الثلاثاء , أكتوبر 27 2020
الرئيسية / قصص غريبة / قصة بعنوان .. أميرتي شمالية الجزء التالت

قصة بعنوان .. أميرتي شمالية الجزء التالت

 

في طريق من قصر صغير نطنجة
امير:مالكي ا وسيمة ساكتا؟؟
وسيمة :غير سكوت امير عمري ماعملت هاد الفضيحة د هاد نهار كامل وانا في زنايق …اوعدي شني غادي نقول لدر ديالنا راه قالبين عليا دنيا
امير:متخافيش ماغدي يكون غير الخير ان شاء 
وسيمة:واخا نبغي نقولوم عاطلوني في الادارت كيشود في العشية
امير:علاش انتي اش كنتي كاديري في الادارات؟؟
وسيمة:سكوووووت ..ماقدرتش تجاوبو
امير:وسيمة راني كنسولك؟؟
شويا وهو يصوني عليه تليفونو
دارليه اوت باغلوغ
امير:اهلا ماما كيديرا
الام:الحمد الله اولدي وانت كيف وصلتي لباس؟؟
امير:اه ماما بخير ..شوفي راني كنسوق دابا ملي نمشي لدار ونعاود نتصل بيك
الام:غير سمع راه بغيت غير نقوليك راه داك دوسي لي جماعليك عامك ماجد ديال ضريب دصداق ديالك راه كيتقاد ليه تاريخ
امير ملي سمع هاد الكلام حاس بالجسم ديالو كلو تشلل وبدا يشوف في وسيمة لقاها ولات صفرااا
امير:اماما داك الموضوع صافي هضرنا فيه 
..قاطعاتو مو كيفاش اولادي باغيني نساه وانتا يالله خطبتي البنت ..في داك اللحضة وسيمة بقات غير كتقلب في واحد المجر شدت داك سيديس الي عندو في ايدبها وبدات تسناه باش يقطاع مع ماماه باش تحطوم ..ملي نها المكالمة ديالو اول حاجة دارتها هي شعلة الكاسيط وتماك كانت الضرب القااااضية بالنسبة ليها ملي لقات اغنية ديال شرين الي كاتقول
اغنية على بالي
حبيتو بيني وبين نفسي ومقلتلوش عاللي في نفسي معرفش ايه بيحصل لي لما بشوف عنيه ما بقتش عارفة اقوله ايه معرفش ليه خبيت عليه بضعف اوي وانا جنبو وبسلم عليه 
كل حب الدنيا دي في قلبي ليك ده انت اغلى الناس علي روحي فيك دانت لو قدام عيني اشتاق اليك
على بالي ولا انت داري باللي جرالي والليالي سنين طويلة سبتها لي و يا انشغالي بكل كلمة قلتهالي
وسيمة كانت في لاول كاتشوف في جيهتها باش ماتضعافش حداها و لكت ملي سمعت وهاد الجزء من هاد الاغنية تأترت بيها وبداو عينيها فحال كيتغرغرو بدمووع وبدات تقلب كيف دير تطفيها حتا حاست بايد امير شادها وكيحرك بيها براسو بلا 
ربعت ايدها و رجعت قلبت وجهها لجيهة لخرا 
امير:وسيمة مالكي؟؟
وسيمة:ماعندي والو
امير’وسيمة شوفي فيا :
وسيمة:ماكترودش عليه
امير:مالكي كتهربي مني ..راني كنهضر معاك شوفي فيا
وسيمة:ها انا شوفت فيك شي نخصك:؟؟ودابا الله يرحم ولدك صربي خصني نمشي فحالي ..امير مشا لواحد جيهة ووقف
وسيمة:علاش وقفت اامير يالك لباس؟؟
امير:ماغديش نمشي حتا تقولي ليا مالكي
وسيمة:بصوت مخنووق ..قلتلك اامير ماعندي ولاو …اه فكرتيني مبروك عليك والله يكمل عليك بالخير ورجعت قلبت وجهها تاني 
امير:شوفي فيا ..زعما من قلبك كتقولي ليا هاد الهضرا
وسيمة:ههه لا من كبدة ديالي وقلبت تاني وجهها لجيها لاخرا
امير:ومالكي ماكتشوفيش فيا ..واش بصح بصح
وسيمة غلباتها ضحك وشادت داك دوسي وبدات تغطي بيها وجهها ..امير بغا يحيدوليها حتا تترشليها كلو بدا يجمعو معاه ويقرا داك لوراق وشاف فيها 
امير:بنبرة مختلف على ديما …علاش اوسيمة جمع هاد دوسي ؟؟
وسيمة:ساكتا
امير بعصبية:قوتليك جاوبني ..علاش جامعا هاد الملف
وسيمة:باش نجوج
امير حاس بغصة في قلبو و مبقاش داك امير الي كتعرف وسيمة
امير:كيفش باش تزوجي مافهمهش؟؟واش انتي عندك واحد اخر و كدوري معا في كل قنت ولا شنو
وسيمة:امير هادك ولاد خالتي وبغا يتزوج بيا ..
امير:وانا؟وحرك راسو
وسيمة:شني بغيتي نقولك امير …مافهمتشي نعرط عليك راسي ..او انتينا كتحصبني صديقة ديالك هاد اشي الي بينتيلي
امير رجاع لبلاصتو وبدا كيشوووف في قبالتو
امير:كتبغيه اوسيمة
وسيمة:لا 
ورجاع تاني كيشوف فيها 
امير:واش انتي ماكتبغيش وغادا تاخديه؟؟
وسيمة:حنايا بنات ماشي فحالكم ..ملي كيجيني شي واحيد معقول وخصو الحلال كنتوكلو على الله فهمتي؟؟
امير:ولكن ….انا كنبغيك اوسيمة اش غادي ندير راه ماشي بخطري بغيتك وخصوصا قبايلة ملي شوفت داك دراري عليك تأكدت انهو من المستحيل تكون شي حاد من غيري …راه والله حتا نقدر نتسطا

وسيمة:كيفاش اامير مافهمتشي …انتينا يالله خطبتي وماجا ي دابا تقولي كنبغيك؟
امير:وسيمة جاوبني كتبغيني ولا لا؟؟
وسيمة:ديني فحالي اامير 
امير ماكيتمازاحش:قوتليك واش كتبغيني ولا…لا؟
وسيمة:ساكتا
امير:واخا الالة حتا انا ماعندي مايدار هبط الكرسي الي في بلاصتو و تمد وشد عينيه وحاطا ايديه على راسو
وسيمة بقات غير كتشوف فيه وفي الحال الي بدا يضلم عليهم و بدات تحرك فيه
وسيمة:امير الله يهديك ديني فحالي وبدات تبكي
امير:والله لاخديتك حتا تجوبني
وسيمة:شني بغيتي نقولك …صافي هاد هو المكتب ديالنا نتينا تدي ديك العايلا و انا دي العايل دخالتي
امير:قوتليك جاوبني
وسيمة:اه امير ولكن …امير ملي سمعاه ناض نقز من بلاصتو و قاليها
امير:ادا ماغديش تزوجي بداك ولاد خالتيك؟؟
وسيمة:او امير من بعد ..ها انا متزوجتشي بيه ..قاطعها ..انا عارف اش غادي ندير ..اكسر طوموبيلتو .حتا لحومة ديال وسيمة
وسيمة:لاين هاواد انتينا معايا …قالك ماشوفناهمشي كيسرقو شوفناهم كيتقاسمو وهي هادي ديالانا
امير:ههه غير زيدي امسطيا و متخافيش
هي بقا يالله غادي تزيد زوج خالفات حتا بانت ليها خولة جاي لعندها
وسيمة:في خطرها …..اووف يا خولة الله يعطيك طيارة ..ماجبارتي فوق توريني كمارة ديالك
خولة:وسيمة .فاين كونتي المسخوطة الحومة مقلوبة عليك …خاك اليوما يقتلك
وسيمة:شافت في امير سير ..
..سير فحالك ….اوعدي ليوا نهار دياللللي
امير:اشنو ..وقاع ياكما قاتلا شي حاد
وسيمة:تبغيها نختك ..نهار كاااامل وهيا في زنايق كطوطاااح
امير:لا ..كنت غادي ندير كتر من خوك ههه
هيا باقي كتهضر معاه حتا لقات خوها قبالتهم شافت في امير ودفعتو حتا جا لاصاق في الحيط
وسيمة:شعندك لصاق فيا اخي من صباح مع عندكومشي ختكم بنات اولا ….والله ينعال ليماكيحشم … حشومة عليكم وقربت عند خوها وقالت ليه ماتخفشي عليا اخي انا موقيدا براسي و شدات بجريا لدارهم
امير بقا غير مصدوم من فعايلها و شاف في خوها لقا ه كيغنز فيه شويا عقلو وقاليه
ايمن:اجي انتينا اخي ماشي كتمتل
امير:ايه اخويا
ايمن:اسمك امير ياك
امير:ايه هو هادا
وايمن:واش عندك تابع ختي …؟؟
امير:شوف اخويا غادي نجيك لصراحة ….ختك شوفتها وعجبتني وباغيها في الحلال اش قولتي؟؟
ايمن:اش غادي نقولك الخوا العايلا عندنا مخطوبة وهاد اليوماين عندا ضريب دصداق
امير:شوف اش غادي نقوليك ….يالله معايا خويا نشربو شي حاجة ونداكرو على راحتنا
ايمن:اا واخا الخوا يالله زيد
وسيمة ملي رجعت ندارهم
الام:فاين كنتي غايب هاد نهار كامل هضرا ..ولا تسنستي دوران في زنايق
وسيمة:لا ايما غير كنت مشيت نقنصوليا باش نساقصي شني كيحتاجو لوراق
والام:وعلاش ماعلمتيناشي ..خاليتينا هايد نحمقو عليك
وسيمة:حيت كنت شابرا الفيلا و ماكليتشي نهار كامل و سخفت دابعد شويش عاد نوضت
الام:زيد دخول …زيد ..عاندك نفرج فيك هاد الحومة كاملة
وسيمة؛واخا ايما غير حايد من طريقة انتينا غليطا ديتي الباب كاملة
طلعت لفوق بداتةتزول عليها و تقرا في القرأن وقلبهه كيضراب بسرعة وبدات تفكر اش غادي يكون دار خوها مع امير حتا سمعت هاجر كتعايط عليها من سطح
وسيمة:هاجر مشي حتا نغدا اختي الله يرحم باباك اولا تجي تاكول معيا ديك طريحة ديال داق الي غادي ناكول ..هاجر تفهمتا لوضع ورجعت فحالا ندارهم


في القهوى
امير:تفضل اخويا .. جلس
ايمن:بسم الله
امير :اش غادي نقوليك اخويا …….انا راه ولد كازا و ملي جيت باش نصور واحد الفليم. كتابليا نتلقا بختك وسيمة ..
وعجبتني .وبغيت نتزوجها اش باليك؟؟
ايمن:اوا اش غادي نقوليك اخي ….راه فحال الي قتلك العايلا عندنا معطيا لولد خالتي…ولكن شعندي نقولك ..انا صراحة ماعنديشي معاهم بزااف ..مانعرفا اش كيقولوم راسو ..كايهبطو في صيف كايبقاو يحيلو علينا بسبانيولا تقول مانعرف فاين خالقين وهما يالله بارح كانو كيجريو في زنقة بالحفا
امير ملي سمع هاد الهضرا عجبو الحال وبدا الامال لعندو يحيا من جديد
امير:والوليد ديالك اش كايقول في هاد الموضوع و اش حتا هو موافق ؟؟
ايمن:الوليد ديالي ماكيحملومشي مبززا عليه غير الوليدة الله يسمح لينا منا…كايقولي انا ديك طاسيلا خصني نتهنا منا ماشي عاد يزيدو لصقوني فيهم
امير:ههه المهم اخويا واش ممكن نهضرا معاه؟؟
ايمن’واخا اخي بلتي نعيطلو يجي يرياح معانا في القهوى …انا الوليد ديالي طراطاق..عادي يعجبك
ايمن تصل بباباه وطلب منو باش يجي نداك القهوى الي كانت قريبا من دارهم
الاب ملي جا
الاب:واحد سلام وعليكم:اهلا بالفنان ديالانا ..مرحبا بيك الغزال عندنا في طنجة
امير:ههه الله يبارك فيك الحاج
الا ب’ وهو كيخاطب الابن ذيالو :نوض العايلا ضربنا شي تصويرا انا وهاد الغزال
امير زاد الاحساس ديالو بالاطمنان ملي تعرف على هاد الاسرة البسيطة
ايمن’الوليدة عرفتي علاش عايطنالك؟
الاب:الا ..بالحق الله يسماعني خبر خير
ايمن’او هاد السيد خصو يجوج بوسيمة ديالنا …اش دهالك وبدا كيضحك
الاب:واش كتهضرا بصح ولاغير كتملغا حيت انتينا ماكنعرالهضرا ديالك من صح من الملاغا
ايمن:ها هو الوليد قوداميك صقصيه ….واش هاد اشي فيه ملاغا الوليد
الاب قلب وجهو عند امير وقال ليه
الاب:اوا اش غادي نقولك ابني …العايلا راه عندنا معطيا العايلا دخالتا و خا انا صراحة ماموفقشي على ديك الطسيلة
امير:اوا انتا الحج ماموفقشي و علاش باغي تعطي هاليهم …راه هادا زواج راه ضروري خص الوحيد يرد بالو فيه
امير:اوا المرا عندي باغيا …اش غادي نقيلا …قاتليك الحبيب هادك هو لي عادي تذيهلا
امير:المهم سير دابا هضر معاها و سمع راي حتا د بنتك وانا غدا ان شاء الله نعاود نعايط عليك و قولوليا اش ديرتو
الاب:واخا المرضي …الله يرحم يماك …وشاف في ولودو وكمل كلامو ..نوض العايلا ضربلي شي تصويرا اخر ا معاه باش غدا نطرطاق بيه عبد السلام جار
.ناض الاب دواسيمة خدا تصويرة معاه و لاخرا مع ايمن و تبادلو نمار ي ديالهم وكل واحد شاد طريقو لدارهم
دخل لاب لدراو وهو ولدو
الاب:سلام وعليكم
الام:وعليكم سلام ..فاين هاد تعطيلا كاملا
الاب:ههه نوض نوض وري نيماك العايلا تصاو ر…ناض ايمن بدا يوريهم ليها ..شويا بدا تسولهم
الام:شكون. نو ا هادا ؟؟
ايمن:الله الوليدة قالا شكون نوا هاد ديك الممتل الي اسمو امير معرفتيشهشي
الام:ألا ….ماعرفتوشي
الاب:اوا قاليك الالة خصو يعبي بينتك وسيمة …شني قلتي
الام:كا نتينا اراجل حماقتي اولا …العايلا عندنا معطيا لمعاد
الاب:اسمع …انا ديك ختك و رجالا ماكيتهضموليشي سبحان الله ..وانتينا كتعرف ختك شحال قبيحة ..شحال د العنطازا فيهم تقول ماجين من سويد
الام:او دابا يكونو كيفما حابو يكونو ..انا عطيتا الهضرا …
الاب:او انتينا الي عطيتيهالا ماشي انا ..وسيمة بنتي عادي نحطيها لمن ما نحب

البارتي التامن عشر
الاب :طلع أ العايل عايط نختك قولا تهاود نهضرو معاها
ايمن:واخا الوليد
طلع ايمن تيجري في دروج باش ي عايط على ختو ..لقا ها مغاطيا ودايرا في روحها ناااعسا 
ايمن:وسيمة نوض تكلم نبا خصو يهضر معاك ….
وسيمة:لا راد ..
ايمن :بدا يزول عليها داك المانطا …نوض العيلا ..ديك ممتيل الي كان تابعك قبايلا قال خصو يجوج بيك
وسيمة ملي سمعت هاد الكلام ناضت كتنقز حتا وصلت لتحت و جلست حدا باباها
الاب:اجي ابنتي انتينا خصك تزوج بديك معاد د خالتك ؟؟
وسيمة شافت في الام ديالا و بدات تحرك ليه براسها..
الاب:غير هضرا ابنتي وماتخفشي ..شني قولتي؟؟ 
وسيمة:وانتينا علاش كتصقصيني ا با ..علاش شني كاين؟؟
الاب:حيت قبايلاتي خطبك مني واحد العايل غزاال ..هايدا كيعمل بزاين ..وعاد ممتيل ..وشاف في ايمن خوها ..ارا العايل ديك تليفون وريهلا
وسيمة بدات تضحك في خاطرها …شوية شافت داك تصاور وقالت ليه
وسيمة:ماشي عاو د …مزيييون بزاف غير شويش وصافي ..انا حسن منو 
الاب:اييه عرافنك حسن منو ..او دابا شني قولتي؟؟
وسيمة:لي شوفتيه ابابا نعملو معاك ….حيت كنعرفك كتبغلي غير الخير
الام: ادا انا الهضرا ديالي ماكتسو والو ياك …وشعادي نقولو نراجل الي ماجي يضرب الكاخيط نهار دسبت
الاب:قولو بابها عطاها وخرج انتينا من هاد سوق
وسيمة كانت هادك الليلة اسعد ايااام في حياتها ..ملي بدات كتشوف بلي حلمها غادي يتحقق ليها وغادي تاخد فارس احلامها الي كان حلم من ابعد المستحيلات بالنسبة ليها
لغد ليه في صباح اتصل خوها بامير و طلبو منو باش يجي و يجيب ناسو باش يديرو خطبة رسمية
امير ملي سمع هاد الخبر ماقداتو فرحة حاسة براسو باغي يخبر ناس كلها بلي وسيمة غادي تكون ليه …
شويا ويتفكر ماماها و شيماء ورجع للواقع الي قبضلو قلبو من جديد
في دارو:
امير:الو ماما
الام:الو ولدي كيف داير؟
امير:لبس اماما …وانتما كيف دايرين ..شويا؟؟
الام:نحمدوه ونشكروه…يالله كانت عاد معنا واحد شويا شيماء خطيبتك ومشات؟؟
امير ملي سمع هاد الهضر ناض من بلاصتو ومشا لواحد القنت و تكا عليه و حاط جسمو بايدو وقاليها
امير:ماما سمعني عاافك و متقطعينيش
الام:اش كاين اولدي دوي …الله يسمنعا خبر خير
امير:صراححححة…ماغديش نتزوج بشيماء ..باغي ناخد واحد اخرا 
الام:بقات ساااكتا 
اميز:ماما راني ماكنبغيش شيماء ومعمرني مافكرت فيها ..وزيدون راه باقا صغيرا ..وغادي تلقا الي حسن مني …اما انا راه قلبي وعقلي مع واحدة اخرا
الام:ياكما تكون شي واحد تلوطت عليك اولدي…
امير:راه هادي بنت ناس و العائلة ديالها الله يعمرها دار..قطعاتو مو ..
الام:لا ..ولدي مشا راه كنت عارفها…. الله على ولدي سحرو ليه ..هادي مافيهاش 
امير:اش كتقولي …كيفاش ..ساحروليا ي؛؟؟ وزيدون انا عاد تعرفت عليهم يالله البارح
الام:وشكون هاد ناس …وفين بسلامة؟؟
امير:هنا فيرطنجة 
الام:الله على ولدي الله:…كنت مانشوفوش شهر نولي مانشوفوش عاام …واش مافكراتيش اولدي …كيفاش بغيتي تاخد واحد ة ماكنعرفو عليها حتا حاجة ..وزيدون ماراعيتيش البعد الي بايناتنا
امير:او راه غادي تجي سكون معانا في كازا …وراه ادا شوفتيها غادي تعجبك 
الام:اوا اش بغيتسني نقول نخالتك هضرا ؟
امير:او قول ليها الله يجيبليها تسير لبنتها
الام:انا راني خطبت ليك الي كنعرف ..وانت سير تخطب بوحدك الي كتعرف سمعتني …وقطعت عليها
امير حاول مرارا وتكرارا يتصل ب ماماها و لكن ماكنتش ترود عليه
دخل كيسراع بالخطوات ديالو جيهت ييتو اتصل بسلوى ودار معاها باش يتلقاها في واحد البلاصة ..دخل لبس عليه و سد سوارتو ديال طوموبيلتو واكسرا نداك البلاصة …خاد سلوى ومشاو نواحد البلاصة كانت نعتتا ليه وسيمة في الرميلات
ملي وصلو… مانزلوش من طوموبيل
.
سلوى:ياك لباس امير جاي كتجري بيا لهنا ..اش واقع ليك؟؟
امير:تخصمت مع ما ما
سلوى:وعلاش ؟؟
امير:قولت ليها باغي ناخد هاد البنت طنجاوية ومابغاتش 
سلوى:اش غادي نقوليك اخويا امير .
.راك عارف انت الي عند ماما ك ولد واي واحد ا غادي تفكر تاخدك منها غادي دير ليك هاد الحالة…علاش مارديتيش البال بلي هيا خطباتليك بنت خالتك غير باش تخاليك حداها
امير:اوا اش دانبي بلي كاين غير انا ولد ..واش غادي ناخد اعباد الله بنت ماكنبغيهاش غير باش نرديها ا …راه هاد اشي ماكيتقبلوش العقل 
سلوى:امير عاافك تهدن ..راني ماعمرني ماشفتك في هاد الحالة …وزيدون دابا لقا و الحال 
امير رجاع داك الكرسي لور و نعاس عليه وحاط ايدو على راسو وبدا يفكر اش غادي دير في هاد المشكيلة
في دار الام ديال امير 
الام ملي سمعت داك اشي الي قاليها امير ماتهضماتش ليها بقات غير تبكي و تندب 
الام:الله ياربي الله اش هاد اشي الي تكتب عليا …دري مشا يخدم …غادي يرجاع ليا مزوج …اش غاادي نقول نختي وبنتها
اميمةبنتها : ماما اش وقع دابا باش دايري في راسك و فينا هاد الحالة راه امير من لول كان صريح معاك و مع شيماء والله يهديك انتي الي مبزز عليه 
ماجد لوسها:مراة خويا .اش فيها كاع الي خدا شي طنجاوي…راه حنا كلنا مغرب …وزيدون راه عاندي شي بنات في الفايس
ديالي زووينات
اميمة ملي سمعتو غمزاتو باش يسكت
الام:اشش غادي نقول نختي و كيفاش غادي نفسر ليها هاد اشي ….والله الا حرام عليك اولدي…اش باغي من مومتيك؟؟
اميمة :ماما ..واش باغا ولدك يتزوج بداك البنت و مايرجاعش ليك تاني …وراكي عارف امير راه الي فراسو كيديرو ..في الوقت الي تجي ضدد ولدك قربو عليك …حسن ماتخدوليك ومعمرك ماتولي تشوفيه تاني
الام:كيفاش ابنتي ؟واش انتي كضني خوك امير اديرها؟؟
اميمة:او انتي بهاد تصروفات دياولك غادي تخاليه اديرها…انتي خاصك تجي في صفو و دير ليه داك اشي الي بغا باش ماتعطيش المجال ليها تاخدو منك
الام:ديالها باقي كتفكر في كلام بنتها حتا سمعت ختها كتصوني عليها
الام:ها هيا خالتك كتصل بيا اش بغيتي نقوليها
اميمية:قولي ليها الحقيقة ..حيت ماعندكش فاش تهربي منها
الام:الو ا حرية اختي
حرية:مالكي اختي كتبكي ..اش كاين؟؟
الام’سكتي …سكتي …اش غادي نقوليك …اش بغيتي تسمعي …راه ختك قريبة تسطا
حورية:مالكي كتندبي ..يالله هضري باش نفهم
الام:ولد ختك ا حوية ..قاليك باغي شي بنت في طنجة …لولد مشا بيومين …صداق باغي يتزوج
حورية:او شيماء بنتي مافكارش فيها؟؟
الام:قولتها ليه اختي …وشكون يسمعك
حورية:او ملي يتصل بيك قولي ليه حتا بنتي ماشي شيطا تبرك الله زين والقرايا وألف واحيد يتمناها وقطعت عليها

يتبع ….
الجزء الرابع

About admin

شوف هاد الموضوع

قصص بعنوان مجانين الدارالبيضاء

  تحت الشتااء لي نازلا خيط من السما ولي كيقولواا جاياا وجايبا معاها الخير هادشي …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *