … دخلو بزربة بجوجهوم لكابيني وحدة … قطعو الحس ودموعهوم كينزلو كي الشل ماشي بالخوف .. اا كيبكيو بسباب الريحة لمجهدة اللي كاينة تما هههه …
ظ • يوميات تلميذ مشاغب ( 3 ) من كتابتي : يسرى هربال البارت : الثالث سمعوا حس شي واحد خارج من القسم … ملقاو غيير المرحاض يمشيو يتخباو فييه … دخلو بزربة بجوجهوم لكابيني وحدة … قطعو الحس ودموعهوم كينزلو كي الشل ماشي بالخوف .. ااااا كيبكيو بسباب الريحة لمجهدة اللي كاينة تما هههه … بقاو تما شحال حتى سمعو صوت مول الفرنسية كيغوت بجهد حدا القسم ديالو … يوسف صيفت فيصل باش إتسلت بشويييية ويشمشم لخبار .. فين راه ..!! معامن كيدوي .!! وعمن كيغوت ..!! فع رجع فيصل ومعاه خبار سخونة – … وااتااا خرج … خرج بزرببببة يالله نهربوا ..!! – واش نتا حماقيتي و شنوا …!! نخرجو باش إشدنا مول الفرنسية ويقطع لينا الرجليييين بالفلقة؟ ..!! – وتااا زيييد كدامي دغيا .. راااه كيغوت على زكرياء ولد ستادا سعاد اللي كتقري العربية ..!! صحابلو هو اللي هرس الجاج ..!! شاف فيه يوسف وهو مخرج عينيه ومقداه فرحة … ( المساخيييط سلتو منها هاد المرة تاني هههه ) … – حلف بالله ..!! كدااااببب ..!! كوول يالله كووول والله ..!! – واالله حتا مشا فييهاا ياالله نجريو بزربة ..!! خرجو من المرحاض بزربة وهوما كيتسلتو بشوييييية باش ميشوفهوم تا واحد … دازو من مورا اقسام وهوما كيهبطو ريوسهوم … وصلو أخيرا لشكيليطو لعرج … غير وصلو بان ليهوم القسم ساااكت سكوت غير طبيعي … معا الدخلة شافو يمين وشمال مبان ليهوم اثار لستاذ … التميذ جامدين فبيصهوم تا واحد مكيتزعزع … دارو جيهت السبور لقاو أشرف المجتهيد قالب الجيهة الصغيرة من الصبورة وكيقيد فاللي كيدير الصداع … ( استخبرات الطفولية ههههه ) … مشاو كل واحد لبصتوا وهوما كيدورو فعينيهوم مفاهمين تا زفتة … دار عند البنت اللي حداه لقاها شادة فلحديدة كتبرد يديها من لعصا اللي كت … قرب ليها وهو يسولها بشوية باش ميسمعوش أشرف المجتهيد ويقيدو هو مقاد على عصا … – هاااي شنو دار ليكوم استااذ وااش سا اعرااب و مزااال – ..!! ااا مزااال مسا رااه القسم كامل ك لعصا حتا من سلوى الضريفة ..!! شعرو وقف ملي سمع بللي سلوى الضريفة كت لعصا … سلوى المجتهيدة اللي كتجيب ديما هيا التانية مورا أشرف بالطبع .. واللي كيحترموها اساتذة كاملين حيت مؤدبة وكيحتارموها صحاباتها كاااملين ومكيلعبو لستييك حتا تكون هيااااا تاكل لعصا ..!! هيا باااينة القضية حامضة وممفاكش معا لعصا هاد النهاار … هاد الشي ماشي كولشي … ستنا أبا يوسف حتا تجيك لخبار التانية عاد حمي يديك ورجلييك مزيااان هههه … – ويليي ويليي ويلييي على الفلقة اللي كتستناكوم نتا وفيصل ..!! حييت تعطلتووو بزاااف ..!! خرج عينييه وهو يشوف ف فيصل اللي لقاه كيشوف فيه … دارلو الحركة المشهورة باليد وهو كيعض على طرف لسانو … يعني راحنا مشينا فيها ….

يتبع
الجزء التالت و الاخير 

About admin

شوف هاد الموضوع

قصص بعنوان مجانين الدارالبيضاء

  تحت الشتااء لي نازلا خيط من السما ولي كيقولواا جاياا وجايبا معاها الخير هادشي …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *