الرئيسية / فن التطياح / كيفاش نرد درية كاتسطى عليا؟

كيفاش نرد درية كاتسطى عليا؟

 

تصاحبتي؟ لقيتي ساطا ودرتي داكشي كامل, وتصاحبتو ولكن نتا باقي مهدد باش تقوليك حسن نتفارقو. عرفتي علاش؟ حيت ماوصلاتش لديك درجة فاش كاتولي نتا هو الأوكسيجين ديالها, غاتفهمني إذا تفرجتي ف”بيتر موون”, ما عمرك جربتي هاد الإحساس؟ أن درية تبقى تبكي عليك, و إين فوا تقوليها سالينا تهبط لرجليك, تماما بحال “بيتر موون”, لقضية جاتك من نسج الخيال, و لكن تيق فيا لقضية ساهلة بزاف.
إذا تقرجتي فالفيلم غاتلاحظ مجموعة من الأشياء لي خلاو أوسكار يرد ديك ساطا كاتسطى عليه و كاتبكي عليه, اليوما أنا غانلخص ليكم هاد لحوايج.
-الثقة في النفس
الثقة في النفس ضرورية بزاف, داكشي علاش سبق لي ودرت عليها درس و تانوصيك بيها, لاحقاش لا ماكنتيش تايق فراسك كيفاش غاتقدر طيح درية؟ كيفاش غاتقدر تواجهها؟ كيفاش غاتزعم دير المبادرات؟ ألوغ تيق فراسك, و نسى عليك التفكير السلبي. من اليوم نتا تايق فراسك.

-الضحك و النشاط
كن ضحوكي و خليها تنسى مشاكيلها, ضحكها, خليها تحس براسها إنسانة نشيطة معاك, حسسها بلي مايمكنش ضحك لما كنتيش نتا, حيت إين فوا كاتكون مقلقة و كاتجي تعاودليك و كاضحكها, راه ماكاتبقى تعاود لحد من غيرك حيت على بالها نتا لي يمكن ليك تعاونها, وبالتالي و ليتي ضروري بالنسبة ليها باش تنسى مشاكيلها.

-كن جدي و راجل فالمهمات الصعبة
مايمكنش تجيك مجروحة و تيقى ضحك, فوالا, يعني الضحك ماشي ديما كاين شي مواقف لي خاص تكون فيهم جاد مع راسك, مثلا إذا دارت شي بلان ماعجبكش, ما تغاضاش عليه, لا سير و قوليها لا ماديريش هاد لو جيست, كن جدي فالمواقف لي خاصاهم جدية باختصار.

-طلع ليها لمورال
حاول تكون نتا هو داك الساط لي تايخليها تحس براسها عندها قيمة, باش ألافان ملي غاتصادف لي تايقلل منها, غاتولي تحس بلي ماكاتسوا والو بلا بيك, و غاتولي نتا هو السيد.

-قيسها بطرق فنية
إذا قريتي الدرس ديال “كيفاش نقيس درية” غاتكون فهمتيني, ويلا ماقريتيهش أنا غانلخص عليك و نقوليك –رجع قراه ولا ماغاطفروش-.



دابا مورا مادرتي هادشي كامل, وحسيتي بيها صافي ولات كاتميل جيهتك, لاحظتي العلامات لي كايدلو على أنها كاتبغيك –رجع لدرس ديال “كيفاش نعرف الدرية واش كاتبغيني؟”- جالوقت باش تقلب اللعب كيفاش أنا غانقوليك كيفاش؟

-قلل من الهضرة معاها
ساط فراسك إذا ما كنتيش كاتقلب وجهك, راه غاديرك فلفراندزون, -واحد لبنت قالتلي مانحملش حبيبي يكون ديما معايا, خاص نتوحشو سينو غايطلع ليا فراسي- دير بكلام لبنت و لبدها -هههه- لا راهب صح, خاصك تميك شوية باش توحشك وتولي متأكدة بلي كاتبغيك.

-سلم عليها بلوجه
أنا غانقوليك كيفاش؟ و علاش؟ ساط باش تسلم على درية بلوجه خاصك تمد يديك و تجبدها جيهتك و تقرب وجهك و ‘توفابيان’. دابا غانقوليك علاش ملي كاتسلم على درية بلوجه كاتمهد لخطوة لي من بعد, و لي مافراسكش هو أن النفس ديالنا كات”زمل” لبنت و هادشي لي بغينا.

-الصراحة راحة
جالوقت باش تقوليها بلي بغيتي طيح معاها, و بلي لبشرة ديال وجها تاتجعجبك, و مهم نتا تعرف كيفاش, ديك ساعة قوليها يالاه نتمشاو من هنا و بقى ضحكها ماتخليهاش تجاوبك.

-القبلة وما أدراك ما القبلة.

About admin

شوف هاد الموضوع

كيفاش نزيد فالعلاقة مع صاحبتي ؟

  شخصيا ايلا بديت الهدرة على لاموغ كانولي عاطفي و عندي استعداد نخسر مع كاع …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *