الثلاثاء , أكتوبر 27 2020
الرئيسية / قصص غريبة / قصة بعنوان …… أحببت نجما لامعا الجزء الاول

قصة بعنوان …… أحببت نجما لامعا الجزء الاول

 
القصة عبارة عن كوميديا رومانسية كتجمع 2 أشخاص و كيما كتعرفو عليا الهدف و المغزى من القصة فآخر بارت فهاذ القصة غيكون سرد الأحداث من قبل البطل و بطلة القصة كل واحد فيهوم غيعاود من ناحيته حينت كل واحد فيهم كان كتب قصتو فواحد المذكرة بلا ماتسولوني كيفاش حتى طاحت فيدي سر المهنة إلا شفتو هاذ الرمز ==> بمعنى باللي انتقال و الشخصية الأخرى هي اللي كتهضر نبداو بسرد القصة و نخلي البطل ديالنا يعاود على راسو : البطل هو الأول les femmes d’abord و نتي شفتك باغا دخلي معايا فالقصة ليلى خوي secteur نتي معانا ولا معهوم أنا اللي غنبدا و نعاود ليكم على راسي أنا سميتي ميار عندي 25 عام إسم غريب ياك أصلا أنا كلي غريبة هاذ الاسم سبب شهرتي حينت قليل بزاف كيقولي باللي سمية ولد و أصلا أنا دايرة كيف الولد ديما لابسة سبور جينز قميجة و صبرديلة حينت كنخدم فمهنة المتاعب أنا صحفية وماشي أي صحفية بلا ماتغيرو مني أنا خدمة فجريدة سميتها ” Scoop ” من الإسم ديالها باين المعنى أنني خدامة فجريدة فنية و كتهتم بأخبار الفنانين كل ماهو حصري و جديد كنديرو لقاءات مع ألمع نجوم الشاشة طلقت عليكم السلوكية فهاذ اللحظة الحقيقة أنا فعلا خدامة فهاذ الجريدة ولكن راه يلاه بدات هاذي ماشي مجلة عادية هي كتواكب العصر و عبارة عن مجلة إلكترونية عندها واحد عدد من المتتبعين ف social media كنديرو لقاءات مع فنانين و لكن اللي يلاه بداو بحالنا أما سبب انتشارنا الكبير صراحة هو الفضائح النهار و ماطال و حنا حصريا فضيحة النجمة بملابس شفافة حصريا زواج الفنان الكبير حصريا طلاق الفنانة من زواج دام أقل من شهرين و بحال هاذ الأخبار الخاوية وللي نصفها لا أساس لها من الصحة ولكن كتعجب الناس و كتعجب المديرة بالخصوص اللي غرضها من هادشي كامل الربح المادي وباش نكونو ديما عايقين و فايقين و حينت الصحفي خاصو دائما يصطاد الخبر مديرة الجريدة عطاتنا des Smartphones مجهزين بواحد l’application اللي كتسمحلينا نصورو فيديوات أو صور و نبوسطيوهوم Online فالموقع الرسمي للجريدة كيكيتصور الفيديو كتلقاه فالموقع هاذ التقنية نفعاتنا بزاف حينت خلاتنا نقدمو أخبار حصرية و فالبلاصة مكاينش اللي كيفلت منا لدرجة أن مالين الدار ولاو كيخافو مني و من جهاز الهاتف اللي فيدي وليت كندير الرعب كثر من المسدس بحكم أني صحفية كل مرة فمدينة رغم أنها مهنة صعيبة و لكن كتعجبني و هي اللي كانت حلمي من الطفولة كنت باغا نكون مختصة فالمجال السياسي و لكن تمشي الرياح بما لاتشتهي السفن مالقيت من غير هاذ الجريدة اللي خدمت فيها ولكن الحضور الصحفي ديما كاين و كنقدم أخبار وأسرار النجوم و السينما كنت عكس زملائي فالعمل اللي كانو مهتمين بكل مايتعلق بفضائح أن كنت مهتمة بكشف الستار و ما وراء الكواليس وكنزيد فيه و كندخل فماضي و حياة النجوم الشخصية واخا بعد المرات كنهبش حتى كنجبد حنش و كنجيب المشاكل للجريدة و أحكام قضائية و لكن المديرة عاجبها الحال لأن كل ماكثر الهضرة على جريدتنا كل ماكثرو عدد المتتبعين
ياربي هاذ الصحفية ثاني كاتبة عليا واش كاين غير أنا فهاذ البلاد اللي بغى يتشهر يكتب عليا ـ صافي ابدر تهدن أصلا هاذي مامجلة ماوالو ـ نتهدن سمع الخبر ” بعد فضيحة والده النجم المغربي بدر يعود بفضيحة جديدة و قضية الضرائب ” ـ بدر صافي اصاحبي هادشي ماعندو حتى شي تأثير لا على شهرتك ولا على شعبيتك مع الناس خلينا ندوزو هاذ العرض الأول بخير و على خير ـ عندك الحق خلينا نمشيو نتلاقاو بالصحافة ديال بصح خلينا من هاذ المجلة ديال 2 ريال سمحوليا ماقدمتش ليكم راسي ولكن راني غني عن كل تعريف أنا بدر 29 عام ممثل مغربي عربي معروف عندي شهرة و شعبية كبيرة أفلامي ناجحة و ديما فالصف الأول كنقدم سينما و فن راقي كيعجب الناس خذيت بزاف ديال الجوائز و مشهور عربيا و كأي فنان حلمي العالمية مكرهتش نمثل فشي فيلم هوليودي و لكن ماشي بحال الأفلام اللي كيتصورو فورزازات و اللي كتلقاه نجم كبير و خذا دور بسيط فيلم فيه 120 دقيقة بان يلاه 30 ثانية كأي ممثل شاب وسيم عازب عندي معجبات بزاف صراحة سر نجاحي ماشي فقط أدواري وحياتي الفنية بل أكثر من ذلك سر نجاحي هو غموض حياتي الشخصية و حينت أنا مكيعجبنيش نبان بزاف فالمنابر الإعلامية الناس شبه مكتعرف عليا والو من غير السن ديالي و الحالة الإجتماعية و بعض الأخبار اللي كتسرب من هنا و من هنا خصوصا من ذيك الصحفية اللي ماعارفش حتى شنو سميتها و اللي غير مدخلة راسها فاللي يعنيها و اللي مايعنيها بغا تشهر هي و ذيك الجريدة بأي ثمن و بأي طريقة ولكن راه عندها الزهر أنني مكنكبرش الموضوع و هوما أصلا هذا هدفهم يثيرو انتباهي و نوض و نهضر و نحيح باش هما يتشهرو ولكن هاذ النوع كينفع معاهم سياسة التمياك : الله يستر منين عقلت عليك و نتا كتكتب فذاك الكتاب ـ ديها فراسك ا سعيد سوق و نتا ساكت تمشي تدير لينا شي مصيبة ـ وزعمة راني المناتجر ديالك خاصني نعرف عليك كللشي ـ هذا ياسيدي كتاب كنكتب فيه قصتي من نهار تزاديت ـ مزيان صراحة قصتك تصلاح تكون فيلم كيحكي على قصة نجاح شخص بدا حياتو من الصفر ـ فكرة زوينة علاش لا ـ ولكن خليها حتى تلاقا مع شي بنت باش تزيد لقصتك الطابع الرومانسي المنعدم تماما فحياتك الحالية ـ والله حتى راك عفريت احياني عليك كتبان درويش ساعة شكون باقي درويش فهاذ الزمن ـ خلينا مني دابا وشوف تبارك الله تصاورك كيف معمرين طريق السينما و البوستر ديال الفيلم باين غتحقق نجاح كبير ـ نتمناو فيلمي الجديد كيحكي على قصة حب جميلة هو فيلم رومانسي 100% نتمنى يعجب الناس داز العرض الأول مزيان الحمد لله كنسمع الناس كيقولو سميتي و عاجباهم الفيلم هذا هو الهدف الكبير و لكن ميمكنش ترضي كاع الأذواق : ناقد ديال آخر الزمن ـ بدر ماتعصبش راسك الفيلم عجب الناس و هذا هو المهم وراه الفن أذواق ـ واش عرفتيه أش قال حنا كنبيعو الوهم الفيلم لاعلاقة له بالواقع ديرو شي حاجة كاينة عرفتي هذاك خينا كيعجبو غير الأفلام المثيرة للجدل كتعجبو لغة الشارع فالأفلام الواقع الأسود واللي كيتصور بالتفاصيل الدقيقة ديالو بوجود بحال هاذ العقليات c normal سينما ديالنا غادا اللور اللور ـ دابا تهدن حققتي نجاح كبير ـ الحمد لله
ميار شفتي الفيلم الجديد ديال بدر ـ وي شفتو عجب الناس ولكن النقاد كيبان ليا بحال إلا ماعتابروهش واقعي ـ الله يهديهوم الفيلم كان عبارة عن قصة حب بسيطة و جميلة جمعات 2 ديال الناس أش بغاو هوما شي واقع و حتى الفيلم أنا حسيت بيه حقيقي و مابعدتش بزاف على الواقع ـ عندك الحق حتى أنا عجبني الفيلم على الأقل كانت نهايتو زوينة و باينة براكة عليا من ذوك الأفلام اللي ماداخلة ماخارجة ـ ماشي كاع النهايات زوينة ـ متافقة معك mais au moins تكون نهاية باينة ماشي مكتفهم الفيلم علاش كيدور و كيما العادة كمل من راسك ـ خلينا من هاذ الفيلم و خلينا نقوليك خبار غتعجبك ـ الله يسمعنا خبار الخير ـ ماشي لأول مرة جريدتنا غتكون فتغطية الخاصة بالمهرجان الدولي للفيلم بمراكش ـ لا ماتقوليهاش بصح ـ أخيييراااا ـ هذي فرصتنا باش نتشهرو كثر ـ جريدتنا غتكون من بين الجرائد المهمة فالمغرب ـ عندك الحق و فرصتنا ناكلو الطنجية الله شحال كتعجبني ـ ميار غاديين نخدمو ماشي نفوجو فمراكش ـ حجة و زيارة و حنا مغنغدموش 24 ساعة على 24 نتساراو و نفوجو شوية وهادشي اللي زوين فخدمتنا فيها التعب و لكن بنادم كيفوج ـ لا حبيبة غنخدمو 24 ساعة و كون كانت شي ساعة زايدة غنخدموها المديرة حالفة علينا زيدي يابنتي للاجتماع اللي دايرة تشوفي راه محلفة علينا ـ أوااااه أجي هاذ الدورة كاين تكريم السينما الهندية ـ قالو ـ العز هي غنتلقاو بشاروخان ـ ميار لا حبيبة باين ليا مامعولاش تخدمي نتي غتعطيها غير للتفلية نوضي يلاه للاجتماع ـ سيري قهرتيني بهاذ الاجتماع تقول خدامين فمجلة روتانا راه يلاه باديين ـ شحال فيك ديال الهضرة نوضي تخدمي إلا باغا تخدمي و مشيت للاجتماع المديرة ماعندهاش معايا بزاف مكتحملنيش و كون ما أخبار اللي كنحط كون شحال هاذي جرات عليا حينت كتقول عليا لساني طويل و كندخل فشي شبقات ماشي ديالي بالإضافة للهندام ديالي الذي لا علاقة له بملابس الفتيات : هاذيك العسكري مزال مابغا يهديك الله تلبسي مقاد بحالك بحال البنات راك خدامة فمجال الفن زعمة هاذ المديرة كتهضر بحال إلا تقول شحال كتخلصنا باغانا نلبسو بحال الفنانات حينت كنتخلصو بحالهوم : سعادة المديرة المحترمة أنا راني غير صحفية ماشي ممثلة باش ندير fashion هنايا ـ خلينا من هاذ الهضرة و سمعوليا عرفتو شحال ديال المجهود و طليب و الرغيب باش تكون جريدتنا فتغطية المهرجان داكشي علاش نبغي خدمة تكون فمستوى هاذ الحدث العالمي ماشي الشوهة اللي درتو ليا فموازين و الله مانسيتها ليكوم خصوصا نتي ياهاذ الشنيولة ديال ميار : مالي أش درت هضرت على جينيفر لوبيز و الصحافة ديال المغرب كامل هضر على شوهتها ـ وحنا مالنا أنا اللي كيهمني تكتبي و تشكري ليا الحفل هاذ المديرة عندنا كيهمها غير العامل المادي مكتهمهاش شي حاجة سميتها قضية و هدف و مبدأ صحفي الله يعفو عليا من هاذ الخدمة اللي كتخلي الواحد يدوس على مبادئو : سمعوليا أي خبر حصري و جديد و أي لقاء متميز غتكافئو عليه غيكون عندكم مفاجئات و ترقيات و تنافسو ليا و هنا تحلو ليا عينيا الله يلعن بو شي قضية و لا خدمة و لا مبادئ ترقيات لا خاصني نطير على الأخبار ماتقولوش رجعت فهضرتي لا غير خاصنا نقدمو أخبار للناس و صافي اما مبادئي ماكتغيرش تيقتوني نتمنى

يتبـــــــــع ,,,
الجزء التاني ..
صفحتنا علي الفايسبوك

About admin

شوف هاد الموضوع

قصص بعنوان مجانين الدارالبيضاء

  تحت الشتااء لي نازلا خيط من السما ولي كيقولواا جاياا وجايبا معاها الخير هادشي …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *