أشنو هوا ted talk ؟

 

تيد أو TED Talk كنظن أغلبية عيكونو ديجا سمعو به ولا كيعرفوه . هاد تيد بالنسبة ليلي نقطة بيضاء فوسط الكحولة فحال واحد المتنفس فاين كنقدر نشم شوية د الهوا نقي . علاش ؟
حيت تيد هي واحد المنظمة لي الهدف ديالا نشر الأفكار غالبا مكيكونو videos ديكشي خفيف ضريف مكيفوتشي 18 دقيقة كيجي فيها شي واحد كيهضر و ناس كيتفرجو . هادوك لي كيهدرو غالبا مكيكونو مفكرين صحاح كيعودو على تجارب ديالوم ولا شي أفكار مهمة و كتحرق الراس بقوة ما كتبقا تفكر فيها و تعاود . هاد المنظمة كتآمن بلي القوة دالأفكار كتبدل تصرفات د الشخص و الحياة ديالو و علاش لا العالم بكمالو . بعض مرات كينظمو حتى ملتقيات لي تقدر تكون فأي منطقة فالعالم باش ناس كاملين يستافدو .
تيد كتطرق ن جميع المواضيع لي قالك راسك كتجبرو تما و حتى بنادم لي كيهضر كل واحد و مناين .
إلا بغيتي تشوف هاد تيد كيف عامل ما عليك إلا دخول ن يوتيوب و كتب TED TALK و اختار الموضوع لي يعجبك كاينا حتى ڤيديوات مطرجمين بالعربية ن الناس لي معندومشي مع لونگلي و لا ل application ن ناس د سمارت فون بلحق ممطرجماشي .
را أغلبية بينا كندوزو نهار و مطال مكونيكطيين اللهم نفيدو راسنا بشيحاحة و ديكشي كامل ساهل ماهل عي إلى مبغيتيشي .